Judith Estrada-Larino

Pinaghahanda na ng Pangulong Rodrigo Duterte ang economic team at ilang opisyal ng gobyerno ng recovery plan bago pa matapos ang pinalawig na Luzon-wide enhanced community quarantine (ECQ).

Ipinabatid ito ni Cabinet Secretary Karlo Nograles, spokesperson ng Inter-Agency Task Force for the Management of Emerging Infectious Diseases (IATF-MEID) matapos ihayag na mayroon ng ginawang paglalatag ng bahagi ng recovery plan, bagamat kailangan pa ng dagdag na data bago makumpleto ang presentation.

Una nang inihayag ng pangulo na sa ika-20 ng Abril isusumite ng technical working group ang final report nito sa pagbuo ng mga programa para maibalik ang consumer at business confidence sa bansa.

Umiiral ang ridge ng high pressure area (HPA) sa malaking bahagi ng bansa.

Ayon ito sa PAGASA kayat halos magiging maganda ang lagay ng panahon sa buong bansa bagamat inaasahan ang isolated rainshowers sa silangang bahagi ng Luzon sa susunod na 24 oras.

Ipinabatid pa ng pagasa na posibleng umabot sa 34°C ang pinakamainit na temperatura sa Tuguegarao, Metro Manila at Puerto Princesa.

Magiging mainit at maalinsangan din ang panahon sa visayas at mindanao maliban lamang sa thunderstorms sa silangang bahagi ng dalawang rehiyon.

Wala namang namo monitor ang pagasa na sama ng panahon sa loob ng Philippine Area of Responsibility.

Pumapalo na sa 49 ang na umano’y nagpapakalat ng fake news at sangkot sa online scam ang inaresto sa gitna na rin ng banta ng coronavirus disease (COVID-19) pandemic.

Ayon sa data ng Philippine National Police (PNP) Anti Cybercrime Group mula Marso 9 hanggang Abril 13, 24 na kaso na ang naisampa laban sa mga nagpapakalat ng mga maling impormasyon at mga umanoy dawit sa face mask scam.

Tinukoy ni PNP Spokesman Bernard Banac kumakalat na online at text messages hinggil sa standardization ng salary pension na hindi naman aniya tototoo batay sa pahayag ng PNP retirement and benefits administration service.

Una nang nagbabala ang PNP sa publiko na kakasuhan nang paglabag sa Republic Act 10175 o Anti Cybercrime Law ang mga magpapakalat ng fake news sa gitna nang dinaranas na health crisis ng bansa.

Nai-turn over na ng Department of Public Works and Highways (DPWH) sa Philippine National Police (PNP) Medical Corps ang PICC forum halls na magsisilbing health facility sa Pasay City.

Ipinabatid ni DPWH Secretary Mark Villar na mayruong 294 patient cubicles at anim na nurse station ang PICC forum tent.

Uubra namang magamit ng medical workers ang anim na smart houses na itinayo sa labas ng Forum Building.

Mayruon ding I.V stands, wheelchairs at deribrillators sa loob ng naturang health facility na tatayuan din ng mobile pharmacy at mobile X ray machine.

Sinabi ni Villar na pangungunahan ng PNP Medical Corps ang operasyon sa PICC health facility para tugunan ang mga pangangailanga ng mga [asyente na mayruong mildhanggang moderate cases ng coronavirus disease 2019 (COVID-19).

Nakatakdang magsagawa ng special en banc session ang Korte Suprema bukas Biyernes, Abril 17.

Sinabi ni Atty. Brian Keith Hosaka, tagapagsalita ng high tribunal na isasagawa ang special session on line.

Hindi naman tinukoy ni Hosaka ang agenda ng nasabing special session ng Korte Suprema na una ng itinakda kahapon.

Mahigit 12,000 public utility vehicle (PUV) drivers na ang nabigyan ng ayuda na bahagi ng social amelioration program (SAP) ng gobyerno.

Hanggang kahapon ipinabatid ng Department of Transportation (DOTr) na pumapalo na sa 12,454 ang mga driver na nabigyan ng cash assistance

Kabilang dito ang mga driver ng jeep, bus, tnvs, motorcycle taxi at iba pa.

Naglunsad ng OPD hotline consultation ang Lung Center of the Philippines(LCP).

Layon ng hakbang na makapagpa- konsulta ang mga tao hinggil sa coronavirus disease 2019 (COVID-19), asthma, COPD bronchiectasis, tuberculosis at iba pang lung disease.

Bukas ang lcp-opd hotline number 155-225 tuwing Lunes hanggang Biyernes,  8:00 a.m. ng umaga hanggang 5 p.m. ng hapon.

Patuloy ang pagtaas ng kaso ng COVID-19 sa bansa.

Ayon sa Department of Health (DOH) hanggang kahapon ay pumapalo na sa 5,453 na ang tinamaan ng coronavirus disease 2019 (COVID-19).

230 panibagong kaso ng COVID-19ang naitala sa nakalipas na magdamag.

14  naman ang nadagdag sa death toll ng COVID-19 na nasa 349 na.

Samantala  pinabatid ng DOH na 58 pasyente naman ang mga bagong gumaling kayat nasa 353 na ang total recoveries mula sa COVID-19 sa bansa.