Judith Estrada-Larino

Magbabase sa scientific data ang gobyerno sa pagpapasya kung paluluwagin ang restrictions sa Metro Manila simula sa June 1.

Kabilang sa mga factors na ikukunsidera ng IATF ayon kay Presidential Spokesman Harry Roque ay ang doubling time ng mga kaso, critical care capacity at ang ekonomiya.

Mayorya ng naitatalang kaso o mahigit sa 14,000 coronavirus disease 2019 (COVID-19) cases ay mula sa Metro Manila na nasa ilalim nang modified enhanced community quarantine simula pa noong May 16 na naging dahilan naman nang pagbubukas muli ng ilan pang negosyo.

Inaasahang magpupulong din ngayong linggo ang Metro Manila Council hinggil sa magiging kapalaran ng kalakhang Maynila simula sa June 1.

Hinimok ng isang opisyal ng Department of Education (DepEd)  ang local government units (LGU)’s  na sagutin na o magbigay ng libreng Wi-Fi sa mga barangay

Ito ayon kay DepEd Region 12 Director Allan Farnazo ay dahil malaki ang papel ng internet sa pagbubukas ng klase sa august 24 kung saan lilimitahan ang face to face learning sa gitna na rin ng coronavirus disease 2019 (COVID-19)  pandemic.

Magagamit pa rin naman aniya ang lumang paraan sa pagtuturo sa mga malalayong probinsya na hindi aabot sa limandaan ang enrollees.

Posibleng maisalang sa coronavirus disease 2019 (COVID-19) test ang 13 porsyento ng 13-M population ng Metro Manila sa loob lamang ng 83 araw.

Binigyang diin ni Senador Richard Gordon, Chairperson ng Philippine Red Cross na kapag naitaas pa ang testing capacity sa rehiyon pasok na ito sa target na  1.6-M Pinoys o 20,000 test kada araw sa loob ng 83 araw.

Ayon kay Gordon maglalagay sila ng mas maraming makina sa iba pang laboratory sa Maynila at walong iba pang makina bukod pa sa apat na extraction kits para maabot ang target na numero.

Sa ngayon aniya ay nasa 12,000 kada araw ang testing capacity ng PRC.

Sinabi pa ni Gordon na ipapanukla niya sa DILG na magtaka ng quota o minimum testing required sa kada lungosd para maabot ang ideal coverage ng testing sa NCR.

Kaugnay pa nito ipinabatid ni Gordon na nakatakdang magbukas ang PRC laboratories sa Subic, Clark, Batangas at Laguna na maaaring makapag proseso ng sample mula sa metro manila kung kinakailangan.

Uubra ang 32,000  test kada araw kung walang kakulangan ng supply at equipment ang mga accredited laboratories.

Binigyang diin ito ni Department of Health (DOH) Undersecretary Maria Rosario Vergeire matapos linawing ang sinasabing naabot na 30,000 daily testing capacity ni Presidential Spokesman Harry Roque ay tumutukoy sa tinatayang maximum capacity ng lahat ng licensed laboratories sa buong bansa.

Sinabi ni Vergeire na naka-base sa figures na inilabas ni Roque ang bilang ng mga makina, bilang ng human resources at oras na bukas ang kada laboratory.

Hindi pa aniya kasama rito ang iba pang factors na nakaka apekto sa operasyon ng kada laboratory tulad ng availability ng lab supplies sa merkado, health, human resource issues, equipment issues at maging usapin ng imprastruktura.