KINUMPIRMA ng Australia na nagpositibo sa bagong Omicron variant ng COVID-19 ang dalawang biyahero na dumating sa Sydney mula Southern Africa.
Ayon sa mga health authorities, pawang asymptomatic ang dalawang pasahero na kasalukuyang naka-isolate sa Special Health Accommodation.
Kabilang ang dalawa sa labing-apat na pasaherong galing Southern Africa na sakay ng Qatar Airways flight QR908 mula Doha at dumating naman sa Sydney kagabi.
Sumasailalim naman ngayon sa labing-apat na araw na hotel quarantine ang labindalawa pang pasahero.
