Author

Gilbert Perdez

DWIZ 882

DOE, NEA pinaghahanda vs. ‘Ambo’

Dapat na maghanda ng contingency measure ang Department of Energy (DOE) at National Electification Administration (NEA) ngayong lumakas at naging tropical storm si ‘Ambo’, ang kauna-unahang bagyo na pumasok sa bansa ngayong taon.

Ito ang panawagan ni senate committee on energy chairman, Sen. Sherwin Gatchalian makaraang igiit na nakaranas ng power outages ang ilang lugar sa Metro Manila sa kabila ng paniniyak ng Meralco na stable ang power grid at may sapat na supply ng kuryente ngayong summer.

Ayon kay Gatchalian, dapat gumawa ng kaukulang contingency plans ang DOE at NEA para mapigilan ang anumang posibleng brownout sa panahon ng pagragasa ng bagyo.

Maaari aniyang maglagay ng naka-standby na emergency response organization ang Meralco para may agarang makakaresponde kung kinakailangan.

Ang Bagyong Ambo ay inaasahang papasok sa Bicol region, Southern Luzon, Central Luzon at Metro Manila. — ulat mula kay Cely Ortega-Bueno (Patrol 19)

May 13, 2020 0 comment

ENTERTAINMENT

Matteo Guidicelli naglunsad ng online talent show

written by Gilbert Perdez

Naglunsad ng isang online talent show si Matteo Guidicelli na naglalayong makatuklas ng mga bagong idolo sa entertainment industry.

Ang “The Pop Stage” ay ipapalabas sa official Facebook page ni Guidicelli, katuwang ang Popeyes at Viva Artists Agency.

Sa isang virtual press conference, binanggit ni Guidicelli na itatampok sa kompetisyon ang talento at ang pagiging malikhain ng mga Pilipino.

Ang mga grupo o indibidwal na may edad 13 hanggang 25 taong gulang ay maaaring sumali sa “The Pop Stage” sa pamamagitan nang pagbisita sa www.thepopstage.ph at i-send ang kanilang audition piece hanggang Mayo 27.

Ang tatanghaling kampeon ng “The Pop Stage” ay makatatanggap ng P1 milyon na cash at one-year contract sa Viva Artists Agency.

May 13, 2020 0 comment

INTERNATIONAL NEWS

Sumo wrestler sa Japan iginupo ng COVID-19

written by Gilbert Perdez

Pumanaw na ang isang 28-anyos na sumo wrestler na dinapuan ng novel coronavirus.

Ayon sa Japan Sumo Association, ang hindi pinangalanang pasyente ay ang kauna-unahang sumo wrestler na nasawi dahil sa virus.

Ang wrestler ay sinasabing isinugod sa isang ospital na Tokyo noong nakaraang buwan at pumanaw ngayong araw lamang dahil sa multiple organ failure na may kaugnayan sa COVID-19.

May 13, 2020 0 comment

INTERNATIONAL NEWS

Total lockdown ikinasa sa Lebanon

written by Gilbert Perdez

Kasado na ang apat na araw nationwide lockdown sa Lebanon.

Ayon kay Prime Minister Hassan Diab, ito’y bunga ng pagtaas ng bilang ng mga tinamaan ng coronavirus disease (COVID-19) sa kanilang bansa.

Sinasabing umakyat na sa 870 ang mga kumpirmadong kaso ng COVID-19 doon.

Una nang nagpatupad ng five-phased plan ang Lebanon matapos mapapaba ang bilang ng mga confirmed cases pero kinailangang magpatupad muli ng total lockdown bunsod ng second wave ng outbreak.

May 13, 2020 0 comment

HEADLINES NATIONAL NEWS

Mungkahing mag-hire ng maraming contact tracers kontra sa pagkalat ng COVID-19 pinuri

written by Gilbert Perdez

Isa si Finance Secretary Carlos Dominguez III sa ilang cabinet members na ‘sensible’ o marunong at makatwiran kung mag-isip.

Ito ang inihayag ni Sen. Panfilo Lacson makaraang imungkahi ni Dominguez ang pagha-hire ng maraming contact tracers.

Sinasabing layunin nito na mapaigting ang pagsisikap na mapigil ang pagkalat ng COVID-19 at mabigyan ng trabaho ang nakararami na siguradong makakatulong sa ekonomiya.

Paliwanag ni Lacson, ang contact tracing ay unang hakbang laban sa banta ng COVID dahil ito ang tutukoy kung sino ang mga dapat mapasama sa mass testing na posibleng may taglay o maaring magkalat ng virus.

Diin ni Lacson, kung hindi mapagbubuti ang hakbang na ito ay hindi magiging epektibo ang mass testing ng pamahalaan.

May 12, 2020 0 comment

NATIONAL NEWS

Isinusulong na CITIRA law hati ang pananaw ng mga senador

written by Gilbert Perdez

Hati ang mga senador pagdating sa panukalang corporate income tax and incentives rationalization act (CITIRA).

Ito’y makaraang kuwestiyunin ni Senate Minority Floorleader Franklin Drilon kung may sapat na panahon pa ba sila para pagdebatehan, amiyendahan, ipasa at mag-bicameral conference committee hearing para sa nabanggit na tax reform measure.

Aniya, anim na session days na lang ang natitira bago sila mag-adjourn sine sa unang linggo ng Hunyo.

Sinabi naman ni Senate Pres. Pro Tempore Ralph Recto na malamang maiiba na ang bersiyon ng CITIRA na kanilang ipapasa matapos ang naging impact ng COVID pandemic sa mga negosyo.

May 12, 2020 0 comment

HEADLINES NATIONAL NEWS

Panukalang batas na awtomatikong magbibigay ng provisional license sa mga radio stations isinusulong

written by Gilbert Perdez

Naghain si Sen. Lito Lapid ng panukalang batas na naglalayong awtomatikong bigyan ng provisional license ang mga radio stations na may nakabinbing aplikasyon para sa franchise renewal sa kongreso.

Sinasabing itinulak ni Lapid ang Senate Bill 1522 upang huwag nang maulit ang nangyari na pagpapasara sa ABS-CBN.

Sa nabanggit na bill, aamiyendahan ang Republic Act Number 3846 o ang batas na nagre-regulate sa mga radio stations at radio communications sa bansa.

Nakasaad sa panukalang batas na ito na ang legislative franchise ng isang radio station ay ikukunsiderang ‘provisionally renewed’ oras na makapagsumite na ito sa kongreso ng balidong aplikasyon para sa franchise renewal.

May 12, 2020 0 comment

SPORTS

Young players, malabong makapasok sa World Cup Team—Guiao

written by Gilbert Perdez

Malabong makapasok ang mga batang manlalaro sa Gilas Pilipinas line-up na sasabak sa World Cup.

Paliwanag ni dating national team coach Yeng Guiao, kailangan pa rin kasi ng koponan ng mga players mula sa Philippine Basketball Association (PBA).

Sinasabing naghahanap na ngayon ang Samahang Basketbol ng Pilipinas (SBP) ng grupo ng mga batang manlalaro para maisama sa koponan na isasalang para sa 2023 FIBA World Cup.

Matatandaang inilahok ni Guiao sa kanyang World Cup team sina PBA rookies CJ Perez at Robert Bolick noong nakaraang taon.

May 12, 2020 0 comment

ENTERTAINMENT

Gitara ng yumaong Nirvana singer, ipinapa-auction sa halagang $1-M

written by Gilbert Perdez

Ipinapa-Auction ngayon ang gitara ni Nirvana lead singer Kurt Cobain na ginamit niya sa kanyang legendary MTV Unplugged performance.

Ang retro acoustic-electric guitar ni Cobain ay gawa noon pang 1959 at naging instrumento niya sa kanyang matagumpay na performance sa New York kung saan.

Ilang buwan matapos iyon o noong April 5, 1994 ay pumanaw si Cobain sa edad na 27.

Sinasabing umarangkada na ang bidding sa halagang isang milyong dolyar.

Samantala, ibinebenta rin ang ilang Cobain memorabilia na kinabibilangan ng isang basag na Fender Stratocaster guitar na ginamit naman ni Cobain noong 1994.

May 12, 2020 0 comment

HEADLINES NATIONAL NEWS

Kaso ng COVID-19 sa bansa nadagdagan ng 264 — DOH

written by Gilbert Perdez

Nadagdagan pa ng 264 ang bilang ng mga tinamaan ng coronavirus disease (COVID-19) sa Pilipinas.

Sa pinakahuling report ng Department of Health (DOH), nagkaroon ng 165 na mga bagong kaso sa Metro Manila o National Capital Region (NCR), 74 sa Region 7 habang 25 mula sa iba pang mga rehiyon.

Dahil dito, umakyat na sa 11,350 ang mga kaso ng COVID-19 sa bansa.

Pumalo na rin sa 751 ang mga nasawi sa coronavirus bunsod ng pagkamatay ng 24 pang pasyente.

Samantala, nakapagtala naman ng 107 new recoveries ang DOH dahilan upang umakyat na sa 2,106 ang bilang ng mga pasyenteng gumaling mula sa naturang sakit.

May 12, 2020 0 comment

Newer Posts

Older Posts