Gilbert Perdez

Nagkasa ng ‘modified lockdown’ sa isang barangay sa  Muntinlupa City matapos umanong ilipat sa New Bilibid Prison (NBP) ang 18 inmates ng Correctional Institute for Women na nagpositibo sa coronavirus disease 2019 (COVID-19).

Sinasabing ipinag-utos ni Brgy. Poblacion Capt. Allen Ampaya ang pagpapatupad nito sa kanilang barangay simula ngayong araw, Abril 23.

Sa ilalim ng ‘modified lockdown’, pinapayagan lamang ang mga residente ng Poblacion na bumili ng essential goods mula 6:00 a.m. ng umaga hanggang 12:00 nn ng tanghali.

Samantala, ang City Public Market naman sa Alabang at iba pang supermarkets ay bukas mula 6:00 a.m. ng umaga hanggang 6:00 p.m. ng gabi.

Ikinukonsidera  ng lokal na pamahalaan ng Muntinlupa ang pagpapatupad ng ‘pocket lockdown’ sa mga lugar na may mga kompirmado o mataas na bilang ng mga kaso ng coronavirus disease (COVID-19).

Ayon kay Mayor Jaime Fresnedi, sisimulan na ang mas mahigpit na implementasyon ng quarantine measures bunsod ng patuloy na pagtaas ng bilang ng mga COVID-19 cases sa lungsod.

“It has become evident that curfew hours are not effective deterrent for the public to stay at home. I have instructed barangay chairmen to coordinate with PNP Muntinlupa to look into imposing pocket lockdown in their respective areas. Upon their assessment, they can implement tougher quarantine measures to reduce the risks of transmission in their barangays,” ani Fresnedi.

Dahil dito, nanawagan si Fresnedi sa mga Muntinlupeños na huwag nang lumabas ng bahay kung hindi naman kailangan at sumunod sa mga pinaiiral na lockdown protocols.

Sa ngayon, nakapagtala na ang Muntinlupa City Health Office ng 129 confirmed cases ng COVID-19 sa lungsod, 18 deaths at 19 recovered cases.

Buhay na buhay pa rin ngayon ang bayanihan spirit sa gitna ng nararanasang krisis pangkalusugan ng buong mundo dahil sa coronavirus disease 2019 (COVID-19)

Kabilang sa mga kompanyang aktibo sa pagtulong ay ang Jollibee Group na nag-donate ng P220-M na halaga ng pagkain para sa mga frontliners at mga pamilyang lubhang apektado ng pandemic.

Sinasabing ang isang daang milyong piso ay inilaan para sa mga bayaning frontliners tulad ng healthcare workers, on-ground checkpoint personnel, at media na tumanggap ng food packs mula Jollibee, Chowking, Mang Inasal, Greenwich, Red Ribbon, Burger King, Panda Express, At Pho24 na kasama sa Jollibee Group.

Nakipagtulungan din ito sa iba’t ibang organisasyon at mga lokal na pamahalaan para sa mas mabilis na pamamahagi ng pagkain na nagkakahalaga ng P120-M sa mga pamilyang mas lubhang nahihirapan sa panahon ngayon.

Ayon sa Jollibee Group, inilunsad nito ang ‘project ugnayan’ bilang kaakibat ng gobyerno sa paghahatid ng tulong sa pamamagitan ng paglalaan ng pondo para sa mga apektado ng krisis.