Hindi naitago ni Rafael Nadal ang pagkadismaya dahil sa kaliwa’t kanang lockdowns dulot ng coronavirus pandemic.
Ginawa ni Nadal ang pahayag matapos i-extend ng Spanish Government ang idineklara nitong ‘State of Alarm’ hanggang Mayo 9.
Ayon kay Nadal, hindi siya sanay na lagi lamang siya nananatili sa bahay at kahit konting praktis ay hindi niya magawa.
Samantala, masaya namang ibinalita ni Roger Federer sa kanyang mga tagahanga na patuloy siyang nagpapagaling matapos sumalang sa knee surgery.
Naglabas si Ogie Alcasid ng bagong worship song upang ma-inspire ang lahat sa gitna ng nararanasang coronavirus disease 2019 (COVID-19) crisis ng buong mundo.
Pinamagatang “Live for Jesus,” tampok din sa kantang ito sina Regine Velasquez, Jaya at Gary Gotidoc.
Sinasabing umugot ng inspirasyon si Alcasid mula sa bible verse 2 Corinthians 12:9 kaya nabuo ang naturang awitin.
Naglunsad ng tele-consult hotline ang lokal na pamahalaan ng Malabon City.
Sa pamamagitan ng “telekonsulta,” puwedeng idulog sa hotline ang ilang medical matters gaya ng check-up, reseta sa gamot, at iba pang uri ng konsultasyon.
Ayon kay Malabon City Health Office Head Bobby Romero, doktor mismo ang makakausap ng mga tatawag na residente.
Nabatid na pinapadala na lang sa pamamagitan ng viber ang mga reseta ng doktor.
Masaya naman ang mga taga-Malabon dahil na hindi na nila kailangan pang lumabas ng bahay para magtungo sa health center o ospital.
Kasalukuyang naglalayag ang dalawang US warships sa South China Sea, malapit sa pinangyarihan ng standoff sa pagitan ng China at Malaysia.
Ayon kay US Indo-Pacific Command Spokeswoman Nicole Schwegman, naka-deploy ang U.S.S. America amphibious assault ship at ang USS bunker hill sa rehiyon para mapanatili ang ‘freedom of navigation’ at ‘overflight’.
Sinasabing noong nakalipas na linggo ay namataan ang Chinese ship na ‘Haiyang Dizhi 8’ habang nagsasagawa ng research malapit sa exploration vessel ng petronas oil company ng malaysia.
Matatandaang nanawagan sa China ang Amerika na itigil na ang pambu-bully habang nakatutok ang maraming bansa coronavirus pandemic.
Hindi na dapat alalahanin ng mga guro ang kanilang loan payments habang nagpapatuloy ang lockdown dahil sa coronavirus disease 2019 (COVID-19) pandemic.
Ito, ayon sa Department of Education (DepEd), ay dahil nakipagkasundo na ito sa mga public o private lenders para sa pagpapalawig ng pagbabayad ng loan ng mga titser.
Sa isang virtual presser, ipinaliwanag ni Education Undersecretary Annalyn Sevilla na kung ang loan ay naka-encode naman sa kanilang database o salary payroll database ay sila na mismo ang mag-e-extend ng loan term nito.
Inaabangan na ng mga fans ang online birthday concert ni Regine Velasquez sa darating na weekend.
Sa kanyang instagram page, binanggit ni Velasquez na makakasama niya rin sa konsiyerto si Lea Salonga sa Aabado, Abril 25.
Tampok din sa virtual show ang anak nina Velasquez at Ogie Alcacid na si Nate Alcacid.
Nabatid na ang makakalap na donasyon sa concert ay mapupunta sa bantay bata program ng kapamilya network.
Tinatayang 47 katao ang nasawi sa panibagong karahasan sa ilang lugar sa Katsina, Nigeria.
Ayon kay Police Spokesman Gambo Isah, aabot sa 300 mga armadong lalaki ang nagsagawa ng serye ng mga pag-atake sa magkahiwalay na lugar.
Agad namang nag-deploy ng security forces sa iba’t ibang panig ng Katsina upang madakip sa lalong madaling panahon ang mga salarin.
Una rito, nanawagan umano ang mga bandido sa gobyerno na mamahagi ng food items at relief materials sa mga residenteng apektado ng lockdown dulot ng coronavirus disease 2019 (COVID-19) crisis.
Gumagaling na ang injury sa paa ni San Miguel Center June Mar Fajardo na natamo niya noong Pebrero ng taong kasalukuyan.
Katunayan, ayon kay Fajardo, inaasahang makakalakad na siya sa susunod na buwan nang walang crutches o saklay.
Matatandaang nagka-injury sa paa si Fajardo habang nagpa-practice kasama ang team noong Pebrero 3 at makaraan ang isang araw ay inoperahan siya.
Inaasahan naman na hindi na siya makakalaro sa buong season ng PBA na pansamantalang itinigil dahil sa coronavirus pandemic.
Nagpapagaling na at stable na ngayon ang kondisyon ng mister ni Jaya na si Gary Gotidoc matapos magkaroon ng mild stroke noong nakaraang linggo.
Sa isang Instagram post, binanggit ni Jaya na nagpapasalamat siya sa diyos sa paggaling ng kanyang mister nang ma-ospital ito ng tatlong araw.
Sinasabing si Jaya ay halos 14 na taon nang kasal kay Gotidoc.
Nakalabas na ng ospital ang kapamilya actress Sylvia Sanchez matapos mag-negatibo sa coronavirus disease 2019 (COVID-19).
Gayunman, sa isang Facebook post, binanggit ni sanchez na mananatili pa sa pagamutan ng dalawa o tatlong araw ang kanyang mister na si art atayde para sumalang sa isa pang test.
Muli namang nagpasalamat si Sanchez sa lahat ng mga frontliners na nag-alaga sa kanila, gayundin sa mga nagdasal para sa kanilang agarang paggaling.