Lalarga na ang Bicameral Conference Committee Meeting ng senado at kamara upang i-reconcile ang mga probisyon ng panukalang P5.024-T General Appropriations Bill (GAB) para sa taong 2022.
Layunin nitong bumuo ng final version ng national budget na lalagdaan ni Pangulong Rodrigo Duterte bago matapos ang taon.
Pangungunahan ni Senate Finance Committee Chairman Sonny Angara ang delegasyon ng mataas na kapulungan habang si House Committee Chairman at ACT-CIS Party-List Rep. Eric yap ang mangunguna sa mababang kapulungan ng kongreso.
Magugunitang ipinasa ng senado noong isang linggo ang bersyon nito ng GAB mula sa counterpart measure na inaprubahan ng kamara noong oktubre kung saan nagkaroon ng amendments na aabot sa P100-B, na karamiha’y realignments sa health sector.
Sa Senate Version, ang health sector ang makakukuha ng ikatlong pinaka-malaking share ng budget, sa gitna ng banta ng COVID-19 Omicron variant.
Aabot sa P226.7-B ang inilaan ng senado para sa Department of Health, kumpara sa P182.67-B na inappropriate sa bersyon ng kamara. —sa panulat ni Drew Nacino