Judith Estrada-Larino

Tumaas ang cash remittance na ipinadadala ng mga Overseas Filipino Workers (OFWs) sa bangko sa buwan ng Pebrero.

Ayon sa Bangko Sentral ng Pilipinas (BSP), bumawi ang remittances sa buwan ng Pebrero kung saan naitala ang 5.1% o katumbas ng $2.477-billion na mas mataas kumpara sa remittance noong Pebrero 2020.

Halos 8% ang itinaas ng cash remittances ng land-based workers, samantalang bumagsak naman sa 4.6% ang sea-based workers.

Ang mataas na remittances sa loob ng dalawang buwan ay nagmula sa Amerika, Singapore, Saudi Arabia, Japan, United Kingdom, UAE, Canada, Malaysia, Taiwan at Qatar.

Pursigido ang gobyerno na makagawa ang bansa ng sariling bakuna kontra coronavirus disease 2019 (COVID-19).

Ipinabatid sa DWIZ ni Dr. Jaime Montoya, executive director ng Philippine Council for Health Research and Development ng Department of Science and Technology (DOST), na mayroon nang mga kumpanya sa bansa na nais magsimula ng produksyon ng bakuna sa Pilipinas sa tulong na rin ng vaccine developers sa ibang bansa.

Tiwala aniya silang uusad ang hakbangin lalo na’t may mga expert naman sa bansa at kung mayroong local company na handang sumugal o mag-invest dito.

Merong mga nakatakdang grupo sa ahensya na nakikipag-usap na sa mga local manufacturers,” ani Montoya. —sa panayam ng Balitang Todong Lakas

Puspusan ang pag-aaral ng mga expert sa bansa sa posibilidad na maghalo ng mga brand ng bakuna kontra coronavirus disease 2019 (COVID-19).

Ayon kay Dr. Jaime Montoya, executive director ng Philippine Council for Health Research and Development ng Department of Science and Technology (DOST), mahigpit nilang ikinukunsidera ang paghahalo ng bakuna na maaaring makapagproduce ng mas maraming antibodies at masolusyunan ang delay sa pagdating ng mga bakuna.

Maaari aniyang pag-aralan ng Philippine experts ang mga clinical trials sa ibang bansa tulad sa United Kingdom hinggil sa posibleng paghahalo ng brand ng bakuna.

Mas maganda ang epekto sa mga mabakunahan kung ito ay paghahaluin natin. Baka mas mataas po ang mga antibodies na mapoproduce. Ang ikalawa po ay para masigurado natin na pwedeng makumpleto ang pagbabakuna dahil may posibilidad na, halimbawa nabakunahan kayo ng isang bakuna pero dumating na ‘yung pagkakataon na babakunahan na kayo ng pangalawa, e, wala po ‘yung bakuna kasi hindi pa dumadating o may problema sa supply, ” ani Montoya. —sa panayam ng Balitang Todong Lakas

Umaapela ang Metro Manila mayors sa Department of the Interior and Local Government (DILG) na palawigin ang deadline sa pamamahagi ng ayuda sa mga apektado ng modified enhanced community quarantine (MECQ) sa NCR Plus.

Ayon kay Parañaque City Maypr Edwin Olivarez, magpapadala siya ng sulat sa DILG para marekunsidera na mapalawig pa ang ika-15 ng Abril na deadline dahil hindi pa tapos ang pamamahagi ng ayuda.

Nagkaroon aniya ng problema ang ilang local government unit sa listahan ng beneficiaries.

Nadagdagan pa ang mga lugar sa Quezon City na isinailalim sa 14-day special concern lockdown simula kahapon, ika-15 ng Abril.

Kabilang dito ang bahagi ng Manunggal St. sa Marangay Tatalon, bahagi ng Villareal St. sa Barangay Gulod, isang lugar sa Umbel St. sa Barangay Roxas District, bahagi ng Old Paliguan Compound sa Barangay Bagbag.

Bukod pa ito sa isang lugar sa Benton St., Fairville Homes sa Barangay North Fairview, bahagi ng Gana Compound sa Barangay Unang Sigaw, bahagi ng K-6th St. sa Barangay East Kamias at bahagi ng Kasing Kasing St. sa Barangay East Kamias.

Nasa ilalim ng Special Concern Lockdown Areas ang 39 na lugar sa ating lungsod dahil sa pagtaas ng bilang ng kaso ng COVID-19.

Partikular na lugar lamang ang sakop ng SCLA at HINDI buong barangay. pic.twitter.com/CghljiuewL

— Quezon City Government (@QCGov) April 15, 2021

Nilinaw ng QC government na bahagi lamang ng isang barangay at hindi buong barangay ang isinasailalim sa lockdown matapos makapagtala ng 10 o higit pang kaso ng coronavirus disease 2019 (COVID-19).

Tiniyak ng local government unit ang food packs para sa mga apektado ng lockdown.

Sa pinakahuling tala ng QC Health Department , nasa 9, 181 ang active cases sa lungsod habang mahigit 53 ,000 naman ang recoveries.

Palalawagin ng Department of Transportation (DOTr) ang free shuttle service para sa mga health workers.

Ayon kay Transportation Secretary Arthur Tugade, nais nilang palawigin sa Bulacan, Laguna, Rizal at Cavite ang free shuttle service na napakinabangan na ng mahigit 2-milyong health workers sa Metro Manila.

Tiniyak pa ni Tugade ang pagpaparami ng mga ruta at prangkisang ibinibigay sa provincial buses para makatulong din sa iba pang authorized persons outside residence (APOR).

Pinaiimbestigahan ng Malakanyang ang report na hindi nasasalang sa regular na COVID-19 test ang mga health workers.

Ayon kay Presidential Spokesman Harry Roque, nakasaad sa guidelines ng DOH ang pagsasalang sa health workers sa regular COVID-19 testing kaya’t kung nalalabag ito ay kaagad isumbong sa DOH.

Una nang inihayag ni Health Undersecretary Maria Rosario Vergeire na titiyakin ng DOH na isinasailalim ng health care facilities sa regular na COVID-19 test ang kanilang health workers.

Pinakakasuhan ng legal service ng Department of Agriculture ang dating pinuno ng Bureau of Animal Industry (BAI) kaugnay sa pagbibigay ng permit para makapag angkat ng karneng baboy mula sa mga bansang apektado ng African Swine Fever (ASF).

Sa pagdinig ng senate committee of the whole ipinabatid ni Atty. Armando Crobalde, Jr. ang pag-endorso nila para makasuhan sa Presidential Anti-Corruption Commission si dating BAI Director Dr. Ronnie Domingo.

Sinasabing nagpalabas pa rin ng Sanitary and Phytosanitary Import Clearance (SPSIC) si Domingo para makapag-angkat ng karneng baboy mula sa mga bansang apektado ng asf tulad ng belgium, Hungary, Germany at China sa kabila nang ilang ulit na direktiba ni dating Agriculture Secretary Emmanuel Piniol na bawal pumasok sa Pilipinas ang pork imports mula sa mga nasabing bansa.