Ipinapayo ng mga health experts ang pagkonsumo ng carrots.
Ayon sa mga dalubhasa, likas itong mayaman sa beta-carotene.
Bukod sa benepisyong maidudulot ng carrots sa ating paningin, nagtataglay din ito ng antioxidant.
Makatutulog din ito upang protektahan ang ating katawan mula sa masasamang epekto ng free radicals.
18 katao na ang napatay ng security forces sa pagpapatupad ng coronavirus disease 2019 (COVID-19) protocols sa Nigeria.
Ayon sa report ng National Human Rights Commission, nakatanggap ito ng mga reklamo tungkol sa mga umano’y human rights violations na kagagawan ng mga awtoridad sa ilang estado.
Sinasabing walo sa mga biktima ay napaslang ng mga correctional officers sa kaduna state.
Nanawagan sa gobyerno si Cagayan De Oro Rep. Rufus Rodriguez na sagutin ang gastusin sa burial at cremation ng mga biktima ng coronavirus disease 2019 (COVID-19).
Ayon kay Rodriguez, hindi na dapat pa pinapahirapan sa mga bayarin ang mga kababayang nawalan ng mahal sa buhay dahil sa coronavirus.
Maaari aniya itong gawin ng Department of Health (DOH) sa pamamagitan ng reimbursement scheme.
Mukhanghi pa ng Solon, ang LGU muna ang dapat sumagot sa gastos ng isang mahirap na nasawi sa virus mula sa ospital patungong funeral parlor o crematorium hanggang sa libingan at saka ito i-re-reimburse ng LGU sa DOH. —Ulat mula kay Jill Resontoc (Patrol 7)
Tinanggap na ni Pangulong Rodrigo Duterte ang pagbibitiw sa pwesto ni NEDA Secretary General Ernesto Pernia.
Ayon kay Executive Secretary Salvador Medialdea, agad na itinalaga ng presidente si Finance Usec. Karl Chua bilang Acting Secretary of NEDA.
Nag-resign si Pernia bunsod ng umano’y pagkakaiba ng pananaw at personal reasons sa gitna ng coronavirus disease 2019 (COVID-19) crisis.
Nasawi ang isang dating Metropolitan Basketball Association (MBA) player makaraang barilin sa loob ng isang fitness gym sa Barangay Villamonte, Bacolod City.
Ayon sa pulisya, dead on the spot ang biktimang si Manuel Huelar bunsod ng tama ng bala sa ulo mula sa baril ng hindi pa nakikilalang salarin.
Bago ito, isiniwalat ng may-ari ng gym na may tumawag kay huelar kaya’t lumabas ito at doon na binaril ang biktima na dating player ng Negros Slashers.
Sa rekord ng mga awtoridad, dating chairman ng Barangay 35 sa lungsod si Huelar ngunit nahuli ito sa isang buy-bust operation noong 2016 at nakalaya makaraan ang dalawang taon.
Inanunsiyo ni OPM Icon Gary Valenciano na magsasagawa siya ng dalawang araw na Facebook (FB) live concert ngayong weekend.
Nabatid na ang kikitain sa konsiyerto bukas at sa linggo ay mapupunta sa mga mahihirap na komunidad na apektado ng coronavirus disease 2019 (COVID-19) crisis.
Nakakalap na rin ng isang milyong pisong pondo si Valenciano sa nakaraang virtual concert na ginawa ng naturang singer.
Nanawagan sa Korte Suprema ang isang grupo ng mga abogado na i-convene ang inter-agency coordinating body upang tingnan ang hirit na palayain ang mga kwalipikadong bilanggo sa harap ng banta ng coronavirus disease 2019 (COVID-19) sa mga piitan.
Sa isang liham kay Chief Justice Diosdado Peralta, nakiusap ang free legal assistance group o flag na pulungin ang Justice Sector Coordinating Council (JSCC) na pinamumunuan ng punong mahistrado.
Ayon sa flag, sa ganitong paraan ay mapag-aaralang mabuti ang panawagan na palabasin ng kulungan ang ilang preso para na rin sa kaligtasan ng mga ito.
Ang JSCC ay kinabibilangan ng lahat ng attached offices ng hudikatura tulad ng Department of Justice (DOJ), at Department of The Interior and Local Government (DILG).
Iminungkahi ng isang public health expert ang pagtatalaga ng isang undersecretary na tututok sa umiiral na enhanced community quarantine (ECQ) sa Luzon bunsod ng patuloy na pagtaas ng bilang ng coronavirus disease 2019 (COVID-19) cases sa bansa.
Sa isinagawang virtual meeting ng defeat COVID-19 committee ng kamara, binigyang diin ni Dr. Susan Mercado na mainam na magtalaga na ang pamahalaan ng isang undersecretary for quarantine services.
Dapat aniya ay mayroon itong military at medical background, bukod sa may kaalaman sa lawak at mabilis na pagkalat ng impeksyon at kakayahang manduhan ang mga awtoridad na siyang tumitiyak sa pagsunod ng publiko sa quarantine.
Maliban dito, inirekomenda din nito ang pagtatalaga ng international quarantine port para sa mga seafarers sa Corregidor na may military hospital at red cross movement. Ulat mula kay —Jill Resontoc (Patrol 7)
Inihirit ni Dating Department of Health (DOH ) Sec. Manuel Dayrit sa gobyerno na i-modernize ang disease surveillance capacity ng buong bansa bilang short-term response sa coronavirus disease 2019 (COVID-19).
Sa teleconference meeting ng house defeat COVID-19 committee, ipinaliwanag ni Dayrit ang kaibahan ng sars at COVID-19infection.
Paliwanag ng dating health official, mas mapanganib at mas mabilis ang pagkalat ng COVID-19 kumpara sa sars.
Noong panahon aniya ng sars ay naging epektibo ang pagtugon ng DOH dito dahil sa maagang pag-detect sa mga kaso sa pamamagitan ng contact tracing at agad na isolation sa mga naimpeksyon.
Tinatayang 4,000 bilanggo ang pansamantalang palalayain sa Colombia sa harap ng banta ng coronavirus disease 2019 (COVID-19).
Ayon kay Justice Minister Margarita Cabello, mangyayari ang pagpapalaya sa mga preso sa mga susunod na araw.
Nabatid na dalawang bilanggo ang nasawi dahil sa COVID-19 matapos pakawalan sa lungsod ng Villavicencio habang 13 iba pa mula sa bilangguan ang dinapuan din ng naturang sakit.