Judith Estrada-Larino

Nasa halos P12-B ang kakailanganing budget ng Department of  Health (DOH)  para makakuha ng dagdag na contact tracers sa gitna na rin ng ng coronavirus disease 2019 (COVID-19) pandemic.

Ayon kay DOH Undersecretary Maria Rosario Vergeire kailangang makakuha ang bansa ng 95 contact tracers para maabot ang ideal ration ng isang tracer sa kada walong daan katao tulad ng rekomendasyon ng World Health Organization (WHO).

Sinabi ni vergeire na makikipag ugnayan sila sa Department of Interior and Local Government (DILG) na mangangasiwa rito partikular sa training ng contact tracers

Una nang nanawagan si Baguio City Mayor Benjamin Magalong sa local chief executives ng mga lugar na walang kaso ng COVID-19 na simulan nang bumuo ng contact tracing teams.

Pinabubuo na ng Inter-Agency Task Force (IATF) ang local government units sa Metro Manila ng coronavirus disease 2019 (COVID-19) special teams para sa mga lungsod na mayruong high risk barangays.

Sinabi ng IATF na sa sandaling umiral ang general community quarantine (GCQ) sa Metro Manila simula sa Hunyo 1 dapat magkaruon ng COVID-19 special teams ang Quezon City, Maynila at Paranaque City.

Pinabubuo rin ng covid 19 special teams angf Cebu City na simula sa Hunyo 1 ay sasailalim naman sa modified enhanced community quarantine (MECQ).

Ang naturang team ay tututok sa surveillance at aksyon sa mga maituturing na high risk barangays dahil maaari pa ring magpatupad ng lockdown sa mga barangay o bahagi ng barangay na matutukoy na mayruong mataas na kaso ng COVID-19.

Nanawagan sa business community si Senador Bong Go para suportahan ang economic recovery plans ng gobyerno matapos ang pinsalang idinulot ng coronavirus disease 2019 (COVID-19) pandemic.

Sa kaniyang virtual meeting sa mga opisyal at miyembro ng Federation of Filipino Chinese Chambers of Commerce and Industry Incorporated umapela si Go ng tulong sa mga isusulong na mga programa ng pamahalaan para mapabilis ang pagbangon at pagsigla ng ekonomiya ng bansa.

Makakatulong aniya ang mga negosyante sa pamamagitan ng pag i invest sa mga probinsya at bibigyan ang mga ito ng insentibo upang mahikayat na mag negosyo sa mga lalawigan

Hiniling din ni Go sa pribadong sektor na tulungan ang gobyerno sa paglaban sa korupsyon at huwag kunsintihin kung mayruong lumalapit o humihingi ng suhol o nanggigipit sa mga negosyante.

Binigyang diin ni Go na unang gagawin ng gobyerno ay muling bubuksan at papalakasin ang Build, Build, Build Program at pagsasagawa ng mass hiring ng contact tracers para makapagbigay ng trabaho sa mga pilipino at hindi palaging umasa sa tulong ng gobyerno. —ulat ni Cely Ortega-Bueno (Patrol 19)

Isinusulong ni Senate Majority Floorleader Juan Miguel Zubiri ang tatlong buwang extension ng Bayanihan to Heal as One Act (BAHO).

Nakasaad sa Senate Bill 1546 ang pagpapadeklara nang pagpapatuloy ng pag iral ng national emergency dahil sa patuloy na pagtaas ng coronavirus disease 2019 (COVID-19) cases sa bansa

Binigyang diin ni Zubiri na kailangang mapalawig ang nabanggit na batas para magamit sa mga programang pantulong sa vulnerable groups at mga indibidwal, mapalawak ang kakayahan ng gobyerno sa paglaban sa COVID-19 at mapondohan ang mga emergency initiative upang manatiling nakatayo ang ekonomiya.

Sinabi ni Zubiri na malayo pang matapos ang extra ordinary situation na kinakaharap ng bansa at nananatili ang banta sa buhay at kabuhayan kayat kailangan pa ng gobyerno ng kaukulang kapangyarihan at pondo para tumugon dito.

Una nang tiniyak ni Senate President Vicente Sotto III na bago mag-adjourn ang sesyon sa susunod na linggo  may ipapasa silang batas na magpapalawig sa Bayanihan Law. —ulat ni Cely Ortega-Bueno (Patrol 19)

Gumagamit ng ultra violet (UV) technology ang pamunuan ng Light Rail Manila Corporation (LRMC)  para ma-disinfect ang mga tren ng LRT-1.

Gamit ng LRMC ang ultra violet lamps na nilikha ng UP College of Engineering coronavirus disease 2019 (COVID-19) response team para ma-sterilize ang personal protective equipment (PPE)’s sa pamamagitan ng pagpatay sa bacteria at viruses.

Sa ngayon ay lumilikha na ang LRMC at UPNEC ng disinfection equipment gamit ang ubc technology na regular nang magagamit sa LRT-1 trains.

Ginagamit muna pansamantala ng LRMC ang prototype handheld na 360 degree UVC lamps ng UPNEC gayundin ang 180 degree UVC lamps na binili naman mula sa Taiwan.

Ipinabatid ng LRMC na sa pagbabalik ng biyahe ng LRT-1 ang UVC lamps ay gagamitin araw araw sa pag disinfect sa mga tren sa end stations sa Roosevelt at Baclaran.

Gagamitin din ito sa nightly sanitation activities sa LRT-1 depot facility.

Pumapalo na sa 15,049 ang kumpirmadong kaso ng coronavirus disease 2019 (COVID-19) sa bansa.

Kasunod na rin ito ng dagdag na 380 mga bagong kaso ng nasabing virus ngayong Miyerkules, Mayo 27.

Samantala, 18 naman ang nadagdag sa bilang ng mga nasawi dahil sa nasabing virus kayat nasa 904 na ang death toll.

94 ang mga bagong recoveries mula sa COVID-19 sa nakalipas na 24 oras kayat umakyat na sa 3,506 ang total recoveries sa nasabing virus.

Sa mga kumpirmadong kaso, nasa 10,639 ang aktibong kaso o sumasailalim sa gamutan o quarantine.

Ang nasabing bilang ng mga bagong kiumpirmadong kaso ay ikalawang pinakamataas na naitalang kaso ng COVID-19 simula nang magkaruon ng kaso ng nasabing virus sa bansa.

Abril 6 nang maitala ang pinakamataas na bilang ng mga bagong kumpirmadong kaso ng COVID-19 na nasa 414.