Author

Gilbert Perdez

DWIZ 882

122 curfew violators dinampot sa Antique

Aabot sa 122 katao ang dinampot ng mga awtoridad dahil sa paglabag sa curfew hours sa Antique.

Ayon kay Lt. Col. Norby Escobar, Deputy Director for Operations ng Antique Provincial Police Office (APPO), bawal lumabas ng bahay ang mga residente sa lalawigan mula alas-8:00 ng gabi hanggang alas-5:00 ng umaga.

Unang ikinasa ang curfew kasabay ng Enhanced Community Quarantine (ECQ) pero ipinagpatuloy ito kahit pa ibinaba na sa general community quarantine (GCQ) ang sitwasyon sa lalawigan mula noong Mayo 16.

Samantala, nilinaw naman ni Antique Governor Rhodora Cadiao na ‘exempted’ sa ordinansa ang mga Authorized Persons Outside of Residence (APOR).

May 21, 2020 0 comment

HEADLINES

8 brgy. officials sa Leyte kinasuhan dahil sa cash aid anomalya

written by Gilbert Perdez

Sinampahan na ng mga kasong kriminal ng Philippine National Police-Criminal Investigation and Detection Group (PNP-CIDG) ang dalawang barangay captains at anim na iba pang local officials dahil sa umano’y anomalya sa distribusyon ng emergency cash subsidy.

Ayon kay Col. Reynante Panay, CIDG Eastern Visayas director, mga kasong paglabag sa Anti-Graft and Corruption Practices Act at Bayanihan to Heal as One Act ang inihain laban sa chairman, apat na konsehal, secretary at treasurer ng Brgy. Nati, Maasin City, Southern Leyte.

Sinasabing nanghingi ang mga barangay officials ng P1,500 na donasyon mula sa mga benepisyaryo ng cash aid sa ilalim ng Social Amelioration Program (SAP) ng Department of Social Welfare of Development (DSWD).

Una rito, sinampahan ng kasong paglabag sa Code of Ethical Standards for Public Officials and Employees ang tserman ng Brgy. Jordan sa Palompon, Leyte matapos mabunyag na binawasan nito ng P1,000 ang emergency cash subsidy ng bawat beneficiaries para ipamigay sa mga hindi nakatanggap nito.

May 21, 2020 0 comment

HEADLINES INTERNATIONAL NEWS

Mga gumaling sa COVID-19 sa bansa umakyat na sa 3,000

written by Gilbert Perdez

Umakyat na sa 3,000 ang bilang ng mga gumaling mula sa coronavirus disease 2019 (COVID-19) sa bansa.

Ito’y makaraang makapagtala ang Department of Health (DOH) ng 68 na bagong recoveries sa nakalipas na 24 oras.

Ayon sa Department of Helath (DOH), sumampa naman sa 13,434 ang bilang ng mga tinamaan ng COVID-19 sa bansa bunsod ng 213 na bagong kaso.

Sa bilang na ito, 98 ang nadagdag sa National Capital Region (NCR), 98 sa Region 7 at 17 naman sa iba’t ibang rehiyon sa bansa.

Samantala, 846 na ang mga nasawi dahil sa coronavirus matapos pumanaw ang apat pang pasyente.

May 21, 2020 0 comment

HEADLINES

Deployment ban sa mga health workers hiniling na mapawalang bisa

written by Gilbert Perdez

Muling nanawagan kay Pangulong Rodrigo Duterte ang isang grupo ng mga nurses na alisin na ang deployment ban sa mga umaalis na health workers.

Ayon kay Leah Primitiva Samaco-Paquiz, founding president ng ANG NARS Inc., nakakaranas umano ng “systemic oppression” ang mga manggagawa sa kanilang hanay kaya’t mas gusto nilang magtrabaho sa ibang bansa.

Naniniwala rin si Samaco-Paquiz na mas napoprotektahan ang mga Filipino health workers sa ibayong dagat kaysa sa Pilipinas sa kabila ng COVID-19 pandemic.

Dagdag pa ng grupo, dapat bigyan ng mataas na sahod at benepisyo ang mga duktor at nurse upang hindi mapilitang umalis ng bansa ang mga ito.

May 20, 2020 0 comment

HEADLINES NATIONAL NEWS

Bilang ng kaso ng COVID-19 sa bansa mahigit 13-K na —DOH

written by Gilbert Perdez

Sumampa na sa 13,221 ang kabuuang bilang ng mga dinapuan ng coronavirus disease 2019 (COVID-19) sa Pilipinas.

Ito’y makaraang makapagtala ang Department of Health (DOH) ng 279 na bagong impeksiyon nitong nakalipas na 24 oras.

Sinasabing sa bilang na ito, 150 ang nagdagdag sa National Capital Region (NCR), 14 sa Region 7, at 115 naman mula sa iba’t ibang rehiyon.

Samantala, nasa 2,932 na ngayon ang bilang ng mga gumaling sa sakit bunsod ng panibagong 89 recoveries.

Kaugnay pa rin nito, umakyat na sa 842 ang bilang ng mga nasawi dahil sa COVID-19 bunsod ng walo pang pasyente na nadagdag sa naturang listahan.

May 20, 2020 0 comment

SPORTS

Pagbabalik ng NBA season pinag-aaralan pa rin

written by Gilbert Perdez

Maglalabas na ng desisyon ang National Basketball Association (NBA) dalawa hanggang apat na linggo mula ngayon kung itutuloy ang naudlot na 2019-2020 NBA season.

Ayon kay NBA commissioner Adam Silver, pinag-aaralan pa nila ang coronavirus outbreak at testing developments kung saan pagkatapos nito ay saka pa lamang sila gagawa ng pasya sa posibleng pagbabalik ng kompetisyon.

Bago ang naglabas ng statement ang NBA ay nagsagawa muna ng conference call si Silver at ang mga club owners ukol sa naturang usapin.

May 15, 2020 0 comment

INTERNATIONAL NEWS

Ilang Houthi fighters patay sa sagupaan sa Yemen

written by Gilbert Perdez

Patay ang ilang Houthi fighters matapos umanong makasagupa ang mga tropa ng pamahalaan ng Yemen.

Ayon sa Yemeni army, bukod sa mga nasawi, may mga sugatan ding rebelde sa engkwentro sa al-Bayda governorate.

Sinasabing naganap ang bakbakan matapos i-ulat ni United Nations Yemen envoy Martin Griffiths sa UN Security Council (UNSC) na nagkakaroon na ng magandang resulta ang inilalatag na ceasefire agreement ng magkabilang panig.

Wala pang inilabas na opisyal na pahayag ang Houthis hinggil sa naturang usapin.

May 15, 2020 0 comment

HEADLINES NATIONAL NEWS

Bagyong Ambo humina, naging tropical storm

written by Gilbert Perdez

Humina ang Bagyong Ambo at naging severe tropical storm habang tinutumbok ang Northern Quezon-Laguna area.

Ayon sa Philippine Atmospheric, Geophysical and Astronomical Services Administration (PAGASA), huling namataan ang sentro ng bagyo sa bisinidad ng Agdangan, Quezon.

Kumikilos ito pa-hilagang kanluran sa bilis na 20 kilometro kada oras.

Taglay nito ang lakas ng hanging aabot sa 110 kilometro bawat oras malapit sa gitna at may pagbugsong papalo sa 150 kilometro kada oras.

Patuloy na makakaranas ng mahina hanggang sa malakas na pag-ulan ang Bicol Region, Quezon, Aurora, Marinduque, Laguna, Rizal, Metro Manila, Bulacan, Nueva Ecija, Nueva Vizcaya, at Quirino.

May 15, 2020 0 comment

HEADLINES NATIONAL NEWS

COVID -19 cases sa PH umakyat na sa 12,091

written by Gilbert Perdez

Umakyat na sa 12,091 ang kabuuang bilang ng mga tinamaan ng coronavirus disease 2019 (COVID-19) sa Pilipinas.

Ito’y makaraang makapagtala ang Department of Health (DOH) ng 215 na bagong impeksiyon nitong nakalipas na 24 oras.

Sa nabanggit na bilang, 144 ang nagdagdag sa National Capital Region (NCR), dalawa sa Region 7, at 69 naman mula sa iba’t ibang rehiyon.

Pumalo na rin sa 2,460 ang bilang ng mga gumaling sa sakit bunsod ng panibagong 123 recoveries.

Samantala, umabot na sa 806 ang bilang ng mga pumanaw dahil sa COVID-19 dahil sa 16 pang pasyente ang iginupo ng naturang sakit.

May 15, 2020 0 comment

ENTERTAINMENT

Allan K nagluluksa sa pagpanaw ng kanyang kapatid na lalaki

written by Gilbert Perdez

Nagluluksa ngayon ang comedian-host na si Allan K matapos pumanaw ang kanyang nakababatang kapatid na lalaki.

Sa isang Instagram post, ibinalita ni Allan K ang sinapit ng kanyang kapatid pero hindi niya binanggit kung anong ikinamatay nito.

Agad namang nagparating ng kanilang pakikiramay sa TV host ang kanyang mga kaibigan, fans, at followers.

May 15, 2020 0 comment

Newer Posts

Older Posts