Judith Estrada-Larino

Halos papalo nasa 4-M ang bilang ng mga dinapuan ng coronavirus disease 2019 (COVID- 19) sa buong mundo.

Sa nasabing bilang  98 porsyento o nasa mahigit 2-M  ay nasa mild condition at 2 porysento naman o mahigit  48,000 ay serious o critical condtion.

Ang amerika pa rin ang nakapagtala ng pinakamataas na bilang ng COVID- 19 infected na nasa mahigit 1-M  na at death toll ay nasa halos 75,000 na.

Samantala nasa 265,000 na ang kabuuang nasasawi dahil sa COVID- 19 at nasa halos 1. 3-M naman ang naka recover mula sa nasabing virus.

Ipinag utos na ng Pangulong Rodrigo Duterte ang pagpapatupad ng Balik Probinsya, Bagong Pag-asa Program para mapaluwag ang Metro Manila at mai-promote ang countryside development.

Nilagdaan ng pangulo ang Executive Order 114 na nagtatatag sa Balik Probinsya, Bagong Pag-asa Council na siyang tututok sa direksyong tatahakin sa pagpapatupad ng nasabing programa at matiyak ang pagsunod dito ng mga kinauukulang ahensya ng gobyerno.

Ang nasabing council ay pinamumunuan ng executive secretary at magsisilbi namang vice chair ang National Economic and Development Authority (NEDA) director general.

Kabilang sa mga miyembro ang mga kalihim ng  Department of the Interior and Local Government (DILG), Department of Social Welfare and Development (DSWD), Department of Agriculture (DA), Department of Agrarian Reform (DAR), Department of Trade and Industry (DTI), Department of Labor and Employment (DOLE), Department of Health (DOH), Department of Information and Communications Technology (DICT), Department of Finance (DOF), Department of Budget Management (DBM), Department of Public Works and Highways (DPWH), Department of Transportation (DOTr), Department of Tourism (DOT), Human Settlements and Urban Development,  Department of Environment and Natural Resources (DENR), at Department of Education (DepEd).

Mayruong 30 araw ang council para bumuo ng mga panuntunan sa pagpapatupad ng nasabing programa.

Tutukan ng konseho o sakop ng framework ng programa ang empowerment ng local industries, food security and agricultural productivity, social welfare, health and employment, at infrastructure development.

19 sa mga repatriated overseas Filipino workers (OFWs) ang nag positibo sa coronavirus disease 2019 (COVID-19).

Ayon ito kay National Task Force Against COVID-19 Chief Implementer Carlito Galvez, Jr.

Kasabay nito, ipinabatid ni Galvez na halos puno na ang quarantine facilities para sa mga umuuwing OFWs na nasa halos 24,000 na at sumasailalim sa 14-day mandatory quarantine kaya’t kinailangan aniyang suspindihin  muna ang pagdating ng mga eroplano mula sa ibang bansa sa loob ng isang linggo o hanggang bukas, Mayo 8.

Halos 45,000 pa aniyang OFWs ang inaasahang darating sa buwang ito at 4 hanggang 500 OFWs kada araw lamang ang kaya nilang pangasiwaan.

Posibleng mapalawig pa ang deadline sa pamamahagi ng unang tranche ng cash assistance sa ilalim ng social amelioration program (SAP).

Ngayong araw na ito matatapos ang isang linggong palugit na ibinigay ni DILG Secretary Eduardo Año sa local government units (LGU) para tapusin ang pamamahagi ng tulong pinansyal sa mga pamilyang apektado ng enhanced commuity quarantine (ECQ) dahil sa COVID-19 pandemic.

Sinabi ni Año na magsasagawa sila ng assessment ngayong umaga kung ilang LGU’s na ang nakakumpleto sa pamamahagi ng nasabing cash aid.

Titingnan aniya nila kung makatuwiran ang dahilan ng LGU’s na bigo pang makatapos ng distribusyon ng tulong pinansyal sa kanilang mga constituents.

Inamin naman ni Año na ang National Capital Region (NCR) ang nakapagtala ng pinakamaraming problema sa pamamahagi ng cash aid lalo’t malaki rin ang bilang ng mga beneficiary dito.

Hinimok ni Congressman Rufus Rodriguez ang kongreso na bigyan ng temporary franchise ang ABS-CBN matapos na ipasara ng NTC.

Ayon kay Rodriguez maghahain siya ng joint resolution para sa temporary franchise ng ABS-CBN sa loob ng dalawang buwan o hanggang sa katapusan ng first regular session ng 18th congress sa June 30.

Tiwala aniya siyang mapapabilis ang pagdinig para sa temporary franchise ng Kapamilya network kahit pa sa pamamagitan lamang ng video conferencing.

Ipinagtanggol ni Solicitor General Jose Calida ang NTC matapos batikusin dahil sa closure order sa ABS-CBN na nag off air na simula kagabi.

Ayon kay Calida hindi dapat sisihin ang NTC na sumusunod lamang din sa batas na nagsasabing hindi nito maaaring payagang makapag operate ang isang broadcasting company ng walang valid franchise mula sa kongreso.

Sinabi ni Calida na 2016 pa nakabinbin sa kongreso ang panukala hinggil sa renewal ng prangkisa ng Kapamilya Network subalit hindi naman ito inaksyunan ng kongreso kaya’t nagtatanong siya kung sino ang dapat sisihin dito.

Tinawag ni Calida na triumph of the rule of law ang naging desisyon ng NTC matapos tukuyin ang 2003 Supreme Court decision hinggil sa itinakdang precedent para sa kapangyarihang ito ng NTC.