Judith Estrada-Larino

Pinagko-komento ng P.E.T Presidential Electoral Tribunal si Vice President Leni Robredo sa apela ni dating Senador Bongbong Marcos na mabaligtad ang unanimous decision na nagbabasura sa kanyang 2016 election protest.

Ayon kay Atty. Brian Keith Hosaka, spokesperson ng Korte Suprema mayroong sampung araw si Robredo para maghain ng kaniyang sagot sa usapin.

Sa kanyang motion for reconsideration, iginiit ng dating senador na ang kanyang ikatlong hakbangin, ang annulment ng 2016 election results para sa Vice President sa Lanao Del Sur, Basilan at Maguindanao ay uubrang magtuloy-tuloy at hiwalay mula sa manual recount at judicial revision.

Hinimok ni Marcos ang P.E.T na isulong ang paglalatag ng ebidensya sa harap ng isang special committee.

Hiniling din ng dating senador sa P.E.T na atasan ang COMELEc na magsagawa ng technical examination sa lagda ng mga botante na nasa election day computerized voters’ list kumpara sa mga pirmang lumabas sa voters registration records sa mga pino protesta nitong clustered precincts.

Humingi ng paumanhin si Makati City Mayor Abigail Binay kaugnay sa viral video ng isang volunter nurse na bigong makapagturok ng bakuna.

Ayon kay Binay tinatanggap nilang human error o pagkakamali ng volunteer nurse ang nangyaring hindi pagturok sa babakunahan noong June 25 at kinabukasan naman aniya ay nakita nila ang nasabing viral video.

Umapela si Binay ng pang-unawa at pagdadahan-dahan sa pagbatikos sa volunteer nurse at maging sa COVID-19 Vaccination Program.

Kusang loob aniyang naglaan ng kanyang oras ang nasabing nurse at tao lamang din ito na napapagod subalit naitama naman kaagad ang kanyang pagkakamali.

Sinabi ni Binay na mas mabuting mag move-on na lamang at pagtuunan ng pansin ang vaccination roll-out ng gobyerno.

Handa ang Pilipinas na makakuha ng sobrang bakuna kontra COVID-19  mula sa Canada para mapalakas ang local supply nito.

Ayon kay Philippine Ambassador to Canada Rodolfo Robles nakapila na ang bansa sa mga interesadong makakuha ng nasa 100 million doses ang inaasahang surplus o sobrang bakuna ng Canada kaya’t asahan nang fully vaccinated na ang lahat sa kalagitnaan ng fourth quarter ng 2021.

Nakatutok aniya siya sa posibilidad na makakuha ang Pilipinas ng sobrang COVID -19 vaccine mula sa Canada.

Kasabay nito ipinabatid ni Robles sa Medicago, isang canadian pharmaceutical company na magtayo ng vaccine manufacturing plant sa Pilipinas partikular sa lalawigan ng Bulacan at nagbigay na aniya siya ng lahat ng perks at benepisyo tulad ng libreng buwis at capital importations.

Inaasahan aniya niyang mabilis na tatakbo ang negosasyon hinggil dito kapag nalagdaan na ng gobyerno ng Pilipinas ang non-disclosure agreement na pinapipirmahan ng Medicago.

Maghahain ng resolusyon ang Minority bloc ng Senado bilang pagkilala sa naging kontribusyon at legacy o pamana ng dating Pangulong Noynoy Aquino.

Kasabay ito nang pagpapaabot ng pakikiramay ng Senado sa pamilya ng dating Pangulo na tatlong taong nanungkulan bilang senador.

Ayon kay Senate Minority Floor leader Franklin Drilon layon nilang maipaabot ng personal sa pamilya Aquino ang pag-apruba sa nasabing resolusyon.

Hihilingin aniya niya kay Senate President Vicente Tito Sotto III na mag open close na lang ang sesyon sa July 27, isang araw matapos ang huling sona ng pangulong rodrigo duterte bilang pagsunod na rin sa tradisyon ng senado kapag mayruong namamataqy na dating senador lalo pat naging pangulo ang dating Senador Noynoy Aquino.

Sinabi naman ni Sotto na malamang aprubahan nila sa july 27 ang nasabing resolusyon at pagkatapos ay mag a adjourn din ang sesyon.

Iniimbestigahan na ng DOH ang anito’y breach o paglabag sa COVID-19 vaccination protocol na nakunan sa isang video.

Nalantad sa social media ang isang video kung saan makikita ang pag-inject ng isang health worker ng karayom sa braso ng isang vaccine recipient ng walang plunger kayat naiwan ang substance sa iniksyon.

Nilinaw naman ng DOHna matagumpay namang nabakunahan ang kumuha ng nasabing video footage na una nang ipinakita sa vaccination team.

Tiniyak ni Health Secretary Francisco Duque III na gumagawa na sila ng mga improvement sa protocol para maiwasan na mangyari ang nakita sa naturang video.

Mahigit 10M doses ng COVID-19 vaccines na ang naiturok sa mga Pilipino hanggang kahapon, June 27 o isang buwan matapos ilunsad ang inoculation campaign noong Marso.

Ayon sa pinakahuling bulletin ng DOH, nasa 10, 065, 414 doeses ang na administer na sa mahigit 1K active vaccination sites.

Nasa 7, 538, 128 shots ang naibigay na bilang first dose at 2, 527, 286 ang sa second doses.

Pumapalo sa average na 236, 867 doses ang average na naturukan kada araw sa nakalipas na linggo.

Sa halos 1. 6 million health workers na nasa masterlist nasa 1,669, 660 ang nakatanggap na ng unang shot habang nasa 1, 131, 498 ang fully vaccinated.

Bumaba ng siyam na porsyento ang mga bagong kaso ng COVID-19 sa Metro Manila sa nakalipas na linggo.

Ayon ito sa OCTA Researh Group kung saan nasa 667 ang average new cases mula June 21 hanggang 27, mas mababa sa average na 731 na arawang bagong infections mula June 14 hanggang 20.

Ipinabatid pa ng OCTA na nananatili sa 4. 83 cases pero 100K population ang ADAR o  Average Daily Attack Rate ng Metro Manila dahilan para isailalim itong moderate low risk area samantalang nasa 7 percent ang positivity rate.

Ang reproduction number na tumutukoy sa bilang ng taong maaaring mahawahan ng isang COVID-19 infected ay point 80 sa Metro Manila mula sa point 71 noong nakalipas na linggo at point 92 para sa buong bansa.

Binalewala ni Vice President Leni Robredo ang akusasyon ni Davao City Mayor Sarah Duterte na pamumulitika sa 2022 elections ang dahilan nang pagpuna nito sa mataas na kaso ng COVID-19 sa Davao City.

Ito ay matapos ipabatid ni Robredo na dadalhin ng OVP o Office of the Vice President ang COVID vaccine express program sa Visayas at Mindanao bilang tugon sa tumataas na kaso ng COVID-19 sa rehiyon.

Ang hakbang ni Robredo ay kasunod na rin ng apela ni Congressman Rufus Rodriguez na palawigin ni Robredo ang drive thru vaccination program nito sa Visayas at Mindanao kung saan sumisirit ang kaso ng COVID-19.

Una nang nagpasalamat si Rodriguez sa isang twitter post dahil sa mabilis na pag aksyon ni Robredo.

Nabatid na sa unang araw ng vaccine express initiative ni Robredo ay mahigit dalawang libong tricycle, pedicab drivers at delivery riders ang nabigyan ng bakuna bukod pa sa 500 pesos na fuel incentive at nakatakdang isunod ang mga vendor.

Magugunitang nagparinigan sina Robredo at Mayor Duterte nang umalma ang presidential daughter sa payo ng pangalawang pangulo na pag aralan ng Davao City ang COVID-19 approach ng Cebu City.

Binalaan ng PHIVOLCS ang mga residenteng nakatira malapit sa Taal Caldera matapos maitala ang volcanic smog.

Ang Taal Caldera ay lawang nakapaligid sa Bulkang Taal at sinasabing bahagi ng orihinal na anyo ng naturang bulkan.

Sakop ng Taal Caldera ang mga bayan ng Talisay, Laurel, Agoncillo, Sta Teresita, San Nicolas, Alitagtag, Cuenca, Balete at Mataas na Kahoy.

Ayon sa PHIVOLCS, umabot ng hanggang halos 5k  tonnes kada araw ang ibinugang sulfur dioxide ng bulkan kahapon samantalang nasa 30 degrees celsius ang atmospheric temperature ng bulkana t 75 percent ang humidity ng hangin.