Author

Gilbert Perdez

DWIZ 882

Iranian Warship natamaan sa missile, 19 patay

Patay ang 19 sailors habang sugatan ang 15 iba pa matapos tamaan ng missile na inilunsad ng Iran sa isinagawang training exercises sa Gulf of Oman.

Ayon sa Sandatahang Lakas ng Iran, nagpakawala sila ng missile malapit sa port of Jask pero aksidenteng tinamaan ang kanilang support vessel na ‘Konarak’.

Paliwanag naman ng Iranian media, isinailalim na sa overhaul ang ‘Konarak’ noong 2018 at ilang beses na rin naman itong nakapaglunsad ng sea missiles.

Hindi naman tinukoy kung gaano karami ang crew members na lulan ng warship nang mangyari ang insidente.

May 11, 2020 0 comment

SPORTS

Nat’l games, Batang Pinoy kanselado —PSC

written by Gilbert Perdez

Tuluyan nang kinansela ng Philippine Sports Commission (PSC) ang Philippine National Games (PNG) at Batang Pinoy ngayong taon.

Ayon sa Philippine Sports Commission (PSC), ito’y bunsod ng coronavirus pandemic na naging sanhi rin upang hindi matuloy ang mga sports events.

Bawal pa rin kasi ang mga pampalakasan sa ilalim ng Enhanced Community Quarantine (ECQ) at General Community Quarantine (GCQ).

Hinikayat naman ni PSC chairman William “Butch” Ramirez ang mga atleta na maging aktibo at positibo habang nag-alok din ito ng libreng sports psychologists para sa mga ito.

Samantala, kinansela na rin ng ASEAN Para Sports Federation ang 10th edition ng ASEAN Para Games na iho-host sana ng Pilipinas sa darating na Oktubre.

May 11, 2020 0 comment

HEADLINES

Mga frontliners sa Brgy. Poblacion, Muntinlupa halos ‘di na natutulog

written by Gilbert Perdez

Halos hindi na umano natutulog ang mga frontliners sa isang barangay sa Muntinlupa City.

Sa panayam ng DWIZ Patrol, sinabi ni Barangay Poblacion Deputy chief tanod Leopoldo “Pol” Bernabe na marami rin kasi ang mga pasaway sa kanilang nasasakupan kaya’t hindi sila tumitigil sa ginagawa nilang paghuli sa mga ito.

Aniya, dapat mabigyan ng leksiyon ang mga residente na lumalabag sa mga umiiral na panuntunan ng Enhanced Community Quarantine (ECQ).

Maliban sa pag-iikot sa mga lugar kung saan maraming mga gumagalang pasaway, ayon kay Bernabe, abala rin sila nitong mga nakaraang araw sa pagbabantay sa pamamahagi ng ayuda sa ilalim ng Social Amelioration Program (SAP) ng gobyerno.

Pahayag ni Bernabe, dapat pagsabihan din ng mga magulang ang kanilang mga anak lalo na ang mga nahuhuling lumalabag sa ECQ rules.

Giit niya, responsibilidad ng mga magulang na pasunurin ang kanilang mga menor de edad na anak sa mga alituntunin para na rin sa kaligtasan ng buong pamilya sa gitna ng banta ng coronavirus disease (COVID-19).

“Dapat magsilbi silang magandang ehemplo sa kanilang mga anak sa pagtalima sa ipinatutupad na curfew at quarantine protocols sa aming barangay. Marami rin po kasi kaming nahuhuling mga bata at matatanda na ‘di dapat pagala-gala ngayong panahon ng pandemic,” ani Bernabe sa panayam ng DWIZ.

May 11, 2020 0 comment

HEADLINES NATIONAL NEWS

COVID-19 cases sa bansa 11,086 na

written by Gilbert Perdez

Pumalo na sa 11,086 ang bilang ng mga tinamaan ng coronavirus disease 2019 (COVID-19) sa Pilipinas.

Ito’y batay sa pinakahuling update ng Department of Health (DOH) makaraang makapagtala ito ng 292 na bagong impeksiyon nitong nakalipas na 24 oras.

Samantala, umakyat naman sa 1,999 ang bilang ng mga gumaling mula sa COVID-19 bunga ng 75 na bagong recoveries.

Pahayag ng DOH, 726 na ang mga pasyenteng namatay matapos pumanaw ang pito pang pasyente bunsod ng naturang sakit.

May 11, 2020 0 comment

INTERNATIONAL NEWS

25 labi ng tao natagpuan sa isang mass grave sa Mexico

written by Gilbert Perdez

Nabalot ng takot ang mga residente sa bayan ng El Salto, Mexico matapos matagpuan ang tinatayang 25 labi ng tao na nakabaon sa isang mass grave sa kanilang lugar.

Ayon sa Jalisco state prosecutor’s office, maliban sa mga labi, may lima pang bags ng mga hinihinalang kalansay ang natagpuan sa lugar.

Sa paunang imbestigasyon, binanggit na mga aso ang unang nakakita ng mga buto ng tao sa isang abandonadong sakahan sa El Salto.

Pinaniniwalaang kagagawan ng isang drug cartel ang mga nabanggit na krimen.

May 11, 2020 0 comment

SPORTS

Kevin Durant malabong makalaro sa pagbabalik ng NBA season

written by Gilbert Perdez

Hindi pa rin makakalaro si Brooklyn Nets star Kevin Durant sa posibleng pagbabalik ng NBA season.

Sa ulat ni Adrian Wojnarowski ng ESPN, binanggit na nais ng Nets na hintayin munang maka-recover nang husto ang four-time scoring champion mula sa pinsala sa kanang achilles tendon.

Una rito, sinabi ni Brooklyn general manager Sean Marks na hindi nila inaalis ang posibilidad na isabak si Durant sa pagbabalik ng kampanya ng koponan sa 2019-20 season.

Magugunitang sinuspinde ang mga laro ng NBA noong Marso 11 bunsod ng coronavirus crisis.

May 11, 2020 0 comment

ENTERTAINMENT

Toni Gonzaga balik na sa kanyang hosting job

written by Gilbert Perdez

Balik na sa kanyang hosting job si Toni Gonzaga

Ang bagong show ni Toni ay may pamagat na “I Feel U” at nagsimulang umere sa pamamagitan ng official Facebook pages ng ABS-CBN Films, TFC Online, ABS-CBN Music, at One Music PH.

Itinatampok sa palabas ang mga bagong episodes tuwing linggo na nakatuon sa mga inspiring stories sa gitna ng COVID-19 pandemic.

Sa isang virtual press conference, sinabi ng TV host na nang i-alok sa kanya ang hosting job ay hindi siya nag-atubiling tanggapin ito lalo pa’t nagustuhan naman niya ang konsepto ng programa.

May 11, 2020 0 comment

SPORTS

Casimero magbabalik sa ring sa Hulyo 25

written by Gilbert Perdez

Hanging boxing gloves. Very low key and heavy shadows

Plano umano ng kampo ni Filipino boxing champion John Riel Casimero na ituloy ang kanyang triple world bantamweight title bout kay Naoya “The Monster” Inoue ng Japan sa Hulyo ngayong taon.

Ayon kay MP Promotions president Sean Gibbons, malalaman nila sa susunod na linggo kung matutuloy ito o hindi.

Kasalukuyang nasa Las Vegas si Casimero at hinihintay na lamang nito na matapos ang COVID-19 pandemic para maikasa ang kanilang bakbakan sa ring ni Inoue.

Sinasabing nais sana ni Top Rank Inc. chief promoter Bob Arum na iharap kay Casimero si American Joshua Greer pero hindi umano interesado rito ang kampo ng Pinoy boxing champion.

May 8, 2020 0 comment

INTERNATIONAL NEWS

65 katao patay sa landslides sa East Africa

written by Gilbert Perdez

Kumitil na ng 65 katao ang malawakang pagbaha sa bansang Rwanda sa Silangang Africa.

Ayon sa Ministry of Emergency Management, nagdulot ng mga pagbaha at landslides ang halos walang tigil na pag-ulan doon.

Sinasabing maraming istraktura ang napinsala habang may mga bumigay ding tulay bunsod ng kalamidad.

Kabilang sa mga pinaka-matinding sinalanta ay ang pitong distrito sa naturang bansa.

May 8, 2020 0 comment

HEADLINES NATIONAL NEWS

Mga Pinoy kuntento sa COVID-19 response ng Duterte gov’t —Survey

written by Gilbert Perdez

Halos kalahati sa mga Pilipino ang kuntento sa pagtugon ng Duterte administration sa coronavirus disease 2019 (COVID-19) pandemic.

Batay sa resulta ng isinagawang survey ng Blackbox Research firm at Toluna media company, nakakuha ng 49% satisfaction rating ang gobyerno.

Sinasabing sinukat ito sa pamamagitan ng apat na mahahalagang performance indicators na kinabibilangan ng national political leadership, corporate leadership, community, at media.

Napag-alaman din na mas mataas ang nasungkit na rating ng Pilipinas kumpara sa mga kalapit na bansa sa Timog Silangang Asya tulad ng Indonesia (48 %), Singapore (48 %), at Thailand (36 %).

Samantala, nakuha naman ng China ang pinakamataas na satisfaction rating na 8%, sinundan ng Vietnam na nakakuha ng 77%, at India na nasa 59%.

May 8, 2020 0 comment

Newer Posts

Older Posts