Kabilang ang katawan ng dalawang (2) dayuhan na pinaniniwalaang mula sa Middle East ang narekober ng militar sa Marawi City.
Ayon kay Lt. Gen Carlito Galvez Jr., commander ng Western Mindanao Command, nasa decomposing stage na ang katawan at walang natagpuan na anumang dokumento o ID sa mga bangkay.
Dahil dito, umaabot na sa sampung (10) mga bangkay ng foreign fighter ang nakuha ng militar sa nagpapatuloy na bakbakan sa Marawi.
Kabilang dito ay ang dalawang (2) Malaysian, dalawang (2) taga – Saudi, dalawang (2) Indonesian, isang (1) taga – Yemen at iba pa.
Positibo namang tinukoy ng mga sumukong Maute fighters na may sampu (10) hangggang labing limang (15) mga foreign fighters ang nakikipagbakbakan kasama ng mga ISIS – Maute Group.
By Rianne Briones
