Pinaratangan ng Estados Unidos ang ISIS o Islamic State na siyang umatake sa isang maternity ward sa Afghanistan na ikinamatay ng 24 katao, kabilang ang dalawang sanggol.
Ayon kay US Special Representative Zalmay Khalilzad, halatang ang ISIL ang responsable dito at hindi ang Taliban dahil tutol ito sa anumang peace agreement.
Matatandaang inilagay ni Afghan President Ashraf Ghani sa “offensive mode” ang militar laban sa Taliban kasunod ng nangyaring karahasan sa ospital.
Aminado si Kai Sotto na excited na siyang sumabak sa G League.
Ngunit, ayon sa Filipino teenager, alam niyang may mga hamon na nag-aabang sa kanya sa tatahakin niyang landas patungo sa pangarap na mapasok ang NBA.
Sa kanyang social media accounts, kinumpirma ng batang manlalaro na isinantabi niya ang mga alok ng ilang koponan sa NCAA para maabot ang kanyang NBA dream.
Bagama’t 18-anyos pa lamang, si Sotto ay mayroon nang 7-foot-2 na height at tumitimbang ng 229 pounds.
Inalis na ang state of emergency na ipinatutupad sa maraming lugar sa Japan dahil sa coronavirus outbreak.
Gayunman, mananatili ito sa Tokyo, at Osaka.
Matatandaang idineklara ni Prime Minister Shinzo Abe ang isang buwang state of emergency noong Abril 7 sa kabisera ng Japan at maging sa ilang urban prefectures hanggang sa ipatupad ito sa buong bansa hanggang Mayo 31.
Giit ni Osaka, kumokonti na rin naman ang mga nagkakaroon ng COVID-19 sa kanilang bansa at kailangan ding umusad ang ekonomiya kaya’t tinanggal ang emergency measure.
Unti-unti nang nagpaparamdam sa Eastern Visayas ang bagyong Ambo.
Ayon sa Philippine Atmospheric, Geophysical and Astronomical Services Administration (PAGASA), huling namataan ang mata ng bagyo sa layong 140 kilometro silangan timog silangan ng Catarman, Northern Samar.
Kabilang sa mga naapektuhan ay ang Eastern Samar, Leyte, Northern Samar, Southern Leyte, Samar at Biliran.
Dahil dito, pinapayuhan ang mga nakatira malapit sa mga ilog sa mga nasabing lugar at maging sa mga low-lying areas na mag-ingat o iwasan ang pagtawid o pamamalagi sa tabi ng ilog dahil ito ay mapanganib.
Samantala, pinapayuhan din ang mga local disaster risk reduction and management councils sa mga apektadong lugar na maging alerto sa posibleng biglaang pagbaha at pagguho ng lupa.
Inanunsiyo ni Lea Salonga na hindi na matutuloy ang kanyang North American tour ngayong taon.
Ngunit nangako si Lea sa kanyang mga fans na magbabalik siya sa 2021.
Matatandaang naudlot ang tour ni Lea noong Marso bunsod ng COVID-19 pandemic.
Sa kabila nito, tiniyak naman ni Lea sa kanyang mga tagahanga na matutuloy din ang kanyang concert tour sa hilagang Amerika sa susunod na taon.
Patay ang 24 katao, kabilang ang dalawang sanggol, matapos pasukin ng mga armadong lalaki ang isang maternity hospital sa Kabul, Afghanistan.
Ayon sa Ministry of Interior Affairs, bukod sa mga bagong luwal na bata, nasawi rin ang kanilang mga nanay at ilang nurse.
Pahayag naman ni Interior ministry spokesman Tareq Arian, agad na inilikas mula sa ospital ang ilang bagong panganak na ina at mga sanggol.
Sa paunang imbestigasyon, tatlong armadong lalaki ang pumasok sa ospital habang nakasuot ng police uniforms bago naghagis ng mga granada at namaril.
Nakatanggap umano ng formal offers si Kai Sotto mula sa mga NCAA Division 1 universities at colleges.
Gayunman, tinanggihan ito ni Sotto dahil mas gusto niyang sumabak sa NBA G League.
Sa isang conference call, kinumpirma ng manager ni Sotto na si Patty Scott na nakapagpasya na ang Pinoy basketball player na pumasok sa G League upang maabot niya ang kanyang pangarap na makarating sa NBA.
Papayagan na ng gobyerno ang ilang non-contact sports tulad ng golf, tennis at cycling sa mga lugar na nasa ilalim ng modified enhanced at general community quarantine.
Ayon kay coronavirus task force member at defense Secretary Delfin Lorenzana, ang importante ay masunod pa rin ang physical distancing protocols sa mga nabanggit na sports.
Itinuturing pa ring “high risk” areas ang Metro Manila, Cebu City, at Laguna kaya’t simula sa Mayo 16 ay ilalagay na ito sa modified ECQ.
Patay ang anim na raliyista matapos sumiklab ang karahasan sa ikinasa nilang kilos-protesta sa Guinea, West Africa.
Ayon kay police spokesman Mory Kaba, pinasok ng mga nagra-rally ang road barriers na inilatag nila upang makontrol ang daloy ng trapiko sa lugar.
Naging dahilan ito upang maka-engkwentro ng mga raliyista ang security forces at dito na nasawi ang anim sa mga ito.
Sinasabing binabatikos ng mga militante ang talamak na katiwalian at harassment na umano’y ginagawa ng mga awtoridad.
Umabot na sa 11,618 ang bilang ng mga dinapuan ng coronavirus disease (COVID-19) sa Pilipinas matapos makapagtala ang Department of Health (DOH) ng 268 na bagong kaso nitong nakalipas na 24 oras.
Sinasabing sa bilang na ito, 165 ang nadagdag sa National Capital Region (NCR), 58 sa Region 7 at 45 naman mula sa iba pang mga rehiyon.
Samantala, pumalo na sa 2,251 ang bilang ng mga gumaling mula sa COVID-19 bunsod ng 145 na bagong recoveries.
Ayon sa DOH, nasa 772 na ang mga nasawi kasunod ng 21 na bagong insidente ng pagkamatay na naitala ng ahensya.