Nasabat ng Bureau of Customs (BOC) ang halos P35-M na halaga ng sigarilyo.
Ayon sa BOC ang two moon brand ng sigarilyo ay misdeclared bilang furniture at blinds na inilagay sa dalawang container.
Ang mga kargamento ay dumating mula sa China nuong April 27 at May 1 at naka-consign sa Vierport International Companies at Anikas Will Industry Corporation.
Tila unti-unti nang napa flatten ang curve sa kampanya ng gobyerno kontra sa coronavirus disease 2019 (COVID-19).
Ito ayon kay Dr. Anna Lim, isang infectious disease expert ay base na rin sa naitatalang positivity ratio o bilang ng mga indibidwal na nagpo positibo sa COVID-19 mula sa kabuuan ng mga isinalang sa test.
Sinabi ni lim na nasa pitong porsyento ito na maituturing na good performance kung ang pagbabasehan ay sampung porsyentong benchmark o standard ng World Health Organization (WHO).
Ipinaliwanag ni Department of Health (DOH) Undersecretary Maria Rosario Vergeire na sa unang yugto ng outbreak ng COVID-19 sa bansa pumapalo sa 16% ang positivity ratio dahil sa limitadong kapasidad para magsagawa ng COVID-19 tests.
Naglabas na ng bagong schedule ang Professional Regulations Commission (PRC) para sa mga naantalang pagsusulit nuong Marso hanggang Hunyo.
Nakansela ang march – June 2020 licensure examinations dahil sa implementasyon ng enhanced community quarantine sa malaking bahagi ng bansa bunsod ng sa coronavirus disease 2019 (COVID-19) pandemic.
Batay sa inisyung resolusyon ng PRC itinakda sa October 30 at November 1 ang licensure examination para sa mga graduate ng Architecture October 11, 12 at 18 naman sa Certified Public Accountants (CPA) ; Chemical engineers – October 1,2 at 4; Civil engineers – November 15 at 16 at criminologists – November 29 , 30 at December 1.
Para sa schedule ng isa pang licensure exams maaring i-check sa website ng PRC.
Ibinasura ng Korte Suprema ang petisyon humihiling na mabunyag ang health records ng Pangulong Rodrigo Duterte.
13-2 ang resulta ng boto ng court en banc para mabasura ang petisyon ni Atty. Dino De Leon.
Hindi naman na ni require ng high tribunal ang mga respondent na mag komento pa sa nasabing petisyon.
Pabalik na ng bansa ang dalawang barko ng Philippine Navy matapos makumpleto ang kanilang misyon sa India.
Huwebes ng umalis sa Kochi, India ang BRP Davao Del Sur at BRP Ramon Alcaraz.
Sakay ng dalawang barko ayon kay Naval Task Force 82 Head Colonel Noel Beleran ang 18 Pinoy tourist repatriates at 200,000 piraso ng face masks na donasyon ng India.
Tiniyak ng task force na mahigpit na isinalang ng medical team nito na nakasuot ng protective gears sa disinfection ang repatriates kasama ang kanilang mga gamit, thermal scanning at pag check ng vital signs.
Pawang itinuturing na coronavirus negative ang mga repatriates bagamat inilagay sila sa hiwalay na bahagi ng mga barko at mino monitor ng medical personnel.
Pinag-aaralan ng Department of Agriculture (DA)ang posiiblidad na mas maraming gulay pa ang madagdag sa listahan ng agricultural products na mayruong suggested retail price (SRP).
Ayon ito kay Agriculture Secretary William Dar dahil tumataas ang presyo sa merkado ng maraming gulay na hirap mai-biyahe sa gitna na rin nang umiiral na enhanced community quarantine (ECQ).
Una nang binuhay ng da ang local price coordinating councils sa buong bansa para matiyak na nasa SRP na itinakda ng ahensya ang presyo ng maraming agricultural products.
22 ang naitalang mga bagong nasawing Pilipino sa ibang bansa dahil sa coronavirus disease 2019 (COVID-19).
Dahil dito, sinabi ng Department of Foreign Affairs (DFA) na umaabot na sa 244 ang kabuuang bilang ng mga Pilipinong nasawi sa ibayong dagat dahil sa nasabing virus.
Ayon sa DFA sa nakalipas na magdamag ay naitala ang dalawandaan at labing walong panibagong bilang ng mga pinoy na tinamaan ng COVID-19 kayat nasa 2,140 ang kabuuang bilang ng mga pinoy na dinapuan ng naturang virus.
Nananatili ang Europa ang nakapagtala ng pinakamaraming pilipino na kumpirmadong nag positibo sa COVID-19 na nasa 647 cases, ikalawa ang Middle East – 616 cases, ikatlo ang Americas – 504 cases at ika apat ang Asia Pacific – 373 cases.
Isang bayaran lamang ang nakunsumong kuryente bago ang pagpapatupad ng enhanced community quarantine (ECQ).
Ipinabatid ito ni Meralco Spokesman Joe Zaldarriaga matapos linawing ang electric bills na dapat bayaran bago ang Luzon wide ECQ nuong Marso ay hindi sakop ng kautusan ng ERC hinggil sa apat na buwang installment o paghahati hati ng bayad ng konsumo sa kuryente.
Ang February bill aniya na naabutan ng deklarasyon ng ECQ ay dapat buong bayaran kapag nagbalik na sa normal ang sitwasyon.
Itinakda ng Korte Suprema sa Lunes, May 11 ang pag raffle sa inihaing petisyon ng ABS-CBN laban sa National Telecommunications Commission (NTC).
Nakasaad sa petisyon ng Kapamilya network ang pagpapatigil ng high tribunal sa inisyung Cease and Desist order ngNTC laban sa kumpanya.
Ang nasabing petisyon ay isinampa ng ABS-CBN, dalawang araw matapos ipag utos ng NTC ang pagtigil ng operasyon nito.
Posibleng i-veto ng Pangulong Rodrigo Duterte ang maipapasang bill para sa renewal ng prangkisa ng ABS-CBN.
Ito ayon kay Presidential spokesman Harry Roque ay kung makikita ng pangulo na mayruong legal issue sa naipasang panukala.
Muling iginiit ni Roque na neutral o walang kinikilingan ang pangulo sa usapin ng prangkisa ng Kapamilya network.