Judith Estrada-Larino

Dapat nang i-adopt ng mga pribadong unibersidad na gumagamit pa rin ng lumang academic calendar ang bagong schedule nang pagbubukas ng klase sa Agosto sa gitna na rin ng coronavirus disease 2019 (COVID-19) pandemic.

Ito ayon kay Commission on Higher Education (CHED) Commissioner Prospero De Vera ay para magamit ang mga buwan ng Mayo at Hunyo sa paghahanda sa flexible learning system na ipatutupad na rin sa buong academic year.

Sinabi ni De Vera na ang flexible learning ay nangangahulugang ang mga estudyante ay gagamit nang pinagsamang online, offline, residential at non residential school work depende sa internet connectivity ng mga estudyante, guro at higher education institutions (HEI)’s.

Ipinabatid ni De Vera na naabisuhan na nila ang mahigit tatlong daang state universities and colleges na planuhin na sa buwang ito at sa susunod na buwan ang pagpapatupad ng flexible learning system.

Aangkat ng 3000,000 metriko tonelada ng bigas ang bansa para madagdagan ang buffer stock.

Ito ayon sa Department of Agriculture (DA) ay kasunod na rin nang pormal na pagbubukas ng Philippine International Trading Corporation (PITC) sa government to government rice importation mula sa mga kalapit na mga bansa tulad ng Myanmar, Vietnam, India at Cambodia.

Una nang inalis ng Gobyerno ang importation capacity ng National Food Authority (NFA) sa ilalim ng rice tariffication law na nilagdaan ng Pangulong Rodrigo Duterte nuong Pebrero 2019.

Kayat simula Marso 2019 ay pinayagan na ng Pilipinas ang unlimited importation ng bigas hanggat may phytosanitary permit na makuha ang mga traders mula sa Bureau of Plant and Industry at makapagbayad ng 35% na taripa para sa shipments mula sa mga kalapit na bansa sa Southeast Asia.

Binigyan na ng ‘go signal’ ng Department of Education (DepEd) ang private schools na simulan ang kanilang klase sa pagitan ng Hunyo hanggang Agosto.

Ipinaliwanag ni Education Secretary Leonor Briones sa virtual press briefing na ang direktiba ay nakabatay sa itinatakda ng batas hinggil sa petsa nang pagbubukas ng klase.

Gayunman nilinaw ni Briones na bawal muna ang face to face classes hanggang bago mag Agosto 24 na siyang opisyal na pagsisimula ng klase a mga pampubliko at pribadong paaralan sa buong bansa.

Samantala ipinabatid ni Briones na magpapatupad din ang DepEd ng iba’t ibang learning delivery options tulad ng face to face blended learnings, distance learnings, home schooling at iba pang modes of delivery.

Subalit naka depende ito aniya sa local covid risk severity classification at sa pagtalima sa minimum health standards.

Posibleng hatiin ng Kamara sa dalawang tranches ang economic response ng gobyerno kaugnay sa epekto ng coronavirus disease 2019 (COVID-19) pandemic sa ekonomiya ng bansa.

Batay sa latest draft ng panukalang Philippine Economic Stimulus Act (PE (PESA) ipinabatid ni House Ways and Means Committee Chairman Joey salceda na P310-B ang ipatutupad para sa first tranche ng batas.

Sinabi ni salceda na P426-B ang ilalaang pondo para sa implementasyon ng pesa sa susunod na taon.

Aabot naman aniya sa P10-B ang inilaan para sa mass testing ngayong taon at dagdag na P10-B para sa 2021.

Ayon pa kay salceda nasa P80-B naman ang alokasyon para sa wage subsidy ng mga manggagawa at P30-B naman ang para sa mga beneficiary ng cash for work program ng Department of Labor sa taong ito samantalang P30-B at P50-B ang ilalaan para sa small business corporations simula ngayong taon hanggang susunod na taon.

Kailangang magsagawa muna ng mass testing bago luwagan ang mga panuntunan sa mga lugar na nasa ilalim ng enhanced community quarantine (ECQ).

Payo ito ng ilang experts mula sa up sa gitna na rin ng mgalumulutang na posibilidad na mailagay na sa general community quarantine (GCQ) mula sa ECQ ang Metro Manila matapos ang Mayo 15.

Ayon kay UP Political Science Assistant Professor Ranjit Rye delikadong magdesisyon base lamang sa available data hinggil sa coronavirus disease 2019 (COVID-19) cases ng walang mass testing.

Tutol aniya silang i-relax ang ilang panuntunan sa Metro Manila dahil makikita naman ang patuloy na pagtaas ng kaso ng COVID-19 sa kalakhang maynila samantalang 50 days na wala masyadong testing na ngayon pa lamang ginagawa.

Sinabi naman ni UP Institute of Mathematics Professor Guido David na mayruong 38% na delay sa kabuuang resulta ng COVID-19 testing kayat delikado ang mga assessments base sa real time.

Kapwa ibinabala ng up experts na tataas pa ang bilang ng COVID-19 cases kapag niluwaan ang ilang restrictions sa ilang lugar tulad nang nangyari sa cebu na tumaas ang kaso matapos alisin ang ilang panuntunan.

Inilatag na ng transport groups ang kanilang mga plano bilang paghahanda sa new normal sa sektor ng transportasyon sa sandaling ilagay na sa general community quarantine (GCQ) ang Metro Manila.

Ayon kay Efren De Luna, National President ng Alliance of Concerned Transport Organizations (ACTO)  ilan sa bagong sistemang ipatutupad nila ay ang pag upa ng pribadong lupa para pansamantalang gawing terminal ng kanilang mga miyembro.

Sinabi ni De Luna na bago pa naman pasakayin ng jeep papipilahin muna ang mga pasahero at duon na pagbabayarin para maiwasan ang pagpapaabot ng bayad sa mga kapwa pasahero at masunod din ang physical distancing.

Bukod dito ipinabatid ni De Luna na maglalagay din sila ng mga kahon at acetate wall sa kanilang mga jeep para hindi magdikit dikit ang mga pasahero.

Kasabay nito  tiniyak ni De Luna na hindi na sila magtataas ng pasahe dahil nauunawaan nila ang hirap ng mga pilipino subalit hihingi na lamang sila ng ayuda mula sa gobyerno.

Halos 2,000 healthcare workers sa bansa ang naapektuhan  sa coronavirus disease 2019 (COVID-19).

Ipinabatid ni Department of Health (DOH) Undersecretary Maria Rosario Vergeire na 46 na health care workers ang naitalang bagong bilang ng mga naka recover sa nasabing sakit.

Ayon kay Vergeire  mayruon pang 1, 451 ang aktibong kaso ng COVID-19 sa mga health care workers kung saan halos 1,000  ang  mild cases at mahigit 400 ang asymptomatic.

Pito naman ang itinuturing na severe condition samantalang nasa tatlumput apat ang mga nasawing health care workers dahil sa COVID-19.