Judith Estrada-Larino

Hiniling ni House Speaker Alan Peter Cayetano sa mga kapwa kongresista na maging maluwag kay Solicitor General Jose Calida at payagang makapagsalita ito sa susunod na pagdinig hinggil sa isyu ng ABS-CBN franchise.

Kasunod na rin ito nang pagliban ni Calida sa pagdinig kahapon ng house committee on legislative franchises at good government and public accountability hinggil sa usapin
una nang sumulat si Calida kay Legislative Franchises Committee Chair Franz Alvarez para ipaalam na hindi siya dadalo sa pagdinig dahil ang mga usaping tatalakayin  dito ay bahagi na ng mga petisyong nakabinbin sa Korte Suprema.

Napansin naman ni House Good Government Committee Chair Jonathan Sy Alvarado ang pagliban sa hearing ni Calida kaya‘t ipinag-utos nito sa committee secretariat na padaluhin ang SolGen sa susunod na pagdinig at ipaliwanag kung bakit hindi siya dapat ma-cite for contempt.

Ang susunod na pagdinig sa usapin ng prangkisa ng media giant ay itinakda sa Lunes, June 1.

Pinangunahan ni Agriculture Secretary William Dar ang paglulunsad ng Plant, Plant, Plant Program ng ahensya.

Bukod sa iba pang opisyal ng Department of Agriculture (DA) kasama rin sa launching ng nasabing programa ang aktor na si James Reid na itinalaga bilang Ambassador of Food Security.

Nangako naman ang aktor na patuloy na magpapakalat ng mga impormasyon sa publiko ng mga advocacy ng D.A sa kampanya hinggil sa food security, food accessibility at affordability gayundin ang kahalagahan ng tungkulin at kontribusyon ng mga magsasaka at mangingisda.

Tinawanan lamang ni Baguio City Mayor Benjamin Magalong ang tanong ni Presidential Spokesman Harry Roque kung tatanggapin nito ang posisyon bilang coronavirus disease 2019 (COVID-19) tracing czar.

Kasunod na rin ito nang presentasyon ni Magalong hinggil sa contract tracing system na ginagamit ng Baguio City na maituturing na isa sa mga pinaka epektibo sa bansa.

Ayon kay Magalong may kaniya-kaniya namang sistema ang mga LGU at handa silang ibahagi ang kanilang contact tracing system sa iba pang lugar.

Sa kaniyang presentasyon ipinabatid ni Magalong, dating hepe ng PNP CIDG na gumagamit ang Baguio City ng cognitive interviews, isang GIS platform at analytical tools.

Ayon kay Magalong ang first level ng contacts ng isang COVID-19 positive patient ay isinasailalim nila sa Rapid Diagnostic Tests (RDT) para sa process of elimination.

Sa pamamagitan nito ay makakapag-focus aniya ang mga otoridad sa first level contacts na nagpositibo sa test kahit mayroong limitadong resources.

Bukod pa rito inihayag ni Magalong na kinukumbinsi rin nila ang mga COVID-19 positive patients na maging transparent sa kanilang kaso o banggitin nila ang kanilang identity sa publiko.

Sinabi pa ni Magalong na ang kanilang mga imbestigador ay sumailalim sa cognitive interview training na katulad ng sa CIDG para matulungan ang mga pasyenteng maalala ang mga insidente bago ang kanilang infection.

Sa aspeto naman ng teknolohiya binigyang diin ni Magalong na gumagamit ang lungsod ng GIS platform na katulad ng crime information research and analysis system at ang link analysis na isinunod matapos ang case management at analysis system na dinivelop ng alkalde noong nasa CIDG pa siya.

Ginagamit ng Baguio City Government ang GIS application na isang special technology para sa crime mapping upang makita ang lawak ng potential infection sa isang barangay samantalang ang link analysis ay nagpapakita ng mga trend at pattern kung paano nai-infect ang isang pasyente o kung paano nalilipat ang virus sa iba sa pamamagitan ng kanilang araw-araw na aktibidad.

Itinalaga ng Pangulong Rodrigo Duterte ang musikero at negosyanteng si Ramon RJ Jacinto bilang Undersecretary ng DICT.

Kasunod na rin ito nang pagtanggap ng Pangulong Duterte sa resignation ni DICT Undersecretary Eliseo Rio.

Ayon kay Presidential Spokesman Harry Roque tiwala ang palasyo na maayos na magsisilbi sa DICT si Jacinto at makatulong sa pag-abot ng mandato ng ahensya sa ilalim ng administrasyong Duterte.

Bago sa kaniyang appointment si Jacinto ay nagsilbing Adviser on Economic Affairs and ICT ng Pangulong Duterte.

Hindi na kailangang imbestigahan pa ang pagbili ng umano’y overpriced personal protective equipment (PPE).

Ito’y ayon kay Presidential Spokesman Harry Roque ay dahil malinaw na ang ibinigay na opinyon ng mga doktor na walang iregularidad dahil set na ang PPE kung saan kasama na ang googles at proteksyon sa paa.

Una nang ipinagtanggol ng Pangulong Rodrigo Duterte si Health Secretary Francisco Duque III.

Magsasagawa ng dry run ang gobyerno sa MRT-3 hinggil sa ipatutupad na new normal sa sandaling umubra na ang operasyon ng tren sakaling luwagan na ang restrictions sa quarantine measures  sa katapusan ng buwang ito.

Ayon kay MRT-3 Director for Operations Michael Capati na sa gagawing dry run sa May 30 at 31, magtatalaga sila ng train marshals sa loob ng mga tren para matiyak ang social distancing ng mga pasahero.

Bukod sa social distancing at pagtatalaga ng mga upuan sa loob ng mga tren, sinabi ni Capati na isasaillim din nila sa disinfection ang mga tren at maglalagay sila ng sanitizers at alcohol para sa mga pasahero sa loob ng mga istasyon para maiwasan ang pagkalat ng coronavirus disease 2019 (COVID-19).

Ipinabatid pa ni Capati na bahagi ng new normal ang pagkakaruon na lamang ng 153 pasahero kada train set mula sa dating 1,200 pasahero.

Una nang inihayag ng pamunuan ng MRT-3 ang paglalaan ng dalawa hanggang tatlong oras sa pagsakay sa MRT-3 kapag nabalik na ang operasyon nito.

Ligtas nang magbukas ang klase sa August 24 kung masusunod ang ipinatutupad na minimum health standards.

Paniniwala ito ni Health Secretary Francisco Duque III bagamat pinag-aaralan pa rin nila ang rekomendasyong balik eskuwela sa nasabing buwan.

Kabilang aniya sa minimum health standards na ito ang physical distancing, paghuhugas ng madalas ng mga kamay, disinfection ng mga silid aralan, at pagkakaruon lagi ng alcohol at sanitizer.

Makakatulong din aniya ang health screening sa mga papasuking estudyante at pagbibigay ng advisories sa mga magulang kung paano aalalayan ang mga batang makakaramdam ng sakit.

Una nang inihayag ni Education Secretary Leonor Briones ang pagbubukas ng klase sa August 24 subalit mahigpit itong tinututulan ng Pangulong Rodrigo Duterte hanggat walang bakuna.

Naplantsa na ng gobyerno ang mga kinakailangang protocol sa pagtugon sa coronavirus disease 2019 (COVID-19) at iba pang sakit ngayong papalapit na ang panahon ng tag-ulan.

Tiniyak ito ni Health Undersecretary Maria Rosario Vergeire na nagsabi ring naghahanda na rin ang mga competent at decisive doctors para tumugon sa mga ganitong sitwasyon.

Kailangan aniya ng matalinong pagpapasya sa panig ng mga duktor na kung mayruong may ubo, sipon at masakit lalamunan lalo na kung galing sa area taas ang COVID-19 transmissio, pu-puwedeng ikunsider na COVID-19 case ang isang pasyente kayat dapat na kaagad i-isolate na ang mga ito para hindi na makahawa pa.