Idi-diretso na ng gobyerno sa mga lalawigan ang mga papauwi pang Overseas Filipino Workers (OFW)’s.
Ayon ito kay Department of Labor and Employment (DOLE) Secretary Silvestre Bello III na nagsabing nasa 44,000 OFW’s pa ang uuwi sa bansa sa mga susunod na araw.
Marami naman aniyang mga lalawigan ang mayruon nang sariling quarantine facilities kayat para hindi maipon sa metro manila ay ididiretso na rito ang mga OFW’s.
Mahigit 53,000 na ang nag-apply para sa Balik Probinsya program .
Ito ayon kay National Housing Authority (NHA) General Manager Marcelino Escalada Jr. ay 10 araw matapos buksan ang online applicaton.
Isandaan na aniya sa mga ito ay nakabalik na ng lalawigan ng Leyte samantalang ang halos 30,000 aplikante ay uuwi ng mag isa at mahigit 24,000 naman ay babalik ng lalawigan kasama ang kani kanilang pamilya.
Ipinabatid ni Escalada na namahagi na sila ng 10,000 application forms sa mga barangay sa metro manila para sa mga interesadong magbalik probinsya.
Hinimok ni Congressman Rufus Rodriguez ang Kongreso na palawigin pa hanggang Setyembre ang emergency powers na iginawad sa Pangulong Rodrigo Duterte sa ilalim ng Bayanihan to Heal as One Act (BAHO).
Ayon kay Rodriguez hindi pa nakikitang matatapos ang problemang ito dahil araw araw ay mayruon pang naitatalang kaso ng coronavirus disease 2019 (COVID-19) at hindi pa rin nakakabalik sa operasyon ang buong ekonomiya ng bansa.
Malabo aniyang matapos sa 24 ang COVID-19 pandemic kayat kailangang palawigin ang effectivity ng nasabing batas para mabigyan pa ng sapat na panahon ang pangulo para tugunan ang krisis.
Sinabi pa ni Rodriguez na kapag pumasa ang panukalang extension bago ang adjournment kailangang muling magpatawag ng special session ng pangulo habang naka recess ang Kongreso kung nais man ntong palawigin ang kaniyang emergency powers.
Mahigit 9,000 bagong kaso ng coronavirus disease 2019 (COVID-19) ang maitatala mula sa Metro Manila hanggang sa Hunyo 15.
Ito ang babala muli ng experts mula sa University of the Philippines (UP) kapag nagpatuloy ang kasalukuyang trend at community quarantine measures.
Sa kanilang Mayo 20 report inihayag ng researchers na nasa mahigit 9,000 bagong kaso at mahigit 800 ang bilang ng nasawi sa mga lugar sa Metro Manila hangagng Hunyo 15 kung saan nangunguna ang Quezon City na mayruong mahigit 2,000 kaso at Mandaluyong na nasa mahigit 1,000 ang kaso.
Binigyang diin ng UP experts na anumang modification sa enhanced community quarantine (ECQ) ay maaaring makapagpataas ng bilang ng kabuuang kaso lalo na ang death toll
Samantala tinataya naman ng researchers na papalo sa mahigit dalawang libong bagong kaso at halos 30 ang patay sa Cebu City hanggang sa Hunyo 15 at 610 new cases at 17 deaths sa Laguna sa parehong petsa.
Pumapalo na sa mahigit 3,000 ang bilang ng mga nakak- recover na pasyente sa coronavirus disease 2019 (COVID-19) sa Pilipinas.
Batay sa pinakahuling datos ng Department of Health (DOH) hanggang kahapon, May 22; 92 ang nadagdag sa mga bilang ng recoveries mula sa nasabing sakit.
Samantala sumampa na sa halos 14,000 ang kabuuang bilang ng mga tinamaan ng nakakahawang sakit sa bansa at mahigit 9,000 ang aktibong kaso dito.
Ayon sa DOH, 163 ang bagong napaulat na kaso sa bansa sa nakalipas na magdamag kung saan 56% o 91 kaso ay mula sa National Capital Regio; 56 cases o 34 % ay mula sa Region 7 at 16 cases o 10% ay mula sa iba pang lugar.
11 naman ang nadagdag sa COVID-19 related deaths kaya’t nasa 857 na ang death toll mula sa nasabing virus.
Timbog ang dalawang anak ng isang konsehal sa Maynila dahil sa pagkakasangkot sa operasyon ng iligal na droga.
Sina Janet at Jonathan Fajardo ay ipinadampot mismo ng ama nilang si Manila First District Concilor Jess Fajardo sa isinagawang buy-bust operation sa Tondo.
Arestado rin ang live in partner ni Janet na si Michael Kuwaresma at tatlong iba pa.
Ang mga suspek ay hawak na ng mga otoridad at nakatakdang kasuhan nang paglabag sa Dangerous Drugs Act.
Nakipag-sanib puwersa ang Department of Transportation (DOTr) at Land Transportation Franchising and Regulatory Board (LTFRB) sa mobile money service na Gcash para sa cashless o contactless transactions sa mga taxi at transport network vehicle services (TNVS).
Ayon kay Transportation Secretary Arthur Tugade magiging bahagi na ng new normal ang cashless o contactless payment schemes sa mga pampublikong transportasyon
Hindi aniya ito dapat ituring ng operators na dagdag gastos kundi pag iingat lamang para maiwasan ang physical contact sa pagitan ng mga driver at pasahero at para hindi na rin kumalat ang coronavirus disease 2019 (COVID-19)
Magagamit ng taxi drivers ang Gcash sa pagtanggap ng digital payments sa pamamagitan ng scan to pay (STP) app sa pamamagitan din ng QR technology nito.
Nakatakda nang ilabas ng Department of Education (DepEd) ang revised curriculum para sa academic year 2020-2021.
Ipinabatid ni Education Undersecretary Nepmuceno malaluan na nakapaloob na sa panibagong curriculum ang most essential learning competencies (MELC) na kaagad sisimulan sa taong ito.
Kabilang sa learning competencies aniya ang mga kaalaman, kasanayan at ugaling kinakailangang maipakita ng mga mag aaral sa kada aralin.
Sinabi ni malaluan na 60% ng MELC’s ang tinanggal kayat nasa halos anim na libo na lamang ang natira para sa papasok na school year dahil na rin sa dalawang taong pag aaral na naglalayong matugunan ang congestion at overlap ng K to 12 curricula.
Kasabay nito tiniyak ni malaluan na bumabanglangkas na ng solusyon ang DepEd schools divisions para ma plantsa ang mga gusto sa sektor ng edukasyon sa gitna ng coronavirus disease 2019 (COVID-19) pandemic.
Mahigpit na babantayan ng NCRPO ang mga Mosque at open spaces sa Metro Manila sa Lunes, Mayo 25.
Ito ayon kay NCRPO Chief Major General Debold Sinas ay para matiyak na walang mangyayaring mass gatherings o pagtitipun tipon ng mga kapatid na Muslim sa kanilang paggunita ng Eid’l Fitr o pagtatapos ng ramadan.
Pinaalalahanan ni Sinas ang mga District Director na bantayan ang mga nasasakupan nilang lugar lalo na ang traditional places na pinupuntahan ng mga kapatid na muslim kapag Eid’l Fitr tulad ng Luneta, Quirino Grandstand at iba pa.
Umakyat na sa mahigit 5-M ang bilang ng mga infected ng coronavirus disease (COVID-19) sa buong mundo.
Sa nasabing bilang nasa mahigit 2.7-M o 98% ang nasa mild condition ..at halos 46,000 naman o 2% ang nasa serious o critical condition.
Nangunguna pa rin ang Amerika sa mga bansang nakapagtala ng mataas na bilang ng mga nag positibo sa COVID-19 na nasa mahigit 1.6-M at nasa mahigit 96,000 naman ang death toll.
Ikalawa sa nakapagtala ng pinakamataas na kaso ng COVID-19 ang Russia na sinusundan ng Brazil, Spain at United Kingdom.
Sa kabuuan nasa mahigit 334,000 ang nasawi sa virus at nasa mahigit 2-M naman ang naka-recover.