Judith Estrada-Larino

Hindi nagutom ang mga Locally Stranded Individuals (LSI)’s na naghihintay sa labas ng NAIA para sa kanilang biyahe pabalik sa kani-kanilang mga lalawigan.

Ayon kay Pasay City Mayor Emi Calixto Rubiano  sanib puwersa sila ng national government sa pagbibigay ng ayuda sa mga naturang lsi’s.

Maging ang basura aniya ng mga naturang LSI’s ay pinahahakot nila.

Kasabay nito umapela si Rubiano sa airline companies na huwag nang papuntahin ng NAIA ang mga walang ticket dahil sa kakulangan ng flight.

Ilang LSI’s na naghihintay sa NAIA terminal 3 ay nailipat na sa Villamor Airbase Elementary School.

21 pang Pilipino sa ibang bansa  ang nag positibo sa coronavirus disease 2019 (COVID-19).

Ayon sa  Department of Foreign Affairs (DFA) hanggang kahapon Hunyo 12, umakyat na sa 5,490 Pilipino ang mga kumpirmadong nag positibo sa nasabing virus mula sa 51 bansa at rehiyon.

Sa naturang bilang  2,726 ang patuloy na nagpapagamot sa ibat ibang ospital.

Pumapalo naman sa 2,369  ang gumaling na Pinoy mula sa naturang virus na pumatay na sa halos 400 Pinoy abroad.

Pinakamarami pa ring naitalang kumpirmadong kaso ng COVID-19 sa mga Pinoy sa Middle East/Africa na nasa mahigit 300 Europa – 871 cases, Americas – 670 at Asia Pacific Region – 551.

Tiniyak ng Department of Labor and Employment (DOLE) ang tulong sa pamilya ng nasawing Pinay seafarer habang naghihintay makabalik ng bansa.

Sinabi ni Labor Secretary Silvestre Bello III na inatasan na niya ang OWWA at ang licensed manning agency ng Pinay na kaagad makipag ugnayan sa pamilya nito para kaagad ding maibigay ang suporta, tulong at benepisyo sa mga ito.

Ang nasabing pinay aniya ay umalis ng bansa nuong Marso 2019  para mag trabaho sa isang cruise ship.

Gumaling na at nalabas na ng ospital ang isang Pilipinong pasyente ng coronavirus disease 2019 (COVID-19) sa China.

Ipinabatid ito ni Philippine Ambassador to China Jose Santiago, Sta. Romana matapos mag positibo ang naturang pinoy sa COVID-19 nang dumating sa China galing sa pilipinas nuong Marso.

Sinabi ni sta romana na  na-stranded ang nasabing Pinoy sa Metro Manila at pagdating sa paliparan sa China ay kaagad na detect na positibo sa COVID-19.

Dahil sa paggaling ng naturang pasyente  ipinabatid ni Sta. Romana na COVID-19 free na ang Filipino Community sa China.