Tiwala si Justice Secretary Menardo Guevarra na mareresolba na sa lalong madaling panahon ang pagpaslang kay Manila Senior Assistant City Prosecutor Jovencio Senados.
Sinabi ni Guevarra na tuluy-tuloy ang imbestigasyon ng National Bureau of Investigation (NBI) sa pagpaslang kay Senados at umaasa siyang mareresolba kaagad ang kasong ito.
Si Senados aniya ay matagal na sa serbisyo at posibleng humawak na ng hazardous cases na naglagay sa kaniya sa matinding panganib.
Kinasuhan na ang babaeng Chinese national na nanakit ng isang siklista at nandura pa ng isang security guard sa Makati City.
Ayon kay Makati Police Chief Colonel Oscar Jacildo kabilang sa mga isinampa nilang kaso sa Makati City Prosecutors Office laban kay Dong Li ay assault to persons in authority at physical injuries.
Nakipag-ugnayan na aniya sila sa Chinese embassy at Bureau of Immigration para mabatid ng estado ng 27 anyos na Chinese national.
Sa isa pang video ang nasabing Chinese national ay nakaposas habang nakaupo sa sahig matapos magwala sa isang kainan at nanira ng mga lamesa at nakunan din itong dinuraan ang rumespondeng guwardya.
Suspendido muna ng dalawang araw ang operasyon ng main office ng PCSO sa Shaw Blvd., Mandaluyong City.
Ito ay para isailalim sa disinfection ang buong pasilidad bilang bahagi ng precautionary measure laban sa coronavirus disease 2019 (COVID-19).
Magbabalik sa Lunes, July 13 ang operasyon ng PCSO.
Determinado ang economic managers ng Pangulong Rodrigo Duterte na palakasin ang Build, Build, Build program para buhayin ang ekonomiya ng bansa na dumapa dahil sa coronavirus disease 2019 (COVID-19).
Sa isinagawang Pre-SONA forum binigyang diin ni Finance Secretary Carlos Dominguez na maraming trabaho ang malilikha sa ilalim ng nasabing programa na makapagpapalakas din ng mga negosyo.
Kabilang aniya sa mga proyektong pang imprastruktura na gagawin ng gobyerno ay mayroong kinalaman sa kalusugan, edukasyon, pabahay at iba pa.
Sinabi ni Dominguez na hindi dapat maging balakid ang COVID-19 pandemic para mabinbin ang Build, Build, Build program lalo’t dalawang taon na lamang ang nalalabi sa termino ng Pangulong Duterte.
Nadagdagan pa ng tatlo ang bilang ng mga tauhan ng MMDA na nagpositibo sa coronavirus disease 2019 (COVID-19).
Ayon kay MMDA Spokesperson Celine Pialago siyam na empleyado na nila ngayon ang positibo sa COVID-19.
Sinabi ni Pialago na sarado muna ang tanggapan ng MMDA para sa disinfection na gagawin hanggang asa araw ng linggo.
Subalit tiniyak ni Pilago na tuloy pa rin ang trabaho ng traffic enforcers para pangasiwaan ang daloy ng trapiko sa Metro Manila dahil mayroong office base ang MMDA para sa traffic enforcers nila.
Mahigit 50% ang ibinaba ng bilang ng krimen sa kasagsagan ng lockdown.
Ayon sa PNP sa nakalipas na 113 araw na umiral ang community quarantine bumaba ng 52% ang crime rate kumpara sa parehong bilang ng araw bago ipatupad ang quarantine.
Ipinabatid ni Joint Task Force COVID-19 Shield Commander Lt Gen Guillermo Eleazar na 53% ang ibinaba ng krimen sa Luzon at Visayas samantalang 47% naman sa Visayas mula March 17 hanggang July 7.
Bumaba rin aniya ang bilang ng kaso sa walong focused crimes tulad ng murder, homicide, physical injury, rape, robbery, theft at carnapping.
Subalit inamin ni Eleazar na tumaas na naman ang naitatalang krimen nang bahagyang luwagan ang restrictions dahil mas maraming tao na ang lumalabas
Mula sa 65,000 krimen kada araw na naitala sa unang bahagi nang pag-iral ng enhanced community quarantine nasa 84 na krimen kada araw na ang naire-record nang ibaba na sa general community quarantine ang mas maraming lugar sa bansa.
Uubra na ang backriding o pag-aangkas sa motorsiklo para sa mga mag-asawa.
Ayon kay DILG Secretary Eduardo Año simula bukas, July 10 ay puwede na rin ang pag-aangkas sa motorsiklo ng magkasintahan at magka-live in basta’t magpakita lamang ng katunayan ng kanilang relasyon tulad ng marriage contract.
Ipinabatid pa ni Año na inaprubahan na rin ng IATF ang prototype model na ibinigay ni Iloilo Governor Arthur Yap para sa backriding.
Sinabi ni Año na maglalabas naman ang IATF ng guidelines hinggil dito na magiging batayan sa checkpoint.
Dinampot ng mga otoridad si veteran journalist Howie Severino sa Quezon City matapos nitong ibaba saglit ang kaniyang face mask para uminom.
Sinasabing si Severino ay dinala ng barangay officials sa Amoranto Stadium para sa umano’y maikling seminar hinggil sa kahalagahan ng pagsusuot ng face mask.
Inihayag ni Severino na saglit siyang huminto sa isang bike shop at bumili ng inumin sa katabing tindahan kasama ang kaniyang bike buddies na kapwa rin nakasuot ng face mask
Ayon naman kay Severino nagulat na lamang siya nang huminto ang tatlong sasakyan lula ang mga law enforcers ng Quezon City sa harap niya at inaresto siya dahil sa kawalan ng mask gayung ibinaba lamang niya ang kaniyang suot na face mask para makainom at naisoli pa niya ang bote sa binilhang tindahan.
Dumating aniya siya sa Amoranto Stadium kung saan naruon ang daan-daang katao at ipinaliwanag niya sa mga empleyado ng Quezon City na recovered patient na siya ng coronavirus disease 2019 (COVID-19), tatlong beses na siyang nag negatibo sa pinakahuling tests at positibo sa antibodies matapos gumaling at makalabas na ng ospital kayat zero o halos walang chance na makahawa pa siya.
Sinabi pa ni Severino na nag alok pa siyang magsalita sa seminad at ibahagi ang kaniyang karanasan bilang COVID-19 recovered patient subalit ibinalik ang kaniyang bike at sinabihang pu puwede nang makauwi.
Binigyang diin ni Severino na sinunod niya ang safety protocols kabilang ang mahabang isolation at quarantine pagkalabas niya ng ospital hanggang maideklarang recovered patient at sa katunayan ay nakapag donate pla ng plasma para sa mga nasa kritikal na kondisyon na COVID-19 patients.
Mabibigyan na muli ng US visa si Senador Ronald Bato Dela Rosa.
Ito ayon kay Dela Rosa ay matapos syang tawagan ng US Embassy at sinabihang maaari na niyang i-proseso ang kaniyang US visa kapag tapos na ang problema sa coronavirus disease 2019 (COVID-19).
Samantala sinabi naman ni Senate President Vicente Tito Sotto III na nabanggit sa kaniya ng Pangulong Rodrigo Duterte na hindi sang ayon si US President Donald Trump sa ginawang pag kansela ng US State Department sa US visa ni Dela Rosa.
Kayat hindi na aniya siya nagtatakang tinawagan pa mismo ng US Embassy si Dela Rosa para ayusin na ang kaniyang US visa.
Magugunitang dahil sa pag kansela ng Amerika sa US visa ni Dela Rosa nagalit ang Pangulong Duterte at nagpasyang ipawalang bisa ang RP-US visiting forces agreement na pinasuspindi rin muna ng palasyo ang pagpapabasura dahil sa COVID-19 pandemic. —ulat ni Cely Ortega-Bueno (Patrol 19)
Pursigido ang Volunteers Against Crime and Corruption (VACC) na isulong ang mga hakbangin para maprotektahan ang mga prosecutor laban sa mga tangkang pagpatay sa mga ito.
Kasunod na rin ito nang pag-ambush at pagpatay kay Manila Chief Inquest Prosecutor Jovencio Senados sa Quirino Avenue, Maynila pasado 11 a.m. ng umaga kahapon.
Sinabi sa DWIZ ni VACC President Arsenio Boy Evangelista na panahon na para armasan ang mga prosecutor, bigyan ng security at hazard pay, bawasan ang kanilang load sa paghawak ng mga kaso at ipasok sa death penalty ang mga ganitong kaso.
Halos pareho aniya ang mga detalye nang pagkaka ambush kay Senados sa lahat ng mga pinaslang na prosecutors na ang pinakahuli ay si Quezon City Deputy Prosecutor Rogelio Velasco.
Kita natin dito, similar ‘yung pattern sinandwich (ginitgit) high-power of firearms I believe M16 o M14 para masira ‘yung mukha or physically ni prosecutor nakakalungkot at nakakatakot talaga. Despite of na marami ‘yung checkpoints ngayon, ‘yung police disability but still they can do that. In fact makikita sana ‘yung magiimbestiga dito na ilan ‘yung players dito. I believe based on the CCTV na dalawa ang vehicle ang involve dito sinandwich (ginitgit) tapos M16 pa ang ginamit —panayam sa Ratsada Balita