Author

Judith Estrada-Larino

LSIs sa Luzon higit 13,000 pa

Mahigit 13,000 katao pa ang stranded sa Luzon dahil sa paiba-ibang restrictions dulot ng coronavirus disease 2019 (COVID-19) pandemic.

Ayon kay Presidential Management Staff Chief Assistant Secretary at Hatid Tulong Program Head Joseph Encabo, inaayos pa nila ang transportasyon ng mga nasabing locally stranded individuals (LSIs) pabalik sa kani-kanilang mga lalawigan sa Visayas at Mindanao.

Ipinabatid ni Encabo na nakapagbigay na sila ng assistance sa 53,000 katao na kinabibilangan ng mga turista, estudyante, local workers at Overseas Filipino Workers (OFWs).

Ang mga na-stranded na indibidwal na nagnegatibo sa COVID-19 lamang matapos sumalang sa rapid antibody tests ang papayagang makapagbiyahe pauwi sa kanilang mga probinsya.

June 17, 2020 0 comment

HEADLINES RONDA PROBINSYA

Staff ng BFP-6 na nasa Boracay nagpositibo sa COVID-19

written by Judith Estrada-Larino

Nagdulot ng kalungkutan ang muling pagbubukas ng Boracay para sa mga turista mula sa Western Visayas.

Ito ay matapos kumpirmahin ng mga otoridad na nagpositibo sa coronavirus disease 2019 (COVID-19) ang babaeng staff ng Bureau of Fire Protection (BFP) Region 6 na nanatili sa nasabing isla.

Ipinabatid ni Acting Mayor Frolibar Bautista ng Malay, Aklan na ang babaeng pasyente ay nasa Boracay mula ika-12 hanggang ika-14 ng Hunyo hanggang para sa isang conference.

Nagsasagawa na aniya sila ng contact tracing para ma-isolate na o maihiwalay ang mga nagkaroon ng close contact sa pasyente.

Sinabi ni Bautista na napag-alaman nilang naka-quarantine ang nasabing pasyente sa Iloilo City matapos manggaling sa Cebu.

Sumailalim aniya sa rapid test at negative ang babaeng pasyente at pina-swab test pa ito subalit nakaquarantine pa, samantalang hindi pa lumalabas ang resulta ay umalis na ito ng Iloilo at pumunta na ng Boracay.

Kasabay nito, inihayag ni Bautista na kakaunting turista lamang ang dumating sa muling pagbubukas ng Boracay noong Martes kaya’t nalulungkot sila dahil tiyak na hindi na sila muling dadayuhin kasunod ng nasabing kumpirmadong kaso ng COVID-19.

June 17, 2020 0 comment

HEADLINES NATIONAL NEWS

COVID-19 cases sa bansa mahigit 27,000 na —DOH

written by Judith Estrada-Larino

Sumampa na sa mahigit 27,000 ang bilang ng mga tinamaan ng coronavirus disease 2019 (COVID-19) sa bansa.

Ayon sa Department of Health (DOH), ngayong araw, ika-17 ng Hunyo, pumapalo na sa 27,238 ang confirmed cases ng nasabing virus.

Mula sa nasabing bilang, 19,126 ang aktibong kaso.

Sa nadagdag na 457 kumpirmadong kaso ng COVID-19, 342 ay fresh cases at 115 naman ang late cases.

Limang pasyente naman ang napabilang sa death toll na umakyat na sa 1,108, samantalang 268 ang gumaling sa pandemya kaya’t umaabot na sa 6,820 ang total recoveries ng nasabing virus sa Pilipinas.

June 17, 2020 0 comment

HEADLINES

BOC nasabat ang tinatayang P76-M halaga ng puslit na pekeng sigarilyo sa Port of Cebu

written by Judith Estrada-Larino

Nasabat ng Bureau of Customs (BOC) ang tinatayang P76-M halaga ng puslit na pekeng sigarilyo sa Port of Cebu.

Kabilang sa mga nasabat ng mga tauhan ng customs ang isang container ng hinihinalang pekeng Mighty at Marvel brand ng sigarilyo.

Ang naturang shipment na naka -onsign sa giomab trading at idineklarang noval dish ay dumating mula sa China nuong miyerkules.

Bago masabat isang control order ang inisyu kaugnay sa naturang shipment matapos mag report ang hepe ng customs intelligence and investigation service, cebu field station na naglalaman ng mahigit isanlibo at limandaang master cases ng puslit na sigarilyo matapos ang physical examination dito.

Nagbabala naman si Port of Cebu District Collector Charlito Martin Mendoza laban sa mga smugglers na hindi makakalusot sa anti smuggling campaign ng gobyerno lalo pat naka alerto sila ngayong mayruong pandemic.

June 12, 2020 0 comment

HEADLINES

Hatid probinsya program na serbisyuhan ang mahigit na 32,000 OFW’s

written by Judith Estrada-Larino

Mahigit 32,000 Overseas Filipino Workers (OFW)’s na ang na serbisyuhan sa ilalim ng hatid probinsya para sa mga OFW’s program.

Ipinabatid ng DOTr na kabilang sa mga napauwi nila ay halos 10,000 naihatid by land at mahigit 14,000 bumiyahe sa pamamagitan ng eroplano mula may 25 hanggang June 11.

Nasa mahigit 8,000 naman ang bumiyahe sa pamamagitan ng barko mula Abril27 hanggang Hunyo 11.

Ang hatid probinsya para sa mga OFW’s ay pinangungunahan ng DOTR, DOLE, OWWA, CAAP, PCG, DILG, PPA, OTS, MIAA, LTO AT LTFRB.

June 12, 2020 0 comment

NATIONAL NEWS

Ang isang grupo ng mga magsasaka sa Central Luzon nanawagan kay Pangulong Duterte

written by Judith Estrada-Larino

Nanawagan sa Pangulong Rodrigo Duterte ang isang grupo ng mga magsasaka sa Central Luzon para kanselahin ang umanoy overpriced 1.8-B fertilizer contract sa ilalim ng coronavirus disease 2019 (COVID-19) aid program

Sinabi ni Joseph Canlas, Chairman ng Alyansa ng Mga Magbubukid sa gitnang Luzon na dapat panagutin ng pangulo ang mga agriculture official na sangkot sa naturang kuwestyonableng kontrata.

Bukod sa pag kansela sa kontrata hinimok din ng amgl si agriculture secretary william dar na kasuhan kapag napatunayan ang umanoy overpricing sa kontrata.

Binigyang diin ni Canlas na nakakalungkot na sa kabila ng limitadong pondo dahil sa COVID-19 marami pa ring tao ang nagnakakaw pa ng pondo.

Sinasabing lumalabas na isang libong piso ang kada bag ng fertilizers gayung nasa 850 pesos lamang umano ang talagang bentahan nito.

Una nang itinanggi ng Department of Agriculture (DA) ang umanoy overpricing sa kontra dahil nasunod ang tamang procurement procedures at sa katunayan ay nakatipid pa ang gobyerno sa pagbili ng nasabing fertilizer.

June 12, 2020 0 comment

NATIONAL NEWS

2 OFW’s na nagawaran ng royal pardon sa Bahrain winelcome ni Pangulong Duterte

written by Judith Estrada-Larino

Winelcome ng Pangulong Rodrigo Duterte ang dalawang Over eas Filipino Worker (OFW)’s na bumalik sa bansa matapos gawaran ng royal pardon sa Bahrain.

Sina Roderick Aguinaldo at Edward Benjamin Garcia ay kapwa nagsisilbi ng kanilang sentensya dahil sa pagkamatay ng isang dayuhan nang pagkalooban ng royal pardon mi King Hamad Bin Isa Al Khalifa ng bahrain sa panahon ng Eid’l Fitr nuong isang buwan.

Natutuwa ang pangulo ng nakabalik na ng Pilipinas sina Aguilando at Garcia na makapagsisimula muli ng kanilang mga buhay kasama ang kani kanilang pamilya.

Ikinukunsider ng pangulo ang royal pardon bilang patunay ng malalim na ugnayan ng Pilipinas at Bahrain gayundin ang kaniyang magandang pakikipag kaibigan sa hari ng nasabing bansa.

June 12, 2020 0 comment

RONDA PROBINSYA

Mandaue City Police Station 5 isinailalim sa lockdown

written by Judith Estrada-Larino

Isinailalim sa lockdown ang Mandaue City Police Station 5 sa Barangay Centro sa naturang lungsod.

Ito ay matapos mag positibo sa coronavirus disease 2019 (COVID-19) ang isang preso at isang pulis dito.

Ipinabatid ni Police Executive Master Sergeant Enrico Iway na ang preso ay nakakulong na sa police station simula pa nuong Mayo 24 subalit isinailalim ito sa swab test para sa kaniyang nakatakdang paglaya at nagpositibo sa nasabing virus.

Kaagad namang dinala sa designate quarantine center ang naturang preso.

Kasunod nito ang pagsasagawa ng contact tracing at swab testing sa lahat ng mga pulis at bilanggo sa nasabing police station.

Nagsasagawa na rin ng disinfection habang naka lockdown ang naturang istasyon ng pulisya

June 12, 2020 0 comment

HEADLINES

Mataas na electric bill sa Hunyo asahan na —Meralco

written by Judith Estrada-Larino

Asahan na ang mataas na Hunyo bill.

Ito ang babala ng Meralco sa mga customer nitong hindi pa nakakatanggap ng May bill.

Ayon sa Meralco sa June Bill maiipon ang konsumo base sa pinakahuling actual reading dae hanggang sa June o pinagsama-samang ECQ/GCQ months.

Sinabi ng Meralco na para hindi gaanong mabigat ang pagbabayad ¼ lang ng current charges ang paunang babayaran ng customers habang ang natitirang three fourths ay u ubrang bayaran ng installment sa loob ng apat hanggang limang buwan.

Kung nabayaran na ang estimated billas pwedeng mag request ng refund mula sa business centers ng Meralco o hindi kaya ay puwedeng ibawas na lamang sa succeeding bills.

June 12, 2020 0 comment

NATIONAL NEWS

Mga mangagawa nakaramdam ng matinding stress dahil sa COVID-19 nasa 55% —SWS

written by Judith Estrada-Larino

Mahigit kalahati o 55% ng workforce o mga manggagawa sa bansa ang nakaramdam ng matinding stress dahil sa coronavirus disease 2019 (COVID-19) pandemic.

Batay ito sa isinagawang mobile phone poll ng Social Weather Station (SWS) kung saan nakasaad din na 68% ng mga nakaranas ng matinding stress ay mula sa mahigit apat na milyong pamilya na nagutom o hindi nakakain ng sapat sa nakalipas na tatlong buwan matapos isailalim sa lockdown ang luzon dahil sa COVID-19.

Lumalabas din sa nasabing survey na 35% ng workforce ay nakaranas ng bahagyang stress at labing isang porsyento naman ang nakaramdam ng kaunti o halos walang stress.

Ang naturang survey ay isinagawa sa mga Pilipinong nagtatrabaho na at may edad kinse pataas mula Mayo 4 hanggang 10.

June 12, 2020 0 comment

Newer Posts

Older Posts