Handa na ang lahat ng dokumentong mag-uutos ng malawakang balasahan sa Philippine National Police.
Ayon kay incoming PNP Chief, Gen. Ronald Dela Rosa, posibleng umabot sa Isandaang opisyal ang maaapektuhan ng balasahan.
Pagpatak anya ng Alas 9 ng umaga sa Hulyo 1 ay agad niyang pipirmahan ang re-assignment paper ng mga PNP Official.
Halos lahat ng regional office ay lalagyan niya ng bagong pinuno na karamiha’y kilala niya bilang tunay na nagtatrabaho sa kampanya laban sa kriminalidad.
Gayunman, nilinaw ni Dela Rosa na hindi niya ibabase sa pagiging kaklase o kakilala ang ilalagay niyang opisyal kundi maging ang kanyang mga upper classmen ay ikukunsidera para sa mga pwesto sa PNP.
By: Drew Nacino
