Author

Gilbert Perdez

DWIZ 882

OFWs na inilikas mula Macau dahil sa COVID-19 nakarating na ng bansa

Dumating na sa bansa ang mahigit 100 Pilipino na inilikas mula Macau special administrative region (SAR) dahil sa coronavirus disease 2019 (COVID-19).

Nabatid na lumapag sa Ninoy Aquino International Airport (NAIA) Terminal 1 sa Pasay City ang chartered flight na sinakyan ng mga Pinoy, kasama si Foreign Affairs Undersecretary Sarah Lou Arriola.

Sinasabing ang mga repatriated Filipinos ay kinabibilangan ng 130 undocumented Filipino workers, 5 sanggol, at 28 miyembro o empleyado ng Overseas Workers Welfare Administration (OWWA).

Matatandaang nakipag-ugnayan ang Philippine Consulate General sa Macau Government para sa special chartered flight ng mga ito kasunod na rin ng panawagan ng Pilipino community sa lugar.

Isasalang muna sa screening at quarantine ang mga inilikas na Pinoy at pagkakalooban ang bawat isa sa kanila ng tig-P7,000 financial assistance.

March 7, 2020 0 comment

HEADLINES NATIONAL NEWS

Pagdedeklara ng ng State of Public Health emergency sinang-ayunan ni Duterte —Bong Go

written by Gilbert Perdez

Pumayag nang magdeklara ng State of Public Health emergency si Pangulong Rodrigo Duterte.

Ito ang inihayag ni Senador Bong Go matapos kumpirmahin ng Department of Health (DOH) na nagkaroon na ng local transmission ng coronavirus disease 2019 (COVID-19) sa bansa.

Wala pang pahayag ang Malakanyang hinggil sa naturang isyu.

March 7, 2020 0 comment

ENTERTAINMENT

Karla proud kay Daniel bilang protective kuya

written by Gilbert Perdez

Ipinagmalaki ng beteranang aktres na si Karla Estrada ang pagiging protective na kuya ni Daniel padilla.

Para kay Karla, natural lang naman ito kaya ipinagmamalaki niya ang kanyang panganay na anak.

Matatandaang nag-viral ang video na kuha sa birthday party ng kapatid ni Daniel na si Magui Planas kung saan nasaksihan ng marami ang pagiging protective ng aktor sa kanyang nakababatang kapatid na babae.

Umani rin ito ng mga positibong reaksiyon mula sa mga netizens.

March 7, 2020 0 comment

SPORTS

Casimero aminadong underdog siya vs Inoue

written by Gilbert Perdez

Hanging boxing gloves. Very low key and heavy shadows

Aminado si Filipino boxing champion John Riel Casimero na underdog siya sa kanilang laban ni Japanese knockout artist Naoya Inoue sa Abril 25.

Pero ayon sa 3 weight division world champion, gagawin niya ang lahat upang matalo si Inoue. Kasalukuyang nagsasanay si Casimero sa Miami, Florida USA kasama si conditioning coach Memo Heredia.

Sa naturang event, itataya ni casimero ang kanyang World Boxing Organization (WBO) Bantamweight title habang bitbit ni Inoue ang kanyang 3 korona mula sa World Boxing Association (WBA), International Boxing Federation (IBF), at The Ring.

March 7, 2020 0 comment

INTERNATIONAL NEWS

32 katao patay matapos pagbabarilin sa Afghanistan

written by Gilbert Perdez

Umakyat na sa 32 ang bilang ng mga nasawi sa panibagong pag-atake sa Kabul, Afghanistan.

Bukod dito, ayon kay Health Ministry spokesperson Waheedullah Mayar, 58 iba pang ang nasugatan sa insidente.

Nabatid na napatay din ng Security forces ang 3 sa mga salarin.

Sinasabing nangyari ang pag-atake habang nagaganap ang seremonya na dinaluhan ng isang opposition leader bilang bahagi ng paggunita sa pagkamatay ni political leader Abdul Ali Mazari na pinaslang ng mga taliban fighters noong 1995.

March 7, 2020 0 comment

HEADLINES INTERNATIONAL NEWS

Taunang cherry blossom festivals sa Japan kanselado dahil sa banta ng COVID-19

written by Gilbert Perdez

Beautiful Kawazu Sakura Festival , Cherry Blossom Full Bloom

Kanselado na ang dalawang cherry blossom festivals sa Japan ngayong taon dahil pa rin sa coronavirus disease 2019 (COVID-19) outbreak.

Ayon sa statement mula sa mga organizer, hindi na matutuloy ang Osaka Mint Cherry Blossom Festival dahil sa COVID-19.

Maliban dito, kanselado na rin ang Nakameguro Cherry Blossom Festival sa Tokyo, kasama na rito ang main attraction na pagpapailaw ng mga puno sa tabing ilog.

Ang dalawang festivals ay parehong idinaraos mula Marso 21 hanggang Abril 8 kada taon.

February 29, 2020 0 comment

HEADLINES INTERNATIONAL NEWS

Mobile app vs COVID-19 inilabas sa SoKor

written by Gilbert Perdez

Dahil sa mabilis na pagkalat ng coronavirus disease 2019 (COVID-19), nakaimbento ng isang mobile app ang mga imbentor sa South Korea para ma-monitor ang virus doon.

Ayon kay Bae Won-Seok, isa sa mga developer ng Corona 100m, umaabot sa 20,000 downloads ang nakukuha nila kada oras sa Google Play app store.

Sa pamamagitan ng app na ito, malalalaman kung anong petsa nagkaroon ng covid-19 ang isang pasyente, kasama na ang nationality, kasarian, edad at lugar na pinuntahan ng naturang pasyente.

Maliban dito, malalaman din ng app user kung gaano sila kalayo o kalapit sa mga pasyente na mayroong coronavirus.

Sa pinakahuling ulat, mayroon nang mahigit 3,000 kaso ng COVID-19 sa South Korea.

February 29, 2020 0 comment

INTERNATIONAL NEWS

Bilang ng confirmed cases ng COVID-19 sa Spain pumalo na sa 43

written by Gilbert Perdez

Sumampa na sa 43 ang bilang ng mga tinamaan ng coronavirus disease 2019 (COVID-19) sa Spain.

Ayon sa Health department, ang isa sa mga pinakahuling dinapuan ay isang 52 taong gulang na babae mula sa Girona na kababalik lang ng Espanya mula Italy.

Nagkaroon din ng COVID-19 ang isang lalaki mula hilagang Barcelona.

Kasalukuyan namang naka-quarantine ang higit 40 iba pa sa iba’t ibang lugar sa naturang bansa.

February 29, 2020 0 comment

SPORTS

No. 24 jersey number nina Ravena at Manuel aprub na sa PBA

written by Gilbert Perdez

Inaprubahan na ng PBA ang hirit nina Kiefer Ravena ng NLEX at Vic Manuel ng Alaska na gamitin ang No. 24 ngayong taon sa kanilang jersey bilang pagpupugay sa yumaong NBA legend na si Kobe Bryant.

Ayon kay PBA commissioner Willie Marcial, kapwa masugid na tagahanga ni Bryant ang dalawang manlalaro.

Paliwanag ni Marcial, walang problema sa liga at hindi isyu ang magpalit ng jersey number basta’t mag-abiso lamang nang maaga sa kanila.

Matatandaang no. 87 ang orihinal na number na gamit Manuel habang no. 15 naman ang kay Ravena.

February 22, 2020 0 comment

INTERNATIONAL NEWS

Unang kaso ng pagkamatay dahil sa COVID-19 naitala ng Iran

written by Gilbert Perdez

Nakapagtala na ang Iran ng unang insidente ng pagkamatay dahil sa coronavirus disease 2019 (COVID-19).

Ayon sa Health ministry, ang nasawi ay kasama sa bagong 10 kaso na naitala sa naturang bansa.

Dahil dito, umakyat na sa 5 ang bilang ng mga namatay habang 28 na ang tinamaan ng nabanggit na virus sa Iran.

February 22, 2020 0 comment

Newer Posts

Older Posts