Judith Estrada-Larino

Nakatakdang ipatupad ng Department of Labor and Employment (DOLE) ang mas pinalawak at pinalakas na emergency employment programs para sa informal at formal workers na nawalan ng trabaho dahil sa coronavirus disease 2019 (COVID-19) pandemic.

Ayon kay Labor Secretary Silvestre Bello III para sa informal workers, plano nilang ilunsad ang expanded tupad o tulong pang hanapbuhay sa ating disadvantage o displaced workers program.

Sinabi ni Bello na sa ilalim ng mas pinalawak na tupad program gagawin nila ng tatlo hanggang anim na buwan mula sa dating 10  araw lamang na trabaho

Nangangahulugan ito aniyang may tatlo hanggang anim na buwang kikita pa rin ang mga informal worker sa pamamagitan ng community based activities, cleaning and gardening o mga trabaho sa kanilang komunidad.

Bukod dito inihayag ni Bello na may programa rin ang DOLE para sa formal workers o tinatawag na wage subsidy para sa employers na bibigyan ng 25% hanggang 50%  na subsidy sa kondisyong hindi sila magtatanggal ng mga empleyado at sa halip ay pupwede pang magdagdag.

Maaari nang ma-avail ang video consultation sa KonsultaMD.

Bahagi nito ang 30 telemedicine doctors mula sa Department of Health (DOH) na nag-volunteer para makunsulta sa ilalim ng DOH Healthcare Warrior Program.

Ang serbisyo ay available sa KonsultaMD app hanggang Hunyo 22 at kailangan lamang i-download ang nasabing app at pumili sa alinmang konsulta MC plans na nagkakahalaga ng P15.00 kada linggo hanggang P150.00 kada buwan.

Maliban sa DOH volunteers maaari ring magpa konsulta sa licensed KonsultaMD doctor na nagbibigay ng e prescription at E-laboratory.

Ang DOH ay una nang nakipag ugnayan sa konsulta md para magbigay ng telemedicine advise sa publiko kung ang kanilang kaso ay non-emergency para maiwasang magtungo pa sa mga ospital o malantad sa sakit.

Hindi na kailangang magbayad ng buwis ang mga negosyo online na ang kita ay mababa sa P250,000 kada taon.

Ayon ito kay Presidential Spokesman Harry Roque kaya’t hinihimok niyang magparehistro na ang online sellers.

Ganito rin ang pananaw ni NEDA acting secretary karl kendrick chua base na rin sa probisyon sa ilalim ng tax reform law.

Magugunitang naglabas ng direktiba ang bir kaugnay sa pagpapa rehistro ng mga nagne negosyo sa pamamagitan ng digital o electronic means para matiyak ang pagbabayad nito ng buwis.

Umalma ang isang grupo ng consumers sa kautusan ng Bureau of Internal Revenue  (BIR) sa online sellers na magpa rehistro para masingil ng buwis.

Ayon kay Neva Talladen, assistant secretary ng  Nationwide Association of Consumers Incorporated (NACI) counterproductive at unrealistic o hindi makakatohanan ang nasabing hakbangin lalo na sa mga nasa small e commerce businesses.

Sa halip  isinulong ni Talladen ang pag incentivize sa  E-commerce registration and taxation subalit magbibigay ng madali at kakaunting requirements para sa single proprietor entrepreneurs sa e commerce lalo na sa mga nagsisimula pa lamang sa kanilang mga negosyo.

Ipinanukala rin ni Talladen ang pagtatayo ng official national E-commerce platform na maaaring magamit ng maliliit na online enterpreneurs bilang marketplace.

Tinatayang papalo sa 40,000 ang kumpirmadong kaso ng coronavirus disease 2019 (COVID-19) sa bansa bago matapos ang buwang ito.

Babala ito ng UP experts matapos ilatag ang data hinggil sa transmission ng nasabing virus.

Ayon kay Institute of Mathematics Assistant Professor Guido David ang transmission o pagkalat ng virus ay sinusukat sa pamamagitan ng ratio ng infection at recovery rate o reproduction number na kung mas mataas sa isa nangangahulugan itong ang virus ay kumakalat subalit pag ang reproduction number ay mas mababa sa isa, masasabi nang mayruon nang flattening of the curve.

Sa ngayon aniya ay mayruong 1.2 reproduction number ang Pilipinas samantalang ang National Capital Region (NCR) at Cebu ay maituturing na battlefield ng COVID-19kung saan bumaba na ang reproduction number sa mas mababa sa isa sa  Metro Manila na nangangahulugang mayruon nang flattening of the curve sa rehiyon.

Dahil dito inirekomenda naman ni Department of Political Science assistant professor Ranjit Rye sa Department of Health (DOH) na i-monitor ang sitwasyon at higit na tutukan ang sitwasyon sa Cebu kung saan mabilis ang pagkalat ng virus.

Binigyang diin pa ni Rye ang responsibilidad ng komunidad para malabanan ang virus sa pamamagitan ng health protocols.

Maaari nang magpa rehistro gamit ang app ng Department of Social Welfare and Development (DSWD) ang mga beneficiary ng ikalawang tranche ng social amelioration program (SAP).

Sinabi ni DSWD Spokesperson Irene Dumlao na ang mga tumanggap na ng SAP sa unang tranche ay pwede nang magpa rehistro sa relief agad program para mas mabilis na ang validation.

Kapag nai download na ang relief agad app  kailangang i-scan ang bar code na matatagpuan sa social amelioration card forms bago dumiretso sa registration.

Sa sandaling nakapag parehistro na sasailalim na sa validation ng DSWD ang application.

Ipinabatid ni Dumlao na sa pamamahagi ng ikalawang tranche ng sap ay mayruong option ang mga beneficiary kung paano nais matanggap ang pera – online o digital gamit ang G cash, bangko, ATM’s at remittance centers.

Muling inihayag ni dumlao na sa lunes ay sisimulan na ang proseso nang pamamahagi ng ikalawang tranche ng SAP.