Tuloy pa rin ang isasagawang Bayanihan, Bakunahan massive vaccination roll-out laban sa COVID-19 sa Negros Oriental.
Ayon kay Assistant Provincial Health Officer Dr. Liland Estacion, limang araw gagawin ang second round ng inoculation drive mula December 21 hanggang 23 at 27 at 28 sa Macias Sports Complex Mega Vaccination Center.
Habang hiniling ni Estacion sa kanyang mga kababayan na mag avail ng libreng bakuna kabilang na ang booster shot upang hindi makompromiso ang safety protocols habang isinasagawa ang relief operations sa mga typhoon victims.
Matatandaang, pinatigil ang vaccination roll-out noong December 16, isang araw bago pa tumungo ang direksyon ng bagyong “Odette” sa Visayas.
Ang pagbabakuna ay magpapatuloy na sana nitong Lunes subalit kailangan nilang i-assess ang status ng mga health centers sa lalawigan.
