Asahan na ang P0.25 kada kilowatt hour (kWh) na pagbaba ang singil sa kuryente ng Meralco ngayong Mayo.
Ayon sa Meralco, ito ay bunsod ng kanilang pag-giit sa force majeure provision sa kanilang kontrata sa mga power suppliers.
Dahil anila sa coronavirus disease 2019 (COVID-19) pandemic, bagsak ang demand sa kuryente dahil walang pasok sa opisina at maraming industriya ang apektado ng ipinatutupad na lockdown.
Dahil dito, asahan na ang P50 na bawas singil sa bill sa kuryente ngayong Mayo ng mga kumo-konsumo ng 200 kWh kada buwan, P74 sa mga kumo-konsumo ng 300 kWh kada buwan, P99 sa mga kumo-konsumo ng 400 kWh kada buwan at P124 sa mg kumo-konsumo ng 500 kWh kada buwan.