Gilbert Perdez

Nakaambang tumaas ang presyo ng liquefied petroleum gas (LPG) ng Petron.

Ayon sa kompanya, magpapatupad ito ng P5.80 na taas-presyo sa kada kilo ng LPG simula bukas, Mayo 1.

Nasa P3.25 naman ang itataas sa halaga ng kada litro ng auto-LPG ng naturang petroleum company.

Pumalo sa 1,043 ng mga nakarekober mula sa coronavirus disease 2019 (COVID-19) sa Pilipinas.

Ayon sa pinakahuling update mula sa Department of Health (DOH), bunga ito panibagong 20 recoveries na kanilang naitala.

Umakyat naman sa 8,488 ang bilang ng mga tinamaan ng COVID-19 sa bansa bunsod ng naitalang 276 new infections.

Samantala, pumalo na sa 568 ang bilang ng mga nasawi dahil sa 10 pasyente na nadagdag sa listahan ng DOH.

Bida ang saya at malasakit sa panahon ng krisis.

Ito ang muling pinatunayan ng Jollibee Group makaraang mamahagi ng pagkain para sa mga manggagawa, tulad ng media personnel at health workers, na nasa frontline ng laban sa sakit na coronavirus disease 2019 (COVID-19) sa bansa.

Ayon sa Jollibee Group Foundation, ginagawa ang pamamahagi ng donasyon sa ilalim ng kanilang FoodAid Program at Project Ugnayan na nagkakahalaga ng P220-M.

Ang laman ng mga food packs ay mga produkto mula sa mga nasa Jollibee Group na kinabibilangan ng Jollibee, Mang Inasal, Chowking, Red Ribbon, Greenwich Barkada, Panda Express, PHO24, at Burger King.

Sinasabing nakikipagtulungan din ang kompanya sa mga lokal na pamahalaan, pribado at pampublikong organisasyon upang magkaroon ng maayos na distribusyon sa mga pagkain para sa mga frontliners, gayundin sa mga sektor na pinaka-apektado ng COVID-19 outbreak.