Judith Estrada-Larino

Mas dapat pagtuunan ng pansin sa laban ng Pilipinas sa West Philippine Sea ang regional fishing agreement.

Ito ang paniniwala ni political at military analyst Professor Clarita Carlos dahil hindi naman uubra ang bansa na makipagsabayan sa China sa aspetong militar.

Binigyang diin sa DWIZ ni Carlos na kailangang magkaroon ng sharing o hatiin sa pangingisda sa WPS.(carlos 2)

Talagang i-push natin ‘yung regional fishing agreement. total ang pinag-aawayan natin d’yan ay isda, so, pag may regional fishing agreement, kasama lahat ng mga bansa na, bukod doon sa anim na nakikipag-away d’yan, nagke-claim d’yan, sa area na ‘yan, na kasama na tayo, para malaman kung kailan mangingisda, kung kailan magfi-fish holiday. Kasi palagi nating nire-remind ‘yan sa China na ‘yung mga hinahango d’yan na mga isda ay pinanganak sa Palawan and yet wala naman tayong nakukuha,” ani Carlos.

Nilinaw pa ni Carlos na ang tagumpay ng Pilipinas sa arbitral ruling ay napatunayan lamang na mali ang iginigiit ng China ang nine-dash line principle nito.(carlos 3)

‘Yung arbitral ruling kasi, ang napanalunan mo lang ‘yon is to establish na walang basehan ‘yung kanyang nine-dash line atyaka dahil pwedeng i-ignore ng China ‘yon, inignore nya. Gano’n naman talaga ang international law, I decide kung anong kaya mong i-ignore, i-ignore mo. Kung di mo i-ignore e, di, titiklop ka,” ani Carlos. —sa panayam ng Balitang Todong Lakas

Inaasahan na ang hatol na ‘guilty’ sa dating police officer sa kaso ni George Floyd.

Ipinabatid ito sa DWIZ ni Atty. DJ Jimenez ng UST Faculty of Civil Law, matapos ang guilty verdict sa dating pulis na si Derek Chauvin.

Binigyang diin sa DWIZ ni Jimenez na iba ang common law system sa Amerika kung saan ang jury ang nagtitimbang kung guilty o hindi ang isang akusado, samantalang ang Huwes ang naglalatag ng parusa.

Maganda aniya ang sistemang ito dahil nababalanse ang simpatiya ng nakakarami kung saan kinakatawan ng jury ang publiko.

Tingin ko expected naman natin ‘yan na mako-convict ‘yung police officer na responsible sa pagkamatay ni Floyd. Sa Amerika kasi, sila ay govern ng tinatawag nating common law system. Parang ang nagde-determine kung guilty o hindi ay yung jury. Ang Huwes, sya lang ang mag-iimpose ng penalty,” ani Jimenez. —sa panayam ng IZ sa Alas Sais

Alternatibo.

Ito ang dapat mapunan at matiyak, ayon kay political at military analyst Professor Clarita Carlos, ng mga nagsusulong na mapatalsik sa puwesto ang Pangulong Rodrigo Duterte.

Sinabi sa DWIZ ni Carlos na kung walang makikitang magandang ipapalit sa Pangulong Duterte sa gitna ng mga malalaking usapin, dapat tumahimik na lamang ang mga nagsusulong na sipain ito sa puwesto.

We are a democracy. Pwede ka namang bumatikos s ating mga pinuno, pero bakit… gusto natin pababain agad sila? Meron ba kayong alternatibong ilalagay dyan? Ang inyong alternatibong ilalagay dyan ay mas magaling ba na mag-solve ng COVID-19? At dyan sa issue ng EEZ natin? Kasi kung hindi, mag-shut up nalang kayo. Ilang days nalang matatapos na itong administrasyon ito,” ani Carlos. —sa panayam ng Balitang Todong Lakas

Mahigit 3-milyong estudyante na ang nakapagparehistro para sa school year 2021-2022.

Batay sa early registration monitoring report, nasa kabuuang 3,227,244 learners mula sa 17 rehiyon sa bansa ang nakiisa sa pagpapatuloy ng registration ng Department of Education (DepEd) para sa bagong school year.

Nagmula sa Region 4A (CALABARZON), ayon sa DepEd, ang nakapagtala ng pinakamataas na enrollees o nasa 328,620; 313,899 ay mula sa Region 7 (Central Visayas) at 239,427 mula sa Region 6 (Western Visayas).

Tanging ang mga Kindergarten, Grade 1, Grade 7 at Grade 11 lamang ang nakalista sa nasabing early registration at sa bilang ng mga ito ibabase ng DepEd ang magiging paghahanda sa darating na pasukan.

Kaugnay nito, inatasan ng DepEd ang kanilang field offices para gamitin ang online platforms at drop boxes sa isinasagawang early registration para na rin sa kaligtasan ng mga estudyante, mga magulang at mga guro.

Kinumpirma ng National Disaster Risk Reduction and Management Council (NDRRMC) ang pagkasawi ng dalawa katao, isa ang sugatan at isa rin ang nawawala sa Regions 7 at 8 dahil sa Bagyong Bising.

Gayunman, sinabi ni NDRRMC Spokesperson Mark Timbal na tuluy-tuloy pa ang pagproseso nila sa nasawing babae mula sa Catmon, Cebu at isa pang namatay mula sa St. Bernard, Southern Leyte matapos mabagsakan ng mabigat na bagay nang maabutan sa labas sa kasagsagan ng bagyo.

Patuloy naman aniya ang paghahanap ng Philippine Coast Guard sa isang nawawala mula sa san Jose, Northern Samar at posibleng ngayong araw na ito ay may development na sa paghahanap dito samantalang maayos na ang kondisyon ng nasugatan dulot ng Bagyong Bising.

Dalawa patay, 1 sugatan at 1 po nawawala dulot ng Bagyong Bising… meron din po nasira mga electric lines dahil sa bagyo. Waiting nalang po iba for releasing sa evacuation centers,” ani Timbal. —sa panayam ng IZ sa Alas Sais

Handa ang Public Attorney’s Office (PAO) na ipagtanggol ang mga organizer ng community pantries sakaling ma-red tag o i-harass ng mga otoridad.

Tiniyak ito ni PAO Chief Atty. Percida Rueda-Acosta lalo na’t wala namang masama sa pagtatayo ng community pantry na aniya’y bahagi ng kulturang Pilipino na bayanihan o mutual aid.

Sinabi ni Acosta na hindi makatuwirang hulihin at kasuhan ang mga nais lamang tumulong sa kapwa nila sa panahon ng pandemya.

Ayon kay Acosta, halos limang taon na rin siyang nagbabahagi sa mga kapwa Pilipino at hindi ito nangangahulugang makakaliwa siya kundi ginagawa niya ito bilang isang Pilipino.

Nagsimula nang dumagsa ang mga tao para sa Maginhawa Community Pantr, ilang oras matapos ang curfew kaninang alas-5 ng madaling araw.

Kasunod na rin ito nang pagbabalik-operasyon ngayong araw na ito ng Maginhawa Community Pantry, matapos itong magsara kahapon dahil sa isyu ng red tagging.

Nagkalat naman ang mga tauhan ng Task Force Disiplina para mahigpit na ipatupad ang kapayapaan at health protocols sa paligid ng Maginhawa Community Pantry.

Napanatili ng Bagyong Bising ang lakas nito habang mabagal na kumikilos pa-hilaga, hilagang-kanluran ng silangan ng Quezon.

Ayon sa PAGASA, ang sentro ng Bagyong Bising ay pinakahuling namataan sa layong 475 kilometers silangan ng Infanta, Quezon.

Taglay ng Bagong Bising ang pinakamalakas na hanging umaabot sa 175 kilometers kada oras malapit sa gitna at may pagbugso na umaabot sa 215 kilometers kada oras.

Ang Bagyong Bising ay tinatayang mabagal na kikilos pa-hilaga, hilagang-kanluran.

Bukas ng umaga, ang Bagyong Bising ay tinatayang nasa layong 340 kilometers silangan ng Tuguegarao City.

Nasa ilalim ng Tropical Cyclone Wind Signal Number 2 ang mga sumusunod na lugar:

• eastern portion of Cagayan (Santa Ana, Gonzaga, Baggao, Gattaran, Lal-Lo, Peñablanca, Santa Teresita, Buguey, Camalaniugan, Aparri)
• eastern portion of Isabela (San Pablo, Maconacon, Divilacan, Ilagan, Palanan)
• Catanduanes

Nasa ilalim naman ng Tropical Cyclone Wind Signal Number 1 ang mga sumusunod na lugar:

• Batanes
• Cagayan including Babuyan Islands
• Isabela, Quirino
• Apayao
• Eastern portion of Kalinga
• Eastern parts of Mountain Province and Ifugao
• Northern part of Aurora
• Eastern portion of Quezon including Polillo Islands
• Camarines Norte
• Camarines Sur
• Albay
• Sorsogon
• Northern Samar
• Northern parts of Samar and Eastern Samar

Pinaiimbestigahan ng National Privacy Commission (NPC) sa Philippine National Police (PNP) ang mga report ng umano’y profiling sa organizers ng community pantry.

Kasunod na rin ito ng post ni Anna Patricia Non, organizer ng Maginhawa community pantry sa Quezon City, na ititigil muna nila pansamantala ang operasyon nila para na rin sa kaligtasan ng kanilang volunteers sa gitna nang ginagawang red tagging sa kanila.

Ayon sa NPC, dapat imbestigahan ng PNP Data Protection Office ang nasabing claim ni Non at kaagad gumawa ng mga hakbangin para hindi makagawa ang kanilang mga tauhan ng anumang magiging banta sa karapatan ng mga Pilipino.

Binigyang diin ng NPC na sakaling kailanganing makuha ang personal information para na rin mapanatili ang peace and order, dapat itong gawin sa ngalan ng transparency, may lehitimong layunin at sadyang may katuwiran o naaayon sa batas para gawin ito.

Hindi na aniya sakop o wala sa interes ng PNP ang paghingi ng personal data kabilang ang email address, Facebook account name at family background ng organizer ng community pantries.

Nakatutok ang Philippine Embassy sa Australia sa imbestigasyon sa pagkamatay ng 63 anyos na Filipino crew member sa Vanuatu.

Ipinabatid ng Department of Foreign Affairs (DFA) na nakikipagtulungan na ang local manning agency ng namatay na Pinoy seaman sa principal company nito at maging sa local company sa Vanuatu na nangunguna sa imbestigasyon ng kaso.

Tiniyak naman ng embahada ng bansa sa Australia na magbigay ng nararapat na tulong para mapauwi na ang labi ng Pinoy seaman ma crew member ng British-flagged tanker na Inge Kolsan.

Una nang napaulat na namataan ang katawan ng Pinoy sa Pango Beach sa Port Vila Harbour noong ika-11 ng Abril.