Umakyat na sa mahigit 5,500 ang kabuuang kumpirmadong kaso ng coronavirus disease 2019 (COVID-19) sa Cebu City.
Ito ay matapos makapagtala ng 109 na bagong kaso ng nasabing virus sa lungsod.
Sa natuang bilang halos 2,900 ang gumaling na matapos makapagtala ng 174 na bagong recoveries.
Nasa 2,519 pa ang aktibong kaso ng COVID-19 sa Cebu City samantalang 11 ang nadagdag sa bilang ng mga nasawi na ngayoy nasa 180 na.
12 volcanic earthquake ang naitala sa Mount Kanlaon.
Ayon sa volcano bulletin ng PHIVOLCS nakapagtala rin ng moderate emission ng kulay puting stram laden plumes mula sa creter ng bulkan na ang taas ay umabot sa hanggang 500 meters.
Nasa average na 136 tonnes per day ang nasukat na sulfur dioxide mula sa Bulkang Kanlaon noong June 30.
Nananatili sa alert level 1 ang Bulkang Kanlaon na patunay na hindi pa normal ang kondisyon nito.
Patuloy ang paalala ng PHIVOLCS sa lokal na pamahalaan na bawal pa rin ang pagpasok sa 4 kilometer radius permanent danger zone ng bulkan.
Nadagdagan pa ng halos 200,000 ang kabuuang kaso ng coronavirus disease 2019 (COVID-19) sa buong mundo sa nakalipas na magdamag.
Dahil dito pumapalo na sa 10,792,000 na ang kabuuang kumpirmadong kaso ng COVID-19 sa buong mundo.
Nananatiling Amerika ang nakapagtala ng pinakamaraming kaso ng COVID-19 na nasa halos 2,800,000 na, ikalawa ang Brazil – halos 1.5 milyong kaso ikatlo ang Russia – mahigit 655,000 India – 605,000 at United Kingdom – halos 314,000.
Nakapagtala rin ng mataas na kaso ng COVID-19 ang Spain, Peru, Chile, Italy at Iran.
Umapela ang Malakaniyang sa publiko na makiisa para matalo ang forecast ng UP experts na papalo sa 60,000 ang kaso ng coronavirus disease 2019 (COVID-19) sa bansa sa katapusan ng buwang ito.
Sinabi ni Presidential Spokesman Harry Roque na magtatagumpay ang laban kontra COVID-19 kung sasama rito ang sambayanan sa pamamagitan nang pagsunod sa health protocols tulad ng physical distancing, pagsusuot ng face masks at madalas na paghuhugos ng kamay.
Target aniya ng gobyerno na hindi umabot kahit man lang sa 50,000 ang kaso ng COVID-19 sa bansa.
Magugunitang inulan ng batikos si Roque nang i-congratulate ang Pilipinas nang hindi maabot ang forecast ng UP na aabot sa 40,000 ang COVID-19 cases sa bansa sa katapusan ng Hunyo.
Magpapatupad ng reduced capacity ang pamunuan ng MRT 3 sa mga biyahe ng tren nito simula sa Lunes, July 6.
Ito ay matapos magpositibo sa coronavirus disease 2019 (COVID-19) ang 67 pang tauhan sa MRT 3 depot.
Dahil dito 89 na tauhan ng Sumitomo Mitsubishi Heavy Industries at tatlo mula sa MRT 3 ang nagpositibo na sa COVID-19.
Sinabi ni Transportation Undersecretary for Railways Timothy Batan na bahagyang maapektuhan ang kanilang operasyon dahil maraming maintenance personnel nila sa depot ang nakasailalim sa quarantine.
Tiniyak naman ng MRT 3 management na COVID-19 free pa rin ang lahat ng kanilang stations personnel.
Umalma ang Lanao Del Norte Provincial Government sa pagkakabilang ng lalawigan bilang emerging hotspot ng coronavirus disease 2019 (COVID-19) pandemic.
Kasunod na rin ito nang pahayag ni Health Undersecretary Maria Rosario Vergeire na maaaring lumobo ang bilang ng mga magpopositibo sa virus sa Misamis Occidental, Bukidnon at Lanao Del Norte.
Ayon kay Lanao Del Norte Provincial Government Spokesperson Lyndon Calica walang anumang local transmission ng virus sa kanilang probinsya na pwedeng maging basehan para ikunsider silang emerging hotspot.
Ipinabatid ni Calica ang tatlumpung residente na nagpositibo sa COVID-19 subalit dalawa lamang sa mga ito aniya ang nahawahan na mula mismo sa kanilang lokalidad habang ang 28 ay locally stranded individuals o returning OFW’s na na-avail ng balik probinsya program ng gobyerno.
Ipaaabot naman ng DOH Northern Mindanao sa DOH central ang pag-alma ng provincial government ng Lanao Del Norte.
Personal na nakiramay si Vice President Leni Robredo sa pamilya ng tatlo sa apat na sundalong nasawi sa naganap na misencounter sa Jolo, Sulu.
Kasunod na rin ito nang pagbisita ni Robredo sa burol nina Major Marvin Indammog, Captain Irwin Managuelod at Sergeant Jaime Velasco.
Una nang nailibing ang isa pang sundalong nasawi sa insidente na si Corporal Adbal Asula.
Sinabi ni Robredo na nakakalungkot marinig ang kuwento ng mga naulilang pamilya ng mga nasabing sundalo.
Nagpasalamat naman si Robredo kay Philippine Army Chief Lt General Gilbert Gapay sa pagtiyak ng hustisya para sa apat na sundalo.
Sumampa na sa mahigit 38,000 ang kumpirmadong kaso ng coronavirus disease 2019 (COVID-19) sa bansa.
Ayon ito sa Department of Health (DOH) matapos madagdagan ng halos 1,000 o 999 ang kabuuang kaso ng COVID-19 ngayong Miyerkules
Sa mga nadagdag na kaso 595 ang fresh cases o bagong validated at 404 naman ang late cases kayat pumapalo na sa 38,511 ang confirmed COVID-19 cases sa bansa
Umakyat pa sa 10,438 ang total recoveries matapos madagdagan ng 205 pa samantalang naitala na sa 1,270 ang death toll matapos apat pa ang masawi dahil sa nasabing virus.
Sa mga tinaguriang fresh cases 175 ay mula sa Metro Manila, 134 ay mula sa Region 7 at ang 286 ay mula sa ibat ibang bahagi ng bansa.
Sa mga late cases naman 131 ay mula sa Metro Manila, 57 ay mula sa Region 7 at ang iba pang 216 na kaso ay mula sa iba’t ibang bahagi ng bansa.
Samantala hanggang nitong nakalipas na June 29, ang Pilipinas ay mayruon nang 53 certified polymerase chain reaction facilities at 19 na GeneXpert laboratories na nakapag-test ng mahigit 666 katao.
Kinandado ng lokal na pamahalaan ng Taguig City ang ilang establishment matapos lumabag sa minimum health standards.
Ayon sa Facebook post ng safe city task force ng Taguig higit na dapat pahalagahan ang kaligtasan at buhay ng mga residente kaysa sa kita ng non compliant establishments.
Sinabi ng task force na sa simula pa lamang ay kailangang patawan ng temporary closure ang mga establishment na hindi susunod sa pagpapatupad ng health protocols.
Ipinaalala ng task force na kailangang maging responsable ang lahat ng mga may ari ng negosyo para matiyak ang kaligtasan ng mga residente.
Tiniyak ng Bureau of Animal Industry’s (BAI) ng Department of Agriculture (DA) na hindi nag-aangkat ng pork products ang Pilipinas mula sa China.
Kasunod na rin ito ng mga balita hinggil sa bagong uti ng swine flu na nadiskubre sa China kung saan ang virus ay galing sa H1N1 strain na nagdulot na ng pandemic nuong 2009.
Maaari umanong maipasa ang virus mula hayop patungong tao bagama’t wala pang patunay ng human to human transimission
Ipinaalala naman ng DA sa mga nag a alaga ng bagoy na ngayong panahon na ng tag ulan ay sadyang tumataas ang flu like symptoms sa mga alagang baboy kayat dapat i-report sa BAI sakaling masawi sa hindi pangkaraniwang paraan ang kanilang mga alaga.