Author

Gilbert Perdez

DWIZ 882

CSC pansamantalang isinara para isailalim sa disinfection

Pansamantalang sarado ang Civil Service Commission (CSC) upang bigyang daan ang pagsasagawa ng disinfection sa buong gusali nito sa Quezon City.

Ayon kay CSC Commissioner Aileen Lizada, hanggang bukas, ika-labimpito ng Hulyo, ay mananatiling sarado ang central office ng CSC matapos umanong magpakita ng sintomas ng COVID-19 ang isa sa mga empleyado ng ahensya.

Dahil dito, ayon kay Lizada, lahat ng mga transaksiyon ay gagawin muna online.

Samantala, nanawagan din si Lizada sa publiko, lalo na sa mga mayroon nang appointments sa pamamagitan ng Online Registration, Appointment, and Scheduling System (ORAS), na maghintay ng anunsyo para sa kanilang bagong schedule.

July 16, 2020 0 comment

HEADLINES

Corrections officer sa Bilibid natagpuang patay

written by Gilbert Perdez

Patay ang isang 29-anyos na corrections personnel ng Bureau of Corrections (BuCor) matapos umanong mag-suicide sa loob mismo ng compound ng New Bilibid Prison (NBP) sa Muntinlupa City.

Ayon sa isang source ng DWIZ Patrol, naka-duty ang hindi pinangalanang BuCor officer nang mangyari ang insidente.

Sa imbestigasyon, nakita ang katawan ng biktima sa NBP Gola-7 sa Camp Sampaguita na may tama ng bala sa ulo.

Hinihinalang ginamit ng biktima ang sariling service firearm na 9mm sa kanyang pagpapatiwakal.

Ngunit inaalam din ng mga awtoridad kung may naganap na foul play sa pagkamatay ng naturang BuCor employee.

July 16, 2020 0 comment

RONDA PROBINSYA

Alkalde ng Tagapul-an, Samar sugatan sa pamamaril

written by Gilbert Perdez

Sugatan ang alkalde ng Tagapul-an, Samar matapos barilin ng hindi pa nakikilalang salarin.

Kinilala ang biktima na si Mayor Vicente Limpiado Jr., nasa hustong gulang, at nakatira sa naturang lugar.

Sa imbestigasyon, nakatayo ang alkalde malapit sa kanyang farm sa Brgy. Sugod nang lapitan ng salarin at pinaputukan bago mabilis na tumakas.

Agad na dinala sa pinakamalapit na ospital si Limpiado at kasalukuyan itong nilalapatan ng lunas.

Samantala, inatasan naman ni PNP chief PGen Archie Gamboa ang mga kagawad ng Police Regional Office 8 PRO-8 na resolbahin sa lalong madaling panahon ang pamamaril upang makamit ng biktima ang hustisya sa kanyang sinapit.

July 16, 2020 0 comment

NATIONAL NEWS

Walang masama sa barter system — Salceda

written by Gilbert Perdez

Walang masama sa barter system.

Ito ang binigyang diin ni Albay Rep. Joey Salceda kasunod ng banta ng Department of Trade and Industry (DTI) na magpapatupad ito ng crackdown laban sa online barter trading na namamayagpag sa gitna ng community quarantine period.

Giit ni Salceda, ang barter trade ay kinikilala ng batas bilang isang uri ng sale o pagbebenta.

Sa ilalim ng barter system, pinapayagan ang palitan ng paninda nang hindi gumagamit ng pera o cash.

July 16, 2020 0 comment

NATIONAL NEWS

Mga quarantine facilities, COVID-19 testing centers dadagdagan ng PNP

written by Gilbert Perdez

Magdaragdag ng mga bagong quarantine facilities at testing centers ang Philippine National Police (PNP).

Bukod dito, ayon kay PNP Chief PGen. Archie Gamboa, inatasan niya ang kanilang mga health personnel na magpatupad ng mas mahigpit na mga patakaran sa kanilang mga pasilidad.

Sa kasalukuyan, mayroon nang pitong quarantine at testing facilities ang PNP bilang bahagi ng supportive healthcare system para sa mga police frontliners na tumutugon sa coronavirus disease 2019 (COVID-19) pandemic.

Ayon kay Gamboa, ang mga ipinatayo nilang pasilidad ay accredited at aprubado ng Department of Health (DOH) at Inter-Agency Task Force for the Management of Emerging Infectious Diseases (IATF-MEID).

Samantala, sinegundahan din ng PNP chief ang sinabi ni DILG Secretary Eduardo Año na susuportahan nila ang mga local health officials sa pagbibigay ng seguridad sa mga nagsasagawa ng contact tracing at paghahanap ng mga pasyenteng tinamaan ng COVID-19 upang dalhin ang mga ito sa mga isolation facilities.

July 16, 2020 0 comment

RONDA PROBINSYA

Rehabilitasyon sa Marawi nagpapatuloy

written by Gilbert Perdez

Tuloy-tuloy ang rehabilitasyon sa Marawi City sa kabila ng coronavirus disease 2019 (COVID-19).

Katunayan, ayon kay Task Force Bangon Marawi Chairman Secretary Eduardo Del Rosario, target nilang matapos ito sa loob ng termino ni Pangulong Rodrigo Duterte.

Tinawag ding positive development ni Del Rosario ang pagkaka-apruba ng 2020 budget para sa marawi rehabilitation na nagkakahalaga ng P3.56-B.

July 16, 2020 0 comment

INTERNATIONAL NEWS

Bilang ng kaso ng COVID-19 sa Germany halos 200k na

written by Gilbert Perdez

Halos dalawang daang libo na (199,726) ang bilang ng mga tinamaan ng COVID-19 sa Germany.

Ayon sa Robert Koch Institute, ito’y makaraang maitala ang tatlong daan at limampu’t isa (351) na bagong impeksiyon doon.

Samantala, tatlo pang pasyente ang pumanaw dahilan upang pumalo na sa halos sampung libo ang bilang ng mga nasawi sa naturang bansa.

July 15, 2020 0 comment

ENTERTAINMENT

Dimples Romana naimbitahan para maging hurado sa 2020 Int’l Emmy Awards

written by Gilbert Perdez

Masayang sinabi ni Dimples Romana na naimbitahan siya para maging isa sa mga hurado sa 48th International Emmy Awards ngayong taon.

Sa isang Instagram post, ibinahagi ni Dimples sa kanyang mga tagahanga at followers ang magandang balita na aniya’y ‘dream come true’ para sa kanya.

Samantala, ayon sa official site ng Emmy’s, ang Awards Gala ay gagawin sa November 23, 2020 sa New York City habang ia-anunsiyo naman sa Setyembre ang mga nominees.

July 15, 2020 0 comment

SPORTS

Martin Nguyen gustong makasagupa ni Team Lakay fighter Kevin Belingon

written by Gilbert Perdez

Aminado si Team Lakay fighter Kevin Belingon na nais niyang makasagupa sa isang rematch si ONE featherweight king Martin Nguyen.

Gayunman, sinabi ng dating undisputed bantamweight champion na haharapin niya muna si Bibiano Fernandes bago umakyat sa mas mataas na dibisyon.

Unang natalo ni Belingon si Fernandes noong 2018 kaya siya naging undisputed champion.

Ngunit na-disqualify naman siya dahil sa illegal strikes nang magtuos muli ang dalawa noong March 2019.

July 15, 2020 0 comment

RONDA PROBINSYA

20 LSIs sa Lambunao, Iloilo muling isasalang sa swab test

written by Gilbert Perdez

Muling isasalang sa swab test ang 20 locally stranded individuals sa Lambunao, Iloilo na una nang nagpositibo sa coronavirus disease 2019 (COVID-19).

Ayon kay Dr. Mercedes P. Ballarta, karamihan sa mga nasabing LSI’s ay una nang sumalang sa rapid test habang ang ilan ay asymptomatic at nakumpleto na ang labing-apat na araw na quarantine.

Nais din umano ni Lambunao Mayor Reynor Gonzales na makasiguro sa resulta ng test at magiging maayos ang pag-uwi ng mga nabanggit na residente.

July 15, 2020 0 comment

Newer Posts

Older Posts