Judith Estrada-Larino

Itinanggi ng Philippine distributor ng Chinese company na Sansure Biotech ang alegasyong overprice ang inialok nitong coronavirus disease 2019 (COVID-19) testing equipment and kits sa gobyerno.

Tinawag pang fake news ng Omnibus Bio Medical Systems Incorporated ang mga report na tinangka nilang i-korner ang gobyerno para bumili ng medical equpment sa mataas na presyo na dahilan nang pagpapa imbestiga ng Pangulong Rodrigo Duterte sa mga may ari ng kumpanya

Ayon sa Omnibus sumusunod ang kumpanya nila sa business practice na magbigay ng best value sa medical equipment at hindi nila sisirain ang reputasyon nila lalo na sa mga panahong ito.

Kinumpirma ng kumpanya ang pag aalok ng extraction machine sa DBM sa halagang P4.3-M na kinabibilangan ng natch consumables o mga plastic na ginagamit para sa rna extraction, air transport at destination charges at iba pa.

Nag alok din anila sila ng isa pang package na nagkakahalaga ng P4-M na mas mababa sa unang alok dahil magkahiwalay ang presyo ng makina at natch consumables.

Binigyang diin ng Omnibus na wala naman silang monopo sa COVID-19 testing equipment at kit.

Tinawag na fake news ni Civil Service Commission Chair Aileen Lizada ang report na otomatikong pasado na ang Civil Service Exam takers habang nasa quarantine period ang bansa.

Binigyang diin ni Lizada na naka base sa merit at fitness ang pagpasok sa gobyerno kayat walang puwang dito ang mga hindi nagsasabi ng totoo.

Kinumpirma ni Lizada na tuloy pa rin ang taunang Civil Service Exam ngayong taon subalit hindi pa sila nakakapagtakda ng petsa para rito.

Kaugnay nito ipinabatid ni Lizada na mayruon pa silang inaayos tulad nang posibilidad ng online filing sa mga mag a apply sa exam.

Matatapos na ang pagpapauwi sa kani-kanilang mga lalawigan ng mahigit 20,000 Overseas Filipino Worker (OFW)  na ilang buwan ding stranded sa Metro Manila dahil sa lockdown.

Ipinabatid ni Labor Assistant Secretary Alice Visperas na nasa mahigit 19,000 na ang napapauwi nilang OFW’s  sa kani- kanilang mga probinsya.

Ilang araw lamang ito matapos simulan ng DOLE, OWWA at Philippine Coastguard ang pagpapauwi sa 24,000 OFW’s na stranded sa metro manila kasunod na rin ng direktiba ng Pangulong Rodrigo Duterte hinggil sa agarang pagpapauwi sa mga stranded OFW’s.

Sa gitna na rin ito ng mga reklamo ng mga repatriated OFW’s na ilang buwan na silang stranded sa iba’t ibang quarantine facilities sa Metro Manila kahit tapos na sa kanilang 14-day mandatory quarantine at negatibo naman sa coronavirus disease 2019 (COVID-19).