Author

Gilbert Perdez

DWIZ 882

14 katao patay matapos araruhin ng tren sa India

Patay ang 14 katao matapos araruhin ng tren ang isang grupo ng mga migrant workers habang natutulog sa riles sa India.

Sa ulat ng railway ministry, libo-libong tao ang naglalakad pauwi sa kani-kanilang tahanan nang mawalan ng trabaho ang mga manggagawa dahil sa ipinatutupad na lockdown bunsod ng coronavirus pandemic.

Sinasabing nakapagpreno pa ang drayber ng tren nang makita ang mga biktima sa riles pero huli na ang lahat.

Agad na ipinag-utos ni Prime Minister Narendra Modi ang pamamahagi ng tulong sa mga pamilya ng mga biktima.

May 8, 2020 0 comment

HEADLINES NATIONAL NEWS

COVID-19 cases sa bansa umabot nasa 10,463 na

written by Gilbert Perdez

Umabot na sa 10,463 ang bilang ng mga dinapuan ng coronavirus disease (COVID-19) sa Pilipinas.

Ayon sa Department of Health (DOH), ito’y makaraang makapagtala sila ng 120 na bagong impeksiyon.

Kasabay nito, nabatid na sumampa na sa 1,734 ang bilang ng mga gumaling mula sa COVID-19 bunsod ng 116 new recoveries.

Pahayag ng DOH, umakyat naman 696 ang mga pasyenteng namatay bunsod ng 11 new deaths na kanilang naitala nitong nakalipas na 24 oras.

May 8, 2020 0 comment

SPORTS

NBA magsasagawa ng coronavirus conference call

written by Gilbert Perdez

Pangungunahan nina NBA commissioner Adam Silver at players union head Michele Roberts ang isasagawang conference call para maplantsa ang posibleng pagbabalik-aksiyon ng liga.

Sa pamamagitan nito, mabibigyan umano ng pagkakataon ang mga manlalaro na mailatag ang mga nais nilang iparating sa liderato ng NBA sakaling matuloy ito.

Pinapayagan na ngayon ng liga ang pagbubukas ng mga practice facilities para makapagdaos ng limited workouts ang mga basketbolista.

Ayon naman kay Los Angeles Lakers head coach Frank Vogel, hindi nila minamadali ang pagbabalik nila sa kanilang training base dahil baka matagalan pa bago mabuksan muli ang NBA games.

May 8, 2020 0 comment

ENTERTAINMENT

Entertainment industry nagluluksa sa pagpanaw ni Peque Gallaga

written by Gilbert Perdez

Nagluluksa ngayon ang entertainment industry matapos pumanaw ang direktor na si Peque Gallaga sa edad na 76.

Ayon sa kanyang misis na si Madie, nasawi si Gallaga dahil sa cardiopulmonary arrest sa Riverside Medical Center sa Bacolod City.

Kabilang sa mga pelikula ni Gallaga ay ang “Oro, Plata, Mata”, “Magic Temple” at iba pa.

Dahil sa husay ni Gallaga sa kanyang larangan, nakasungkit siya ng parangal sa International Film Festival of Flanders-Ghent sa Belgium noong 1983, isang Special Jury Award sa Manila International Film Festival, at Gawad CCP Para sa Sining noong 2004.

May 8, 2020 0 comment

SPORTS

NBA teams balik training na

written by Gilbert Perdez

Magbabalik training na ang mga NBA teams sa kabila ng coronavirus pandemic.

Gayunman, sinasabing paiiralin pa rin ang matinding restrictions habang nasa loob ng practice facilities ang mga manlalaro at coaching staff.

Bukod dito, obligado rin ang mga players na magsuot ng face mask sa loob ng team facilities, maliban lamang sa mga pagkakataon na kailangan nilang gawin ang physical activity.

Batay sa memorandum na inilabas ng liga, kailangan ding i-disinfect muna ng mga teams ang kanilang mga pasilidad, tulad ng mga equipment bago ipagamit sa mga manlalaro.

May 7, 2020 0 comment

ENTERTAINMENT

Slimmer look ni Adele trending sa Twitter

written by Gilbert Perdez

Makaraan ang matagal na pananahimik sa social media, biglang nag-post ng larawan ang British singer na si Adele kasabay ng pagdiriwang niya ng kanyang ika-32 na kaarawan.

Sa isang post, marami ang nakapansin ng slimmer look ni Adele habang nasa bungad ng kanyang bahay at nakasuot ng black dress.

Nagpapasalamat naman ang singer sa mga frontliners na nangunguna sa laban kontra corona virus disease (COVID-19).

Trending topic naman sa Twitter Philippines ang post na iyon ng Grammy winner.

May 7, 2020 0 comment

INTERNATIONAL NEWS

Trump itinangging may kinalaman siya sa “Operation Gideon”

written by Gilbert Perdez

TRUMP Bilang ng refugees na papasok sa Amerika babawasan simula sa susunod na taon

Pinabulaanan ni United States President Donald Trump na may kinalaman ang US government sa umano’y tangkang pagpapabagsak kay Venezuelan President Nicolas Maduro.

Ginawa ni Trump ang pahayag matapos madakip ang ilang kalalakihan, kabilang ang dalawang dating sundalong Amerikano, na sinasabing bahagi ng operasyon para itumba si Maduro.

Giit ni Trump, hindi pakawala ng kanyang pamahalaan ang mga sinasabing “professional American mercenaries” na nahuli ng Venezuelan authorities.

Una rito, isiniwalat ni dating US Green Beret Jordan Goudreau na siya ang nanguna sa inilunsad na “Operation Gideon” sa Valenzuela kung saan walong ‘suspected attackers’ ang nasawi.

May 6, 2020 0 comment

SPORTS

Curry bibida sa Jr. NBA leadership conference

written by Gilbert Perdez

Lalahok umano si three-time NBA champion Stephen Curry ng Golden State Warriors sa 4th annual Jr. NBA Leadership Conference, kasama sina head coaches Doc Rivers ng LA Clippers at Rick Carlisle ng Dallas Mavericks.

Ang conference na iisponsoran ng isang kompanyang gumagawa ng men’s workout clothes ay gaganapin sa susunod na Biyernes, Mayo 15.

Kabilang din sa mga inaasahang a-attend sina award-winning ESPN analyst Doris Burke, dating US surgeon general Dr. Vivek Murthy, University of South Carolina women’s head coach at Hall of Famer Dawn Staley.

Sinasabing pagsasamahin din sa nabanggit na virtual event ang youth basketball community, maging ang mga mahuhusay na coaches, program administrators, mga magulang at mga manlalaro.

May 6, 2020 0 comment

NATIONAL NEWS

Locsin kinastigo ang NTC, Kongreso ukol sa nangyaring tigil operasyon ng ABS-CBN

written by Gilbert Perdez

Kinastigo ni Department of Foreign Affairs (DFA) Secretary Teodoro Locsin Jr. ang National Telecommunications Commission (NTC) at ang House of Representatives bunsod ng nangyaring tigil-operasyon ng ABS-CBN Corp.

Sa serye ng posts sa Twitter, hayagang sinisi ni Locsin ang NTC, gayundin ang mga mambabatas sa sinapit ng Kapamilya Network.

Giit ni Locsin, gusto man o hindi ng mga kongresista ang isang kompanya, mahalaga pa ring i-prayoridad ang media franchise sa ilalim ng gobyernong nakasentro sa demokrasya.

Matatandaang naging host muna si Locsin ng public affairs program na “Assignment” sa ABS-CBN bago naging mambabatas.

May 6, 2020 0 comment

NATIONAL NEWS

ABS-CBN dapat humirit ng TRO — Ex-Justice Carpio

written by Gilbert Perdez

Walang ibang remedyo ang ABS-CBN Corporation sa ngayon kundi ang humirit ng temporary restraining order (TRO).

Ito ang binigyang diin ni retired Supreme Court Senior Justice Antonio Carpio matapos magpalabas ng cease-and-desist order ang National Telecommunications Commission (NTC) laban sa broadcast network.

Ayon kay Carpio, walang anumang lakas o epekto laban sa batas ang anumang resolusyon na ipapalabas ng mababa at mataas na kapulungan ng kongreso para sa pagpapalawig ng operasyon ng ABS-CBN.

Binanggit din ng dating mahistrado ang hatol sa kaso ng ‘Ang Nars Party-list’ noong October 2018 kung saan nagpasa ng joint resolution ang mga mambabatas na nagbabawas sa salary grade ng mga government nurses na kalauna’y pinawalang-bisa naman ng kataas-taasang hukuman.

May 6, 2020 0 comment

Newer Posts

Older Posts