Lalarga na sa susunod na buwan ang full blast construction activity sa Marawi City.
Ipinabatid ito ni Secretary Eduardo Del Rosario ng Department of Human Settlements and Urban Development matapos magpalabas ng P3.6-bilyong pondo ang Pangulong Rodrigo Duterte para sa puspusang rehabilitasyon ng lungsod.
Dahil dito, nananatili aniyang pasok pa rin ito sa itinakdang completion date na Disyembre ng taong 2021 sa gitna ng coronavirus disease 2019 (COVID-19) pandemic.
Sinabi ni Del Rosario na hindi napigil ng lockdown ang ginagawang konstruksyon sa Marawi City.
