Ilang kabahayan at maliliit na istruktura ang nagtumbahan at nalubog sa baha sa Palawan at ilan pang lalawigan bunsod ng malakas na ulan dulot ng Low Pressure Area (LPA) at amihan.
Ayon sa Palawan Provincial Disaster Risk Reduction and Management Office (PDRRMO), siyam na barangay sa bayan ng Brooke’s Point ang nalubog sa malawakang flashfloods.
Nagmistulang ilog naman ang mga kalsada dahil sa taas ng tubig na umabot hanggang bubong.
Samantala, apektado naman ng landslides sa bayan ng Casiguran sa Sorsogon at Nueva Vizcaya-Ifugao-Mountain Province boundary.
Dahil sa mga pagbaha at pag-ulan, suspendido ang klase sa mga apektadong lugar. – sa panulat ni Hannah Oledan