Ipinagtanggol ni veteran basketball coach Chot Reyes si dating Ateneo Blue Eagles head coach Tab Baldwin.
Ayon kay Reyes, na dati na ring naging head coach ng Ateneo, nagkakaroon umano sila nina Baldwin ng pag-uusap, at may mga pagkakataon pa na nakakatrabaho nila ang isa’t isa; kaya naniniwala siyang isang magaling na coach si Baldwin.
Kabilang anya sa mga pagkakataong nagka-trabaho sila ni Baldwin ang makasaysayang panalo ng Gilas Pilipinas noong 2013 FIBA Asian Championships, na naging daan para makatungtong ang bansa sa FIBA World Cup.
Nanawagan din si Reyes na unti-unti nawang maghilom ang publiko sa pagkamatay ng mga basketbolista ng Ateneo na sina Rene Baterbonia at Divine Adili; at tigilan na ang pagkakalat ng mga spekulasyon kaugnay sa kanilang pagkamatay. — Sa panulat ni Anjo Riñon
