Judith Estrada-Larino

Hiniling ng Samahang Manibela mananakay at nagkaisang terminal ng transportasyon ang pagbubukas ng  lahat ng ruta ng UV Express at mga jeep sa Metro Manila para hindi sila malugi sa pagbiyahe.

Ayon kay Mar Valbuena, national president ng grupo one way lamang ang kanilang biyahe ngayon at siyam na pasahero lamang sa isang biyahe ang laman ng kanilang UV Express kayat luging lugi sila.

Sinabi ni Valbuena na sa pamamagitan ng pagbubukas ng lahat ng ruta ay makapagsasakay pa sila pabalik ng terminal at maka biyahe pa rin hanggang puwede pa.

Inihayag pa ni Valbuena na dahil sa pagpapatupad ng health protocol nasa P3,000 hanggang P5,000 ang nagagatos nila.

Una nang pinayagan ng LTFRB na maka byahe ngayong araw na ito ang halos 1,000 UV express sa halos 50 ruta sa Metro Manila at mga karatig lalawigan bilang bahagi ng gradual, calibrated at partial approach sa pagbabalik ng public transport system.

Bahala na ang Kongreso sa usapin ng pagbabago ng pangalan ng Ninoy Aquino International Airport (NAIA).

Sagot ito ng Palasyo sa panukala ni Presidential Son Davao Congressman Paolo Duterte at dalawa pang kongresista na palitan ang pangalan ng NAIA sa Paliparang Pandaigdig ng Pilipinas.

Sinabi ni Presidential Spokesman Harry Roque na kailangan ng batas para baguhin ang pangalan ng NAIA kaya’t Kongreso na ang dapat magpasya hinggil dito

Nakatakdang ianunsyo bukas, June 30 ng Pangulong Rodrigo Duterte ang bagong quarantine classification sa bansa.

Ayon ito kay Presidential Spokesman Harry Roque na una nang nagsabing ngayong araw na ito ihahayag ng pangulo ang quarantine classification sa iba’t ibang lugar sa bansa  may kaugnayan sa laban kontra COVID-19

Sa kasalukuyan ay nasa enhanced community qurantine ang Cebu City samantalang nakasailalim naman sa general community quarantine ang Metro Manila.

Umalma ang Malakaniyang sa pahayag ng World Health Organization (WHO) na ang Pilipinas ang nakapagtala ng pinakamabilis na bilang ng mga bagong COVID-19 cases sa 20 bansa at teritoryo sa Western Pacific Region.

Ayon kay Presidential Spokesman Harry Roque  nasa ika-anim na puwesto lamang ang Pilipinas sa Western Pacific Region kung hahatiin ang bilang ng mga kaso sa kada milyong populasyon.

Sa katunayan sinabi ni Roque na nangunguna ang India sa mayruong pinakamaraming confirmed COVID-19  cases sunod ang Pakistan, Bangladesh, Indonesia at Singapore

Sinagot din ni Roque ang puna ng ilang social media users na ang India, Pakistan at Bangladesh ay hindi sakop ng Western Pacific Region dahil ang mga nasabing bansa aniya ay nasa record ng WHO bilang Western Pacific Countries at pawang asian countries.

Binigyang diin pa ni Roque na hindi makatuwirang ikumpara ang Pilipinas sa Singapore na ang populasyon ay nasa limang milyon lamang o halos kasinglaki lamang ng Quezon City o lungsod ng Maynila

Una nang inihayag ng who na mula June 16 hanggang 28 ang naitalang kabuuang kaso ng COVID-19 sa Pilipinas ay nasa mahigit 9,000 na sinundan ng Singapore na mayruong mahigit dalawang libong bagong kaso ng COVID-19.

Uubra nang magsumite ng aplikasyon simula ngayong araw na ito ang mga mag a avail ng Senior High School Voucher Program (SHSVP)ng Department of Education (DepEd).

Kabilang sa mga requirements para sa application sa Senior High Voucher ang pinakahuling 2×2 colored ID photo ng estudyante, patunay ng financial means ng mga magulang o guardian, pirmadong parent consent form para sa mga applicant na labing walong taong gulang pababa at certificate of financial assistance mula sa junior high school kung applicable.

Ang deadline ng application ay itinakda sa July 24 subalit maaaring isumite ang mga dokumento hanggang October 30.

Ipinaalala ng DepEd na ang mga sumusunod na Grade 10 completers ng school year 2019-2020 ay otomatikong kuwalipikado para sa voucher program at hindi na kailangang mag apply ay mula sa DepEd public schools, state universities and colleges at ESC grantee mula sa private schools.

Huwebes o Biyernes ay posible nang makapagbiyahe ang mga traditional jeepneys na roadworthy.

Ito ayon kay Transportation Assistant Secretary Goddess Libiran ay commitment sa kanila ng LTFRB matapos payagang magbalik pasada ang UV express units ngayong araw na ito matapos ang ilang buwang suspensyon dahil sa Luzon wide lockdown.

Sinabi ni Libiran na hinuli nila ang pagbabalik pasada ng traditional jeepneys kumpara sa ibang public utility vehicles dahil sa sinusunod na hierarchy sa usapin ng load capacity.

Una nang ibinalik ang operasyon sa ilalim ng gradual resumption ng mass public transportation ng mga PUV’s na mayroong malaking kapasidad.