Napanatili ang lakas ng typhoon Karding habang nasa labas ng Philippine Area of Responsibility (PAR).
Huling namataan si bagyong Karding sa layong 585 kilometers kanlurang bahagi ng Dagupan City, Pangasinan sa labas ng PAR na may lakas ng hanging aabot sa 140 kilometers per hour at pagbugsong aabot naman sa 170 kilometers per hour.
Kumikilos ang bagyo pa-kanluran ng bansa sa bilis na 20 kilometers per hour at wala nang Tropical Cyclone Wind Signal (TCWS) na makakaapekto sa anumang bahagi ng bansa.
Sa susunod na 24 na oras, asahan ang mga pag-ulan sa western section ng Luzon at Visayas bunsod ng Southwest Monsoon o Hanging Habagat na patuloy na hinahatak ng Typhoon Karding.
Ayon sa PAGASA weather bureau, posibleng umalis ng PAR Region ang bagyong Karding at magtutungo sa kanlurang bahagi ng Vietnam.
Sa ngayon, nakataas pa rin ang gale warning signal sa mga baybaying dagat ng Luzon at Visayas kaya’t ipinagbabawal muna ang pagbiyahe o pagpalaot ng mga kababayan nating mangingisda maging ang mga maliliit na sasakyang pandagat.