Judith Estrada-Larino

Pinayuhan ng Inter-Agency Task Force on Emerging Infectious Disease(IATF-EID) ang publiko na huwag nang maging maarte.

Kasunod na rin ito ng mga report ng maraming motorista na tumatawid pa o nagpupunta pa sa ibang lugar para lamang makapag grocery.

Sinabi ni Cabinet Secretary Karlo Nograles, tagapagsalita ng IATF na dapat maintindihan ang sitwasyon na dapat ay stay at home na ang lahat maliban lamang sa mga kailangang mahalagang bilhin sa labas.

Binigyang diin ni Nograles na nasa huling yugto na ang Pilipinas sa pagpapatupad ng enhanced community quarantine (ECQ) kayat lalo pang maghihigpit ang gobyerno para hindi mabalewala ang pagod at sakripisyo ng bawat isa.

Ikinukunsidera ng Malakaniyang ang pagpapatupad ng total lockdown kapag marami pa rin ang patuloy na magpapasaway at lalabag sa enhanced community quarantine (ECQ).

Ayon ito kay presidential spokesman harry roque bagamat umaapela pa rin sila sa taumbayan na huwag na nating pahabain ang ECQ at sumunod na lamang sa nalalabing dalawang linggo.

Hinimok ni roque ang mga pilipino na mag sakripisyo lahat dahil talaga kapag hindi na flatten aniya ang curve o hindi nabawasan ang kaso ng coronavirus disease 2019 (COVID-19) sa bansa total lockdown talaga ang kinukunsider nilang option.

Matatapos na sa Abril 30 ang pinalawig na ECQ sa buong Luzon.

Suportado Ng Inter-Agency Task Force for the Management of Emerging Infectious Diseases (IATF-EID) ang testing center ng Marikina City Government.

Ayon ito mismo kay Marikina City Mayor Marcelino Teodoro na nagsabing inabisuhan ng IATF ang Department of Health (DOH) para pabilisin ang accreditation ng nasabing testing facility na kailangang kailangan na.

Binigyang diin  ni Teodoro na kapag naaprubahan na ang nasabing testing center magiging bahagi na rin ito ng testing facilities na magsasagawa ng mass testing base na rin sa direktiba ng Pangulong Rodrigo Duterte.

Nagpasalamat naman si Teodoro sa pagsuporta ng IATF sa nasabing testing facility na para talaga sa mga mahihirap na Pilipinong walang pambayad para sumalang lamang sa coronavirus disease 2019 (COVID-19) test.

Ipinabatid ni Teodoro na sumasailalim na ang laboratory technicians at medical technologists sa level 2 training upang matiyak ang kaligtasan ng mga staff at ang komunidad. Ulat mula kay — Jaymark Dagala (Patrol 9)

Tumaas na ang testing capacity ng bansa kayat  tumataas din ang bilang ng mga nasusuri kaugnay sa coronavirus disease 2019 (COVID-19).

Nilinaw ito ni Cabinet Secretary Karlo Nograles, Spokesman ng IATF sa gitna na rin nang patuloy na paglobo ng mga nakukumpirmang positibo sa COVID-19.

At habang tumataas aniya ang kapasidad sng pagsuri sa mga pasyente  asahan na rin ang pag akyat ng bilang ng mga nagpo-positibo

Sinabi pa ni Nograles na dahil sa tumataas na ang bilang ng mga nasusuri  higit na tututukan ng gobyerno na mapataas ang bilang ng mga naka recover sa nasabing virus.

Tiniyak ng Inter-Agency Task Force on Emerging Infectious Diseases (IATF-EID) na walang ipatutupad na martial law ang Pangulong Rodrigo Duterte  kahit pa may mga pasaway at lumalabag sa enhanced community quarantine (ECQ).

Sinabi ni Cabinet Secretary Karlo Nograles na malinaw sa batas na maaaring ideklara lamang ng Pangulo ang martial law kapag mayruong invasion o pananakop ng ibang bansa o may banta ng rebelyon samantalang problemang pang kalusugan ang COVID-19.

Binigyang diin ni Nograles na paiigtingin na lamang ng gobyerno ang implementasyon ng ECQ para masawata ang mga pasaway.

Magugunitang ilang motorista ang hinuli ng highway patrol group ng PNP at kahabaan ng EDSA dahil sa mga hindi otorisadong pag biyahe samantalang dalawandaan katao naman ang inaresto sa Parola compound sa Tondo matapos lumabag sa total shutdown na ipinatutupad sa Barangay 20.

Aprubado na ng Inter-Agency Task Force on  Emerging Infectious Disease (IATF-EID) ang coronavirus disease 2019 (COVID-19) laboratory sa Marikina City.

Kinumpirma ito mismo ni Marikina City Mayor Marcelino Teodoro kayat handa nang magbukas ang kanilang testing center sa susunod na linggo.

Sa ngayon ay sumasailalim na sa calibration ang polmerase reaction machine na gagamitin para sa mga kukuning swab samples.

Maling ipagpaliban ang Barangay at Sangguniang Kabataan (SK) elections sa December 2022.

Ayon ito kay ACT-CIS party-list Representative Jocelyn Tulfo dahil nalantad sa coronavirus disease 2019 (COVID-19) crisis na kinakaharap ng bansa ang incompetence ng ilang kasalukuyang opisyal.

Sinabi ni Tulfo na dapat maitama ang mga maling ito kaya’t dapat ding isagawa ang eleksyon ng mas maaga o kalagitnaan ng susunod na taon matapos malampasan ng bansa ang COVID-19 crisis.

Torture na aniya sa mga residente ng mga barangay kung saan palpak ang mga opisyal at walang concern na nakita sa kasalukuyang sitwasyon kung sa December 2022 pa ang eleksyon at maaari pang makalimutan nila ang masalimuot na karanasan.

Tatlumpung (30) detainee sa Correctional Institute for Women ang hinihinalang infected ng coronavirus disease 2019 (COVID-19).

Ang mga nasabing persons deprived of liberty (PDL), ayon kay Bureau of Corrections (BuCor) Director General Undersecretary Gerald Bantag ay nasa Suspect B Classification dahil walang contact ang mga ito sa sinumang infected ng COVID- 19.

Samantala, ipinabatid ni Bantag na isang tauhan ng New Bilibid Prison ang hinihinala ring infected ng COVID-19 at kinukunsidera na Suspect A matapos magkaroon ng contact sa isang infected, subalit nakaself-quarantine na.

Inihayag ni Bantag na suspendido na ang pagbisita sa BuCor facilities para maiwasang kumalat ang COVID-19 sa mga lugar na ito.

Nakabalik na sa bansa ang mahigit 300 Pinoy seamen mula sa Miami, USA.

Ang 354 na Pinoy seamen ay balik -bansa sakay ng chartered flight na inayos ng Philippine Embassy sa Washington, DC at UPL Manning Agency.

(1/2) Service for our kababayan never yields as DFA welcomes 354 seafarers from Miami, USA, at #NAIA T1 today. The PH Embassy in Washington DC, in coordination with the local manning agency, UPL, arranged the chartered flight that brought the said crew back home. @teddyboylocsin pic.twitter.com/aOiXh7OrLd

— DFA Philippines (@DFAPHL) April 15, 2020

Ang panibagong batch ng repatriates ay nagmula sa Carnival Cruise kung saan mahigit 70 crew members ay mula sa MV Ecstasy, mahigit 100 sa MV Dream, halos 50 sa MV Glory at mahigit 100 sa MV Sunshine.

Hinimok ni House Deputy Speaker Mike Romero ang Department of Social Welfare and Development (DSWD) at Department of Finance (DOF) na gumagamit ng pinakahuling statistical references bukod sa 2015 census sa pagtukoy ng mahihirap na pamilya.

Sinabi ni Romero na kailangang palawakin ang sakop ng Pantawid Pamilyang Pilipino Program (4Ps) dahil tiyak aniyang babalik sa mahigit 20% ang poverty rate o higit 4-milyong pamilya.

Ibinabala ni Romero ang posibleng pag-doble ng unemployment rate sa buong taon kapag hindi nakabalik sa trabaho ang mga manggagawang naapektuhan ng coronavirus disease 2019 (COVID-19) crisis.

Ayon pa kay Romero, mahalaga ang 2020 census dahil kakailanganin ito ng kongreso at ng gobyerno sa adjustment ng susunod na budget, gayundin sa calibration ng COVID-19 measures.

Mayroon na aniyang resulta ang Philippine Statistics Authority ng 2018 family income and expenditure survey na maaaring magamit ng DSWD at DOF upang remedyuhan ang poverty data sa paggawa ng bagong calculations para masakop agad ang mga pamilya sa makikinabang sa social amelioration program.