Nag-negatibo na sa coronavirus disease 2019 (COVID-19) test results si kapamilya actress Sylvia Sanchez at ang kanyang mister na si Art Atayde.
Sa kanyang post sa social media, masayang ibinalita ni Sanchez sa fans na ‘cleared’ na silang mag-asawa sa pneumonia kung saan sinamahan pa niya ito ng heart at praying emojis.
Bukod dito, nagpasalamat din si Sanchez sa mga doktor at nurses na nag-alaga sa kanila.
Wala pa ring plano ang Australia at New Zealand na luwagan ang travel restrictions at paghihigpit sa public gatherings sa kani-kanilang mga bansa sa kabila ng matagumpay nitong paglaban sa coronavirus disease 2019 (COVID-19).
Ayon kay Australian Prime Minister Scott Morrison, mukhang ilang linggo pa ang tatakbuhin ng kanilang lockdown bago ito aalisin.
Ayaw aniya nilang matulad sa Singapore at South Korea na muling tumaas ang bilang ng covid cases matapos tanggalin ang mga biyahe at iba pang restrictions.
Giit naman ni New Zealand Prime Minister Jacinda Ardern, sa ngayon ay hindi pa rin niya masasabi kung panalo na sila sa kanilang giyera kontra COVID-19.
Ipinag-utos ni Indian Prime Minister Narendra Modi ang pagpapalawig hanggang Mayo 3 sa ikinasang nationwide lockdown sa kanilang bansa.
Ayon kay Modi, layon ng pamahalaan na makontrol ang pagkalat ng coronavirus disease 2019 (COVID-19).
Gayunman, nilinaw ni Modi na papayagan pa ring magpatuloy ang mga mahahalagang aktibidad sa ilang estado.
Nakapagtala ang China ng mga bagong kaso ng coronavirus disease 2019 (COVID-19).
Ayon sa ulat, karamihan sa mahigit 100 panibagong kaso ay itinuturing na imported cases o nakuha mula sa labas ng kanilang bansa.
Siniwalat ng National Health Commission na dalawang covid patients pa ang nadagdag sa mahigit 3,000 kaso sa buong China.
Pinalawig pa ng isang buwan ang nationwide lockdown sa France dahil sa coronavirus disease 2019 (COVID-19).
Ang kautusan ay inanunsiyo ni French President Emmanuel Macron kung saan epektibo ito mula Marso 17 hanggang Mayo 11.
Dahil dito, umaasa si Macron na babalik na sa normal ang lahat pagkatapos ng lockdown.
Halos 2-M katao na ang dinapuan ng COVID-19 sa buong mundo habang mahigit isang daang libo na ang nasawi.
Ipinapayo ng mga eksperto ang pagkonsumo ng whole foods tulad ng mga gulay, at prutas.
Kasama rin dito ang whole grains gaya ng brown rice at oatmeal.
Base sa mga pag-aaral, epektibo ang whole foods sa pagpapabuti ng lagay ng pag-iisip at panlaban sa mga sakit sa utak.
Binigyang diin naman ng mga eksperto na complementary treatment lang ang diyeta o maaaring isabay sa iba pang paraan ng paggamot ng mga sakit sa pag-iisip.
Mainam din umano ang mga pagkaing mayaman sa omega-3 fatty acids gaya ng mga matatabang isda.
Nakapagtala na ng unang kaso ng coronavirus disease 2019 (COVID-19) ang rehiyon ng Cordillera.
Ayon kay Abra Governor Maria Jocelyn Bernos, isang migrant worker na kauuwi lang ng probinsya mula United Arab Emirates (UAE) ang tinamaan ng COVID-19.
Dahil dito, agad na isinailalim sa quarantine ng local task force ang pasyente at nakatakdang ilipat sa isang ospital sa lalawigan.
Isinailalim na sa state of calamity ang Las Piñas City bunsod ng patuloy na pagkalat ng coronavirus disease 2019 (COVID-19).
Ang announcement ay ginawa ni Mayor Mel Aguilar matapos ang pagpupulong ng Metro Manila Council.
Sa isang kalatas, sinabi naman ng lokal na pamahalaan na sa Lunes, Marso 16, ay maglalabas ng mga guidelines ang Task Force Against COVID-19 ng Las Piñas tungkol sa pagpapatupad nito upang maging gabay ng mga tagapagpatupad nito at maging ng mga residente.
Inaabangan na ng kanilang mga tagahanga ang wedding nina Sarah Lahbati at Richard Gutierrez.
Magaganap ang kasalan sa Sabado, Marso 14.
Sinasabing bago ang big day ng celebrity couple, nag-throwback muna sa kanilang makulay na love story sa isang sikat na magasin.
Bigatin naman ang mga bisita sa kasal habang pinag-uusapan din ang 25 pares na principal sponsors.
Kabilang sa mga ninong at ninang sa kasal sina Pangulong Rodrigo Duterte at ang mga dating presidente na sina Gloria Macapagal-Arroyo at Joseph Estrada.
Bukod dito, kasama rin sa mga imbitado at inaasahang dadalo ay ang mag-asawang Sen. Manny at Jinkee Pacquiao, ABS-CBN executives Carlo Katigbak, Charo Santos, Cory Vidanes, at marami pang iba.
Patay ang dalawa katao matapos tamaan ng coronavirus disease 2019 (COVID-19) sa Florida, U.S.A.
Ayon sa Florida Department of Health, ito ang unang mga insidente ng pagkamatay dahil sa COVID-19 sa labas ng California at Washington.
Parehong galing umano sa international trips ang dalawang nasawing pasyente na ang isa ay 70 taong gulang.
Magugunitang nanawagan ang U.S. Centers for Disease Control and Prevention sa mga matatanda at may chronic medical conditions na manatili na lamang sa kanilang bahay at iwasan ang pagbiyahe sa mga malalayong lugar.