Patay sa pamamaril ang barangay chairman ng Teresa, Rizal kaninang alas 7:00 ng umaga.
Kinilala ni Teresa Police Head, Chief Inspector Renato Torres ang biktima na si Arvin Dexter Zapanta, kapitan ng Barangay San Gabriel na nagtamo ng gunshot wounds sa kanyang ulo at katawan na agad nitong ikinamatay.
Dalawang hindi nakilalang lalaki na sakay ng motorsiklo ang suspek sa pananambang kay Zapanta malapit sa barangay hall.
Kasalukuyan pang iniimbestigahan ang motibo sa naturang pamamaslang.
- Meann Tanbio
