Author

Judith Estrada-Larino

DWIZ 882

INTERNATIONAL NEWS

COVID-19 cases sa buong mundo umabot na sa 11.9 milyon

written by Judith Estrada-Larino

Pumalo na sa kabuuang 11,941,783 ang bilang ng kumpirmadong kaso ng coronavirus disease 2019 (COVID-19) sa buong mundo.

Ito’y makaraang maitala ang higit 200,000 bagong kaso ng nakamamatay na virus sa nakalipas na 24-oras.

Higit 6.8 na milyon naman ang bilang ng mga COVID-19 patient ang tuluyan nang nakarekober o gumaling sa virus, at nasa 4.5 milyon naman ang itinuturing na active cases.

Sa kaparehong bulletin, naitala rin ang kabuuang 546,601 na mga nasawi dahil sa COVID-19.

Samantala, lumalabas sa datos na Estados Unidos pa rin ang may pinakamaraming naitalang nasawi sa virus na umabot sa higit 100,000, at sinundan naman ng Brazil bilang pangalawa, at pangatlo ang United Kingdom.

July 8, 2020 0 comment

RONDA PROBINSYA

Permiso ng Malakanyang para makapagsagawa ng video shoot sa Cordillera tinanggihan

written by Judith Estrada-Larino

Ibinasura ng munisipalidad ng Banaue sa lalawigan ng Ifugao ang request ng Malakaniyang production crew na mag-shoot ng video para sa SONA ng Pangulong Rodrigo Duterte.

Sa kabila ito ng sulat na ibinigay sa local government ng Banaue mula sa RTV Malakaniyang na humihingi ng permiso para makapagsagawa ng video shoot sa Cordillera.

Nirerespeto naman ng production team na kinabibilangan ng aktor na si Piolo Pascual ang desisyon ng lokal ng pamahalaan ng Banaue.

Una nang tinanggihan ng local government ng Sagada sa Mountain Province ang kahilingan ng delegasyon ng Malakaniyang presidential broadcast staff sa pangunguna ni movie director Joyce Bernal na i-video ang mga kilalang tourist spot sa lugar sa kabila ng COVID-19 pandemic.

July 8, 2020 0 comment

HEADLINES NATIONAL NEWS RONDA PROBINSYA

9 na pulis na sangkot sa Sulu incident inilipat na sa Camp Crame

written by Judith Estrada-Larino

Nasa ilalim na ng restrictive custody sa Camp Crame ang siyam na pulis na sangkot sa pagkamatay ng apat na sundalo sa Jolo, Sulu.

Kabilang sa mga nasabing pulis ayon kay PNP Spokesman Brigadier General Bernard Banac na haharap sa imbestigasyon ng NBI ay sina Police Senior Master Sergeant Abdelzhimar Padjiri, Police Master Sergeant Hanie Baddiri at Police Staff Sergeant Iskandar Susulan.

Bukod pa ito aniya kina Police Staff Sergeant Ernisar Sappal, Police Corporal Sulki Andaki, Patrolman Moh Nur Pasani, Police Staff Sergeant Almudzrin Hadjaruddin, Patrolman Alkajal Mandangan at Patrolman Rajiv Putalan.

Ang mga naturang pulis na dumating sa Metro Manila kahapon kasama si Brigadier General Manuel Abu, regional director ng BARMM Police Regional Office ay nai-turn over na kay Police Coronel Jerich Royales na deputy director for operations sa headquarters support service sa Camp Crame.

July 8, 2020 0 comment

INTERNATIONAL NEWS NATIONAL NEWS

Mga labi ng mga OFW mula Saudi Arabia tuloy na ang pagpapauwi sa bansa

written by Judith Estrada-Larino

Tuloy na ang pagpapauwi sa Pilipinas ng labi ng ilang Pilipino mula sa Saudi Arabia sa Biyernes at sa Linggo.

Ito ayon kay Labor Attaché Nasser Munder ay matapos silang makatanggap ng flight details ng dalawang eroplanong maghahatid ng mga labi ng mga OFW pabalik ng bansa.

Sinabi ni Munder na uunahing iuwi ang mga labi ng mga OFW mula sa Dammam at Riyadh bago ang mga mula sa Jeddah partikular ang 11 OFW’s.

Hindi pa aniya makakasama sa mapapauwi sa dalawang flight ang 11 OFW’s na nasawi sa COVID-19 dahil wala pang clearance mula mismo sa gobyerno ng Saudi Arabia.

July 8, 2020 0 comment

HEADLINES NATIONAL NEWS

QC Mayor positibo sa COVID-19

written by Judith Estrada-Larino

Nagpositibo sa coronavirus disease 2019 (COVID-19) si Quezon City Mayor Joy Belmonte.

Ayon kay Belmonte maayos ang kaniyang kalagayan at wala siyang naramdamang anumang sintoms ng nasabing virus samantalang mahigpit din aniya siyang sumusunod sa quarantine protocols

Ipinabatid ni Belmonte na nagsimula na ang contact tracing procedures ng QC epidemiology and surveillance unit kasabay ang pansamantalang pagsasara ng kaniyang tanggapan kasama ang common areas ng city hall para sa kaukulang disinfection

Sinabi ni Belmonte na naihanda na niya ang kaniyang sarili sa sinapit ngayon sa kabila ng aniya’y ibayong pag iingat niya.

Tiniyak ni Belmonte na tuloy-tuloy ang serbisyo ng lokal na pamahalaan kahit naka-quarantine siya at limitado ang pagkilos dahil mananatili siyang nakatutok sa mga dapat gawin sa buong lungsod.

July 8, 2020 0 comment

HEADLINES NATIONAL NEWS RONDA PROBINSYA

Magalong tumulong sa pagtuturo ng epektibong contact tracing sa Cebu City

written by Judith Estrada-Larino

Nagsimula nang ibahagi ng grupo ni Baguio City Mayor Benjamin Magalong ang sistema nito ng contact tracing para sa mga nakahalubilo ng mga nagpositibo sa coronavirus disease 2019 (COVID-19) sa Cebu City.

Ipinabatid sa DWIZ ni Magalong na halos 70 katao ang tuturuan ng kaniyang grupo para sa epektibong contact tracing sa lungsod bilang hakbangin na rin na huwag nang kumalat pa ang nasabing virus sa lalawigan ng Cebu.

Siguro nakita nila na effective na pwede rin namang magamit din dito sa Cebu City although alam naman natin na magkaiba ang sitwasyon nila dito at sitwasyon namin sa Baguio, siguro minarapat nilang tignan kung magiging epektibo yung aming sistema dun, contact tracing so, ito yung pinapamahagi namin ngayon sa mga bago nilang team kasi at the average of about 80 to 90 positive cases a day dito lang sa Cebu City siguro kailangan na din magdagdag ng mga things kaya inimbita nga ako magturo,” ani Magalong.

Sinabi pa ni Magalong na bahala na ang mga nasabing team na magturo na rin sa iba pang grupo sa iba’t-ibang munisipyo ng Cebu Province hinggil sa sistemang ikakasa sa contact tracing.

Ang mangyayari dito tuturuan muna namin ‘to, ito yung mga gagawin nilang call group, sa kanila ika-cascade sa ibang mga munisipyo although halo-halo na ‘to, hindi lang ‘to Cebu City meron ding Lapu-Lapu, meron din sa ibang munisipyo pero hindi naman talaga pwedeng maramihan kasi kung hindi baka bigla kaming magsiksikan doon kaya talagang maximum na yung 76 na pwedeng turuan muna,” ani Magalong. — panayam mula sa Balitang Todong Lakas.

July 8, 2020 0 comment

RONDA PROBINSYA

4.8 magnitude na lindol yumanig sa Zambales

written by Judith Estrada-Larino

Niyanig ng magnitude 4.8 na lindol ang lalawigan ng Zambales.

Ipinabatid ng PHIVOLCS na naitala ang sentro ng pagyanig sa 7 kilometro hilagang kanluran ng bayan ng Cabangan pasado alas 8:00 kaninang umaga.

Ang naturang lindol ay may lalim na 55 kilometro at tectonic in origin.

Naitala naman ang intensity 4 na lindol sa San Felipe, Zambales at intensity 3 sa Quezon City at Malabon City samantalang ang instrumental intensities na intensity 3 sa Olongapo City at intensity 1 sa Quezon City, Marikina City, Malolos City sa Bulacan Gapan City sa Nueva Ecija at Guagua sa Pampanga

July 8, 2020 0 comment

NATIONAL NEWS RONDA PROBINSYA

P7-M halaga ng shabu nasabat sa Sta. Maria sa Bulacan

written by Judith Estrada-Larino

Halos P7-M halaga ng hinihinalang shabu ang nasabat ng mga otoridad sa barangay Caysio, Sta Maria, Bulacan.

Timbog din sa nasabing operasyon ayon kay PDEA Spokesperson Derrick Carreon ang mga Chinese nationals na sina Zhicheng Lu at Feiyue Shi at Pilipino na si Elgine Monzaga na kakasuhan ng paglabag sa comprehensive dangerous drugs act of 2002.

Ipinabatid pa ni Carreon na nakuha sa mga suspek ang cellular phone, passport at sasakyan na kanilang ginamit.

July 8, 2020 0 comment

NATIONAL NEWS

Mga empleyado ng MRT 3 na COVID-19 positive umabot na sa 202

written by Judith Estrada-Larino

Pumapalo na sa mahigit 200 ang mga empleyado ng MRT 3 na nagpositibo sa coronavirus disease 2019 (COVID-19).

Ayon kay Transportation Assistant Secretary Goddess Libiran nasa 202 na ang mga COVID-19 positive na empleyado ng MRT 3 kung saan 16 ay mula sa iba’t-ibang istasyon at mahigit 100 ay mula sa depot.

Ang mga station personnel na nagpositibo ay kinabibilangan ng 15 ticket sellers na ang walo ay mula sa North Avenue Station, 3 sa Cubao Station, 2 sa GMA Kamuning Station at 1 sa Quezon Avenue Station at isang nasa reserve status.

Sinabi ni Libiran na mahigit 300 na lamang mula sa sa mahigit 3,000 tauhan ng Mrt ang kailangan pang isalang sa COVID-19 testing.

July 8, 2020 0 comment

NATIONAL NEWS

Byahe ng mga bus sa MRT 3 mas pinaaga

written by Judith Estrada-Larino

30 minutos na pinaaga ang byahe ng mga bus sa MRT 3 kasunod ng suspensyon pansamantala ng operasyon nito.

Simula ngayon araw na ito ay alas singko ng madaling araw ang unang biyahe ng bus sa ilalim ng bus augmentation program mula sa North at Quezon Avenue Stations.

Ang temporary shutdown ng MRT 3 ay ipinatupad para bigyang daan ang malawakang swab testing ng lahat ng mga empleyado nito.

July 8, 2020 0 comment

Newer Posts

Older Posts