Author

Gilbert Perdez

DWIZ 882

HEADLINES

Ubas nakapagbigay ng proteksyon sa ilang uri ng mga sakit

written by Gilbert Perdez

Likas na mayaman sa antioxidant ang ubas at pasas, lalo na ‘yung masyadong mapula o maitim.

Ang pinatuyong ubas o pasas, pati na ang alak na gawa sa ubas o red wine, ay makukuhanan pa rin ng antioxidant.

Ayon sa mga eksperto, kailangan ng katawan ang antioxidant dahil nakapagbibigay ito ng proteksyon mula sa ilang uri ng mga sakit.

Bukod dito, pinapabagal din nito ang proseso ng pagtanda ng pisikal na katawan ng tao.

Aktibo kasing nilalabanan ang mga free radicals sa katawan na may kaugnayan sa mabilis na pagtanda ng mga cells sa katawan at pagkakaroon ng sakit na kanser.

April 16, 2020 0 comment

SPORTS

UFC plano magdaos ng 2 title bouts sa darating na buwan

written by Gilbert Perdez

Plano ng Ultimate Fighting Championship (UFC) na magdaos ng dalawang title bouts sa darating na Mayo 9 ngayong taon.

Hindi naman binanggit ni UFC President Dana White kung saan gaganapin ang mga nabanggit na laban.

Matatandaang noong nakaraang linggo ay inanunsiyo ni White na kanselado na ang UFC 249 event sa Abril 18 dahil sa banta ng coronavirus disease 2019 (COVID-19).

April 16, 2020 0 comment

ENTERTAINMENT

South Border nagsagawa ng online concert para sa mga frontliners

written by Gilbert Perdez

Kasabay ng kanilang virtual reunion, nagsagawa ng online concert ang bandang South Border sa harap ng coronavirus crisis.

Ang konsiyerto na pinanood ng kanilang mga tagahanga sa iba’t ibang panig ng mundo ay pinangunahan ng kanilang singer na si Jay Durias.

Inabot ng isang oras ang live stream ng south border kung saan inawit nila ang mga kantang “langit sa’yong tabi,” “kahit kailan,” “tulog,” “himig natin,” at marami pang iba.

Sinasabing mapupunta sa mga frontline workers at mga mahihirap na komunidad ang kita sa naturang konsiyerto.

April 16, 2020 0 comment

ENTERTAINMENT

Darren Espanto itinalaga ng UNDP bilang youth advocate

written by Gilbert Perdez

Itinalaga ng United Nations Development Programme (UNDP) ang batang singer na si Darren Espanto bilang bagong youth advocate para sa kanilang mga layunin ng sustinableng pag-unlad o sustainable development goals.

Ayon sa UNDP, kinikilala nito ang potensiyal ng mga tinedyer bilang mga ahente ng pagbabago.

Nagpapasalamsat naman si espanto sa pagkakatalaga sa kanya ng UNDP.

Bukod dito, nangako rin ang batang singer na gagampanan nito anuman ang mga responsibilidad na nakaatang sa kanyang balikat.

April 15, 2020 0 comment

HEADLINES NATIONAL NEWS

Taiwan nag-donate ng 300,000 face masks sa Pinas vs. COVID-19

written by Gilbert Perdez

Nag-donate ng 300,000 pirasong face mask ang Taiwan sa Pilipinas bilang suporta sa giyera kontra coronavirus disease 2019 (COVID-19).

Ang donasyon ay tinanggap mismo ni Manila Economic and Cultural Office (MECO) Vice Chairman Gilberto Lauengco mula kay Taipei Economic and Cultural Office Representative Michael Hsu.

Ayon sa MECO, tinatayang 1-M pirasong face mask na ang nai-donate ng Taiwan sa mga kaalyado nitong bansa sa buong mundo.

April 15, 2020 0 comment

INTERNATIONAL NEWS

Singaporeans obligado magsuot ng face mask sa kanilang bansa

written by Gilbert Perdez

Obligado nang magsuot ng facemask ang mga taga-Singapore matapos lumobo ang bilang ng mga tinamaan ng coronavirus disease (COVID-19) sa nabanggit na bansa.

Ayon sa ulat, papatawan ng multa na aabot sa $300 Singapore dollars o $212 U.S. Dollars ang mga mahuhuling walang suot na facemask.

Ang mga tinatawag namang repeat offenders ay posibleng usigin sa korte o kaya’y gawaran ng mas mataas na multa.

April 15, 2020 0 comment

INTERNATIONAL NEWS

China pumayag na masubukan sa tao ang 2 experimental vaccines vs. COVID-19

written by Gilbert Perdez

Pumayag na ang China na masubukan sa tao ang dalawang experimental vaccines na posibleng panlaban sa coronavirus disease 2019 (COVID-19).

Ayon sa ulat, ang dalawang bakuna ay ginawa ng Beijing-based unit ng Sinovac Biotech at Wuhan Institute of Biological products na konektado sa China National Pharmaceutical Group.

Umakyat na sa 82,249 coronavirus cases ang naitala sa China habang mahigit 3,000 ang nasawi.

April 15, 2020 0 comment

INTERNATIONAL NEWS

Terorsita, special forces sa Egypt muling nagkabakbakan

written by Gilbert Perdez

Muling nagkabakbakan ang security forces at mga hinihinalang miyembro ng isang teroristang grupo sa Cairo, Egypt.

Ayon sa Egyptian State TV, dalawang security officers ang nasugatan sa insidente.

Sa imbestigasyon, unang nagkaputukan ang magkabilang panig sa Al-Amiriyah District.

Hindi naman binanggit kung may mga nasaktan o nasawi sa panig ng mga terorista.

April 15, 2020 0 comment

HEADLINES

Pagkain ng tahong nagpapalakas ng immune system

written by Gilbert Perdez

Inihahayag ng mga eksperto na mainam na pampalakas ng resitensiya o immune system ang sea shells, kabilang na rito ang tahong.

Kasama umano sa mga health benefits na makukuha sa pagkain ng tahong ay ang pagkakaroon ng malusog na puso at panlaban sa arthritis.

Maliban dito, tumutulong din ito sa circulatory system, nervous system, fertility at pumipigil sa anemia.

Mayroon din umanong anti-aging benefits ang tahong habang mahusay din itong source of protein at omega-3.

April 15, 2020 0 comment

SPORTS

3×3 players sa bansa makakatanggap pa rin ng sahod sa kabila ng ECQ

written by Gilbert Perdez

Makakatanggap pa rin ng kanilang buwanang sahod ang top 3×3 players sa bansa kabila ng umiiral na enhanced community quarantine (ECQ).

Kasama sa mga manlalarong ito sina Joshua Munzon, Alvin Pasaol, Dylan Ababou, Troy Rike, Karl Dehesa, Santi Santillan, Franky Johnson, Chris De Chavez, at Jr Alabanza.

Ayon sa chooks-to-go, kahit ma-extend pa ang ECQ ay babayaran pa rin ang mga nabanggit na atleta.

Nagpapasalamat naman dito sina Pasaol at Santillan dahil magagamit umano nila ito para tulungan ang kani-kanilang pamilya sa probinsya.

April 15, 2020 0 comment

Newer Posts

Older Posts