Author

Judith Estrada-Larino

DWIZ 882

Desisyon ng Kamara ukol sa ABS-CBN franchise hindi maapektuhan ang ipinataw na alias CDO sa istasyon

Hindi makakaapekto sa magiging desisyon ng Kamara sa isyu ng prangkisa ng ABS-CBN ang inisyung alias cease and desist order (CDO) ng National Telecommunications Commission (NTC).

Nilinaw ito ni House Committee on Good Government and Public Accountability Chair Jose Antopnio Sy Alvarado matapos ipahinto ng NTC ang broadcast operations ng Sky Direct pati na rin ang digital television transmission ng ABS-CBN sa TV plus gamit ang channel 43.

Sinabi ni Alvarado na tanging sa mga gumagamit lamang ng nasabing serbisyo ang maapektuhan ng alias CDO ng NTC.

Wala naman aniyang pagkakaiba ang pagkakaruon at kawalan ng CDO dahil may 5 pa lamang ay paso na aniya ang prangkisa ng media giant.

July 1, 2020 0 comment

NATIONAL NEWS

Mandatory driving course sa pagkuha ng bagong driver’s license sisimulan na ng LTO

written by Judith Estrada-Larino

Obligado nang sumalang sa driving course simula sa August 3 ang sinumang nais makakuha ng student permit o bagong driver’s license.

Ayon sa Land Transportation Office (LTO) ipoproseso lamang ang student permit at bagong driver’s license at dagdag na restriction code applications kung ang aplikante ay sumailalim at nakakumpleto ng driving course.

Kailangan anitong may completion certificates na inisyu ng LTO accredited driving school, authorized driving school instructors/administrators o ng LTO driver education centers sa LTO offices.

Pinaghahanda na rin ang lahat ng regional office at district office ng LTO para tumanggap ng electronically transmitted na PDC at TDC certificates.

July 1, 2020 0 comment

RONDA PROBINSYA

Teacher Riders sa Imus City handa na para sa house-to-house delivery sa mga estudyante

written by Judith Estrada-Larino

Handa nang lumipad ang Teacher Riders na miyembro ng DepEd Imus City Eagle Riders para sa house to house delivery ng learning modules sa mga mag-aaral.

Kasunod na rin ito nang panunumpa ng mga nasabing teacher riders sa isang seremonya sa pangunguna ni Mayor Emmanuel Maliksi.

Binigyang diin ni Arturo Rosaroso, Jr. Dicer Founder at principal ng Imus National High School na ang pagiging official module transporters ng mga miyembro ay pagpapakita ng bayanihan para matiyak na ligtas na maisusulong ang edukasyon sa gitna ng coronavirus disease 2019 (COVID-19) pandemic.

Bukod dito nabatid na nagsimula na ring mamahagi ang LGU ng aabot sa mahigit 2,500 radyo na maaaring gamitan ng USB/flash drive para sa pagre-review ng mga guro ng recorded lessons.

Tututukan din ng LGU ang maayos at malakas na internet connectivity sa mga paaralan at mga barangay para mapagaan ang pag-aaral ng learners.

Mayruong kabuuang 35 pampublikong paaralan ang Imus City na binubuo ng 25 sa elementarya, 5 junior high school, 4 na senior high school at isang integrated school.

July 1, 2020 0 comment

NATIONAL NEWS RONDA PROBINSYA

Labi ng mga sundalong nasawi sa shootout sa Sulu binigyan ng military arrival honors sa Villamor Airbase

written by Judith Estrada-Larino

Pinagkalooban ng military arrival honors ang tatlo sa apat na sundalong nasawi sa shootout sa Sulu sa pagdating ng kanilang labi sa Villamor Airbase.

Mismong si Philippine Army Chief Lt. General Gilbert Gapay ang sumalubong sa mga labi nina Major Marvin Indammog, Capt. Irwin Managuelod at Sgt. Jaime Velasco samantalang ang burial rites para kay Corporal Abdal Asula ay ginawa na sa Sulu.

Tiniyak ni Gapay na ipagkakaloob ng militar ang lahat ng tulong sa pamilya ng mga biktima.

Nangako rin si Gapay na mabibigyan ng hustisya ang pagkamatay ng kanilang mga kasamahan.

July 1, 2020 0 comment

HEADLINES NATIONAL NEWS RONDA PROBINSYA

PNP-IAS handang magsagawa ng sariling imbestigasyon ukol sa nangyari sa Jolo, Sulu

written by Judith Estrada-Larino

Handa ang PNP Internal Affairs Service (IAS) na magsagawa ng sariling administrative proceedings laban sa siyam na pulis na dawit sa pagkasawi ng apat na sundalo sa Jolo, Sulu.

Tiniyak ni PNP Spokesman Brigadier General Bernard Banac na nakatutok ang PNP-IAS ang isyu.

Sinabi ni Banac na ang NBI ang may hawak sa kaso para matiyak ang impartial investigation.

July 1, 2020 0 comment

HEADLINES RONDA PROBINSYA

Provincial Capitol ng Cebu isinailalim sa lockdown

written by Judith Estrada-Larino

Nagpatupad ng lockdown sa Provincial Capitol ng Cebu matapos magpositibo sa coronavirus disease 2019 (COVID-19) ang 15 empleyado nito.

Ayon sa Cebu Provincial Government suspendido simula ngayong araw na ito, July 1 hanggang July 3 ang person to person transactions sa kapitolyo para makapagsagawa ng full disinfection protocol sa pasilidad.

12 mula sa 15 empleyado ng Cebu Capitol na nag positibo sa COVID-19 ay mula sa Cebu City dalawa mula sa Mandaue City at isa sa Talisay City.

July 1, 2020 0 comment

RONDA PROBINSYA

13 volcanic earthquakes naitala sa Bulkang Kanlaon

written by Judith Estrada-Larino

Nakapagtala ng 13 volcanic earthquake sa Bulkang Kanlaon sa nakalipas na 24 oras.

Ayon sa volcano bulletin ng PHIVOLCS nakapagtala rin ng moderate emission ng kulay puting steam laden plumes mula sa crater ng bulkan na ang taas ay umabot sa hanggang 200 meters.

Nasukat naman sa average na 136 tonnes per day ang sulfur dioxide mula sa bulkang Kanlaon.

Nananatili sa alert level 1 ang bulkang Kanlaon na nangangahulugang hindi a rin normal ang kondisyon nito at bawal pa rin ang pagpasok sa 4 kilometer radius permanent danger zone ng bulkan.

July 1, 2020 0 comment

NATIONAL NEWS

EDSA Busway sinimulan na

written by Judith Estrada-Larino

Gumulong na simula ngayong araw na ito ang interim operations ng EDSA Busway.

Layon ng EDSA Busway na matulungan ang mga commuter sa Metro Manila ngayong nananatili pa rin ito sa general community quarantine (GCQ).

Sakop ng temporary operations ng EDSA Busway ang mga bus stops mula Monumento hanggang PITX.

Ang mga bus galing Monumento at patungong Quezon Avenue ay gagamit ng mga bus stops sa Bagong Barrio, LRT Balintawak, Kaingin Road, LRT Munioz Station, Mt North Avenue Station – Southbound -loading only, Northbound-unloading only at MRT Quezon Avenue Station – Southbound – loading only, Northbound – unloading only.

Gagamitin na rin ng mga bus ang median lanes section mula sa Quezon Avenue hanggang sa EDSA Estrella at paglampas dito ang mga bus ay papayagang mag pick up at magbaba ng pasahero sa curbside stops mula Buendia hanggang sa PITX partikular sa mga sumusunod na bus stops: Buendia, Ayala (Southbound unloading only, Northbound – loading and unloading), Magallanes, Evangelista/Malibay, Taft Avenue (Southbound – unloading only, Northbound – loading only), Roxas Blvd., Macapagal Avenue, SM Mall Of Asia at PITX.

Sinabi ng DOTr na aabot sa 550 bus units ang otorisadong gumamit ng EDSA Busway.

July 1, 2020 0 comment

HEADLINES NATIONAL NEWS

DILG inutusang dalhin ang mga LSI sa maayos na matutuluyan

written by Judith Estrada-Larino

Pinatitipon ng Pangulong Rodrigo Duterte kay DILG Secretary Eduardo Año ang lahat ng locally stranded individuals (LSI) na nasa airport at ba pang lugar at dalhin sa isang maayos na matutuluyan.

Kasunod na rin ito ng pangako ng Pangulong Duterte na akuin ang gastusin sa titirhan at pagkain ng mga LSI.

Kasabay nito pinakilos ng Pangulo si Transportation Secretary Arthur Tugade na alisin ang mga restaurant sa harap ng NAIA dahil wala na aniyang maupuan ang mga pasahero.

Kung may pagkakataon, pinate-terminate ng Pangulo kay Tugade ang kontrata ng mga nasabing restaurant na dapat na palitan ng mga upuan para sa mga pasahero partikular ang mga buntis at mayroong mga kasamang bata at matatanda.

July 1, 2020 0 comment

INTERNATIONAL NEWS

COVID-19 cases sa buong mundo mahigit 10.5 milyon na

written by Judith Estrada-Larino

Pumapalo na sa mahigit 10.5 milyon ang naitatalang kumpirmadong kaso ng coronavirus disease 2019 (COVID-19) sa buong mundo

Batay sa pinakahuling datos nasa 10,577,000 na ang global cases ng COVID-19 matapos maitala ang mahigit 170,000 bagong kaso sa nakalipas na magdamag.

Nangunguna pa rin ang Estados Unidos ang may pinakamaraming bilang ng kaso na halos nasa tatlong milyon na.

Ikalawa sa nakapagtala ng pinakamaraming kaso ng COVID-19 ang Brazil – halos 1.5 milyon, Russia – halos 650,000 cases, India – halos 600,000, United Kingdom – mahigit 300,000 cases, Spain, Peru at Chile – halos tig 300,000 kaso, italy – halos 241,000 cases at Iran – halos 230,000 cases

July 1, 2020 0 comment

Newer Posts

Older Posts