Author

Gilbert Perdez

DWIZ 882

Opisyal ng PNP ninakawan ng pagkakakilanlan

Arestado ang isang 23 taong gulang na lalaki matapos gamitin ang Facebook accounts ng ilang kaanak ng isang mataas na opisyal ng Philippine National Police o PNP para makahingi ng pera sa mga kakilala o kaibigan.

Ayon sa biktimang si alyas “Maria”, nagsimula ang sunod-sunod na insidente ng panghihingi ng pera ng suspek na si alyas “Dave” nang looban nito ang kanilang bahay noong Agosto 20 kung saan natangay ang isang tablet at iba pang mahahalagang gamit.

Ayon kay Cyber Crime Response Officer-In-Charge PLtCol Jay Guillermo, agad na nagsumbong sa pulisya ang mga biktima kaya’t nailatag ang operasyon laban sa suspek na ngayo’y nahaharap sa mga kaukulang reklamo.

November 19, 2022 0 comment

FEATURES

Isang physician board examinee sa Cebu niregaluhan ng kotse

written by Gilbert Perdez

Niregaluhan ng kotse ng kanyang alma mater ang isang physician board examinee sa Cebu matapos makapasok sa top 10 ng 2022 Physician Licensure Examinations.

Personal na iniabot ni University of Cebu School of Medicine Chairman Augusto Go kay Mark Johnuel Duavis ang susi ng bago niyang sasakyan bilang pagkilala sa kanyang tagumpay.

Bukod kay Duavis, nagpasalamat din si Go sa faculty at staff dahil ang nagawa aniya nila ay isang malaking karangalan para sa unibersidad.

November 19, 2022 0 comment

HEADLINES HOT STORIES OF THE WEEK NATIONAL NEWS

PANGULONG MARCOS NAGLUKLOK NG 2 MMDA OFFICIALS, IBA PANG OPISYAL NG GOBYERNO NANUMPA NA RIN

written by Gilbert Perdez

Hinirang ni Pangulong Ferdinand Marcos Jr. si retired General Procopio Lipana bilang general manager ng MMDA o Metropolitan Manila Development Authority.

Bukod kay Lipana, itinalaga rin si Engr. Frisco San Juan Jr. bilang deputy chairman ng MMDA na dati ring naglingkod sa ahensya sa kaparehong posisyon noong panahon ni dating Pangulong Rodrigo Duterte.
Sina Lipana at San Juan ay kabilang sa mga bagong talagang opisyal ng gobyerno na nanumpa sa harap ni Executive Secretary Lucas Bersamin ngayong araw, Nobyembre 18.

Kasama ring nanumpa sina PDEA Director General Moro Lazo, PDEA Deputy Director General Pierre Bucsit, at MMDA Chairman Romando Artes.

Samantala, si ret. Judge Felix Reyes ay nanumpa sa tungkulin bilang bagong board director ng PCSO noon pang nakaraang Lunes.

November 18, 2022 0 comment

HEADLINES HOT STORIES OF THE WEEK NATIONAL NEWS

RET. JUDGE FELIX REYES, ITINALAGA NI PBBM BILANG BAGONG PCSO BOARD DIRECTOR

written by Gilbert Perdez

Nagtalaga si Pangulong Ferdinand Marcos Jr. ng bagong miyembro ng Board of Directors ng PCSO o Phil. Charity Sweepstakes Office.

Sa isang appointment letter, ipinagkakatiwala ni Pangulong Marcos kay ret. Judge Felix Reyes ang nasabing posisyon.

Nanumpa na rin si Reyes sa harap ni Executive Secretary Lucas Bersamin bilang bagong miyembro ng PCSO BOD.

Si Reyes ay dating presidente ng Phil. Judges Association o PJA at naging hukom din ng Marikina Regional Trial Court.

November 18, 2022 0 comment

HEADLINES RONDA PROBINSYA

Mga baril at bala, isinuko ng mga magsasaka sa Negros Oriental

written by Gilbert Perdez

Boluntaryong isinuko sa militar ng ilang magsasaka ang kanilang mga baril at mga bala sa Barangay Salag, Siaton, Negros Oriental.

Ayon sa Negros Oriental Provincial Police Office, kabilang sa mga isinukong armas sa 11th Infantry Battalion ng Phil. Army ang isang KG9 submachine gun, isang .357-caliber revolver, isang .38-caliber revolver, isang shotgun at mga bala.

Ang apat na magsasaka na hindi binanggit ang pagkakakilanlan ay sinasabing mga miyembro ng isang organisasyon na gustong maging benepisyaryo ng land reform program ng gobyerno.

November 12, 2022 0 comment

HEADLINES HOT STORIES OF THE WEEK

CPP-NPA member, nagbalik-loob na sa pamahalaan

written by Gilbert Perdez

Nagbalik-loob sa pamahalaan ang isang miyembro ng Communist Party of the Philippines-New People’s Army o CPP-NPA sa Barangay Sta. Barbara, Bulusan, Sorsogon.

Ayon kay Lt. Col. Nelson Mico, commander ng 22nd Infantry Battalion ng Phil. Army, isang kaanak din ng NPA member na si alyas “Alex” ang nakipag-ugnayan sa mga awtoridad at itinuro ang kinaroroonan ng imbakan ng mga armas at iba pang war materials sa lugar.

Sinabi ni Mico na napakalaking tulong ng bawat impormasyong ibinibigay ng mga mamamayan sa mga sundalo upang mas mapaigting pa nila ang kampanya laban sa mga teroristang grupo.

November 12, 2022 0 comment

HEADLINES

Disbarment complaint laban sa isang abogado, ibinasura ng Korte Suprema

written by Gilbert Perdez

Ibinasura ng Korte Suprema ang disbarment complaint laban sa isang abogado na naipit sa bangayan sa negosyo ng isang pamilya.

Sa isang resolusyon, kinatigan ng mataas na hukuman ang rekomendasyon ng Integrated Bar of the Philippines o IBP na nagsasaad na walang basehan ang reklamo laban kay Atty. Jordan Pizarras.

Idinemanda ng isang Enrique Javier de Zuzuararregui si Pizarras dahil sa umano’y pakikipagsabwatan sa kanyang pamangkin at hipag kung saan pumasok din ito sa isang compromise agreement sa kanilang real estate company noong 2016.

Pinaratangan ni Zuzuararregui si Pizarras na inabandona siya nito bilang kliyente at winaldas pa ang kanyang pera sa kompanya na nagkakahalaga ng P61.7 milyon.

Ngunit, ayon sa kataas-taasang hukuman, walang naipakitang ebidensya si Zuzuararregui na susuporta sa Attorney-client relationship nila ni Pizarras.

November 12, 2022 0 comment

HEADLINES

Road reblockings sa QC at Pasig City, nagsimula na

written by Gilbert Perdez

Nagsimula na ang road reblockings at repair activities sa ilang kalsada sa mga lungsod ng Quezon at Pasig ngayong weekend.

Dahil dito, inabisuhan ng Department of Public Works and Highways (DPWH) ang mga motorista na dumaan sa mga alternatibong ruta habang ginagawa ang repair works.

Kabilang sa mga apektado ay ang ilang bahagi ng Epifanio de los Santos Avenue o EDSA sa Quezon City.

Sa Pasig City, kinukumpuni naman ang ilang parte ng C-5 Service Road sa Barangay Bagong Ilog malapit sa Monocrete Construction sa Lanuza corner D. Julia Vargas malapit sa Valle Verde at maging ang truck lane sa may bahagi ng C-5 Road sa nasabi pa ring lungsod.

Ayon sa DPWH, umarangkada ang road repairs kagabi at muling bubuksan ang mga apektadong kalsada sa Lunes, Nobyembre 14.

November 12, 2022 0 comment

HEADLINES NATIONAL NEWS

PBBM nakiisa sa ASEAN sa pag-apruba sa Timor-Leste bilang ika-11 miyembro ng asosasyon

written by Gilbert Perdez

Nakiisa si Pangulong Ferdinand Marcos Jr. sa kapwa mga lider ng Association of Southeast Asian Nations sa pag-apruba sa Timor-Leste bilang ika-11 miyembro ng regional bloc sa ginanap na ASEAN Summits sa Phnom Penh, Cambodia.

Sa isang joint statement, nagkasundo ang mga ASEAN leaders na tanggapin ang Timor-Leste bilang bagong kasapi ng asosasyon kasabay ng pagkakaloob dito ng isang ‘observer status’.

Pinapayagan na rin ang nasabing bansa na lumahok sa mga ASEAN Meetings at Summit plenaries.

November 12, 2022 0 comment

HEADLINES HOT STORIES OF THE WEEK NATIONAL NEWS

Pag-apruba sa COC sa South China Sea, ipinanawagan ng Pangulong Marcos

written by Gilbert Perdez

Ipinanawagan ni Pangulong Ferdinand Marcos Jr. sa mga miyembro ng Association of Southeast Asian Nations (ASEAN) ang maagang pag-apruba sa Code of Conduct (COC) sa South China Sea batay sa pandaigdigang batas.

Sa kanyang talumpati sa ASEAN Summit sa Cambodia, binigyang-diin ng Pangulo na ang COC ay magsisilbing gabay ng mga bansa upang maiwasan ang sigalot sa pinag-aagawang teritoryo.

Mahalaga aniyang mangibabaw ang United Nations Convention on the Law of the Sea (UNCLOS) na siyang nagtatakda ng universal framework sa lahat ng mga aktibidad sa karagatan.

November 12, 2022 0 comment

Newer Posts

Older Posts