Judith Estrada-Larino

Nadagdagan pa ng 27 ang bilang ng healthcare workers na nag positibo sa coronavirus disease 2019 (COVID-19).

Ayon kay Health Undersecretary Maria Rosario Vergeire, hanggang Mayo 6 ay nasa 1,886 na medical workers ang tinamaan ng nasabing virus.

Nitong mga nakalipas na araw aniya ay pababa ang mga naitatalang health workers na nagpo positibo sa COVID-19.

Sinabi ni Vergeire na nasa 403 ang health workers na naka-recover na mula sa COVID-19 at nasa 1,449 ang aktibong kaso ng nasabing sakit.

Walang bagong napaulat na nasawing health workers kayat nasa 34 ang death toll sa naturang sakit.

Naghain ng petisyon ang ABS-CBN sa Korte Suprema para ipatigil ang o mabalewala ang closure order na inisyu laban dito ng National Telecommunications Commission (NTC).

Inihain ng Kapamilya network ang petition for certiorari sa High Tribunal kasabay ang paghahain din ng media giant ng urgent motion for a special raffle para kaagad i-akyat ang kaso sa High Court.

Magugunitang kaagad nag off-air ang ABS-CBN nuong Martes ng gabi matapos mag isyu ng cease and desist order ang NTC dahil sa nagpaso na ang prangkisa ng Kapamilya network.

Malayo ang sitwasyon ng Pilipinas ngayon sa idineklarang Martial Law ng dating Pangulong Ferdinand Marcos nuong 1972.

Binigyang diin ito ni Presidential spokesman Harry Roque bilang tugon sa naging pahayag ni Bishop Broderick Pabillo na ang pagpapasara sa ABS-CBN ay hudyat nang papalapit na deklarasyon ng Martial Law.

Bagamat nirerespeto nila ang pahayag ni Pabillo, sinabi ni Roque na bukas ang Kongreso, Korte Suprema at iba pang hukuman, at maging ang iba pang media outlet maliban lamang sa ABS-CBN dahil paso na ang prangkisa nito.

Naitala ang pinakamataas na bilang ng mga naka recover sa coronavirus disease 2019 (COVID-19) sa nakalipas na magmadag.

Ayon sa Department of Health (DOH), 112 ang mga bagong gumaling mula sa sakit kayat nasa 1,618 na ang total recoveries.

Pumapalo na sa 685 ang kabuuang death toll matapos madagdag ang 27 bagong nasawi dahil sa COVID-19.

Nasa 329 ang mga bagong  kumpirmadong kaso ng COVID-19 sa nakalipas na 24 oras kayat mayruon nang kabuuang 10,343 ang confirmed COVID-19 cases mula nang pumutok ang outbreak nuong Enero.

205 kaso ay mula sa Central Visayas; 110 sa National Capital Region; at 24 ay mula sa ibat-ibang rehiyon.

Uubrang magsimula ng kanilang online classes ng  mas maaga sa August 24 ang mga pribadong paaralan

Ayon ito kay Education Secretary Leonor Briones bagamat dapat ay mayruon itong go signal ng Inter-Agency Task Force (IATF).

Sinabi ni Briones na dapat ding tiyakin ng private schools na susunod sila sa ipinatutupad na panuntunan ng department of health partikular ang pagbabawal sa face to face interaction.

Kasabay nito, ipinabatid ni Briones na isinasapinal na ng Department of Education ang Learning Continuity Plan (LCP) kung saan ide-detalye ang mga pagbabago sa polisiya na kailangan para tiyaking hindi maaapektuhan ang sektor ng edukasyon sa gitna ng coronavirus disease 2019 (COVID-19) pandemic.

Naghahanda na ang Manila International Airport Authority (MIAA) sa tinatawag na new normal para sa mga pasahero at airport staff.

Ipinabatid ng miaa na nagsimula na silang maglagay ng acrylic barriers sa mga check in counters sa Ninoy Aquino International Airport (NAIA)  terminal 1 para maiwasan ang pagkalat ng coronavirus disease 2019 (COVID- 19).

Sinabi ni MIAA General Manager Ed Monreal na bumili na rin sila ng mahigit dalawang libong kahon ng surgical face masks at nakikipag ugnayan na sa bureau of Quarantine para malaman ang dapat na  personal protective equipment (PPE) para sa proteksyon ng kanilang mga empleyado.

Naglabas na rin ang MIAA ng mga patakaran sa paliparan para maiwasan ang pagkalat ng virus sakaling alisin na ang travel restrictions at bumalik na sa normal ang operasyon ng NAIA.

Kabilang dito ang  pagsusuot ng face mask sa pagpasok sa pasilidad ng paliparan, pagsailalim sa mandatory body temperature check ng lahat ng papasok sa paliparan, mahigpit na pagpapatupad ng social distancing sa paliparan lalo na sa pagpila gayundin ang one seat apart policy; pagdaan sa walk through X-ray machines, portable scanners, hand held metal detectors at iba pang gamit na para sa no contact checking sa security procedures.

Bukod pa ito sa tanging pagpapasok lamang sa mga pasaherong may valid travel documents at confirmed bookings, palagiang paglilinis ng mga pasilidad sa naia lalo na ng mga ginagamit sa flight operations at mga cr at pagpapanatili ng foot baths sa entry at exit points ng mga pasahero at airport personnel kabilang ang boarding bridges o katulad na lugar para sa pagbaba at pagsakay ng mga pasaher sa eroplano.

Isinusulong ni Congressman Benny Abante ang pagbuwag sa National Telecommunications Commission (NTC) dahil sa aniya’y pagiging useless agency nito.

Sa kaniyang inihang House Bill 6701 nais pa amiyendahan ni Abante ang Republic Act 7925 o Public Telecommunications Policy Act sa pamamagitan nang pagbuwag sa NTC at ilipat na lamang ang kapangyarihan at tungkulin nito sa  Department of Information and Communications Technology (DICT).

Nakasaad sa panukala ni Abante na maililipat din sa DICT ang budget ng NTC at bahala na ang dict secretary mnakung ibebenta ang mga kagamitan ng ntc sa pamamagitan ng public bidding, negotiated sale, lease o iba pang paraan ng divestment o transmission of rights.

Binigyang diin ni Abante na wala nang kuwenta ang NTC at ang pagpapanatili nito ay pagsasayang lamang ng pera ng taumbayan.

Malaki aniyang sampal sa Kongreso ang cease and desist order na inisyu ng ntc laban sa abs cbn dahil nagsabi na sila sa ahensya na bigyan ng provisional authority ang Kapamilya network para makapag operate habang hindi pa nare-renew ang prangkisa nito.