Judith Estrada-Larino

Magpapatupad ng mga bagong protocol ang bagong hepe ng Philippine Drug Enforcement Agency (PDEA) kaugnay sa pagsasagawa ng anti-illegal drug operations sa gitna na rin ng coronavirus disease 2019 (COVID-19) pandemic.

Ayon kay bagong PDEA director general Wilkins Villanueva, nais nilang matiyak ang kaligtsan ng kanilang mga tauhan mula sa nasabing virus.

Sinabi ni Villanueva na unang ikukunsider nila ang buhay ng kanilang mga ahente bagamat sa target identification na halimbaway sampu kada lungsod, titingnan muna nila kung ang target na ito ay nakalagay na sa mya mga COVID identified personalities.

Ipa-prioritize aniya nila ang mga lugar na walang kaso ng COVID-19.

Inihayag ni villanueva na magsasanay pa ang kanilang mga ahente sa kanilang plano sa pagpapatupad ng mga bagong protocol sa anti-illegal drug operations tulad nang hindi pag face to face sa target.

Bukas ang Palasyo sa tatlong buwang pagpapalawig sa batas na nagbibigay sa Pangulong Rodrigo Duterte ng dagdag na kapangyarihan para malabanan ang pagkalat ng coronavirus disease 2019 (COVID-19).

Sinabi ni Presidential spokesman Harry Roque na “ideal” ang nasabing panahon ng extension ng Bayanihan to Heal as One Act.

Ayon kay Roque, makatuwiran na ang dagdag na panahong ito para makita ang resulta ng pagsusumikap ng gobyerno sa laban kontra coronavirus disease 2019 (COVID-19) at kung kailangan pang i-extend ay u-ubra naman hanggang Disyembre.

Una nang sinuportahan nina Senate President Vicente Sotto III at Senador Panfilo Lacson ang pagpapalawig sa special powers ng Pangulong Duterte sa ilalim ng nasabing batas.

Pumapalo na sa mahigit 100 test kits products para sa coronavirus disease 2019 (COVID-19) ang naaprubahan na ng Food and Drug Administration (FDA).

Kabilang dito, ayon sa FDA ang 59 na registered product para sa rapid testing at 45 naman ay para sa PCR based testing.

Marami sa test kits ay gawa ng China o nasa 45 produkto, samantalang ang iba ay gawa sa Singapore, Amerika, Germany, Ireland, Italy, France, South Korea, Australia, Turkey, United Kingdom, Spain, at Luxembourg.

Isa lamang sa mga produktong ito ay mula sa Pilipinas o gawa pa ng Manila Healthtek Incorporated na naka base sa Marikina City.

Isang helpline ang inilunsad ng Philippine National Police (PNP) para mabilis na matugunan ang mga tanong hinggil sa pag iral ng modified enhanced community quarantine (MECQ) at general community quarantine (GCQ).

Sinabi ni PNP chief General Archie Gamboa na u-ubrang tumawag sa PNP helpline 16677 ang sinumang may katanungan.

Ayon kay Gamboa, katuwang nila ang PLDT sa paglulunsad ng PNP helpline 16677 na pangangasiwaan ng PNP Directorate for Operations-PNP Command Center.

Nakatanggap din ang PNP ng 52 unit ng mobile phones, 30 units ng pocket wi-fi, 100 pieces ng prepaid cards at enterprises SMS messaging suite mula sa PLDT.

Mayroon pa ring mga limitasyon at mga ipagbabawal pa rin kahit pa isailalim na lamang sa general community quarantine (GCQ) ang Metro Manila.

Pinaboran ng lahat ng 17 alkalde sa Metro Manila na bumubuo sa Metro Manila Council (MMC) na irekomenda sa Inter-Agency Task Force na i-downgrade sa GCQ mula sa modified ECQ ang kalakhang Maynila simula sa June 1.

Napagkasunduan sa pulong ng Metro mayors na payagan pa rin ang local government units (LGUs) na magpatupad ng lockdown sa partikular na barangay kapag kinakailangan dahil sa mga kaso ng coronavirus disease 2019 (COVID-19).

Ipagbabawal pa rin ang pag biyahe ng mga pampasaherong bus at jeep bagamat papayagan ang pagbiyahe ng mga taxi, point to point vehicles, TNVS, company provided shuttle services at tricycles.

Samantala, ang mga pribadong sasakyan naman na mayroong mahigit isa ang sakay ay exempted sa number coding scheme subalit kailangan pang gumawa ng resolusyon hinggil dito ng MMC.

Ipinaalala ng mga alkalde sa Metro Manila ang mahigpit na pagsusuot ng face mask at pag-obserba sa social distancing.

Tuluy-tuloy ang mga pagdinig at maging ang mga pagpupulong sa Kamara, kahit naka-sine die adjournment na ang Mababang Kapulungan simula sa June 4.

Ayon ito kay House Majority Leader Martin Romualdez na nagsabing gagawa siya ng pormal na mosyon upang payagan ang house committees on legislative franchises at good government and public accountability na matalakay ang panukalang pagbibigay ng 25-year franchise sa ABS-CBN.

Pagkakataon na rin aniya ito para makapagsagawa ng pagdinig ang kamara sa iba pang mahahalagang panukalang batas kaugnay sa pagtugon sa epekto ng coronavirus disease 2019 (COVID-19) pandemic.

Una nang inpraubhan kahapon ng House Defeat COVID-19 Ad Hoc Committee ang P568-milyon o Philippine economic stimulus act, fist o financial institutions strategic bill at anti-discrimination bill.

Tuloy sa Lunes, June 1, ang enrollment ng mga estudyante sa public schools.

Ayon ito mismo sa Malacañang matapos una nang ihayag ng Department of Education (DepEd) na itinakda ang enrollment sa mga pampublikong paaralan mula June 1 hanggang June 30.

Kahapon, nilinaw ng Palasyo na ang ‘no vaccine, no classes’ na pahayag ng Pangulong Rodrigo Duterte ay para lamang sa face-to-face classes, subalit tuloy pa rin ang klase gamit ang blended learning at online classes.

Interesado ang Department of Agriculture (DA) na makiisa sa field trial ng isang bakuna kontra African Swine Fever (ASF) na dini-develop sa United Kingdom.

Ayon sa DA ang bagong pag-aaral ng Pirbright Institute sa UK ay nagpapakita na ang 100% ng mga baboy na binakunahan na dinivelop sa institute ay na protektahan sa ASF virus.

Tiwala ang DA na makakasama ang bansa sa field trials para makita kung gaano ka epektibo ang nasabing bakuna laban sa strain ng virus na nasa bansa.

Magugunitang mahigit 200,000 baboy sa buong bansa ang nasawi dahil sa ASF.

Aalisin na ng gobyerno ang ban sa mga bagong hire na health care workers sa ibang bansa kapag umayos na ang sitwasyon sa mga bansang ito sa isyu ng coronavirus disease 2019 (COVID-19).

Tiniyak ito ni Presidential Spokesman Harry Roque na naglinaw ding ipinatupad ang ban para masiguro ang kaligtasan ng Pinoy healthcare workers laban sa COVID-19.

Sa ngayon tanging ang mga healthcare workers lamang na mayroong employment contract hanggang nitong nakalipas na March 8 ang papayagang umalis ng bansa matapos ang paggawa ng isang declaration na batid nila ang mga panganib na kasangkot sa kanilang pag-alis batay na rin sa naging payo ng gobyerno.

Exempted naman sa nasabing ban ang mga babalik na healthcare workers na mayroong hawak na Overseas Employment Certificate exemption certificate.