Author

Gilbert Perdez

DWIZ 882

HEADLINES NATIONAL NEWS

COVID-19 cases sa bansa pumalo na sa 67,456

written by Gilbert Perdez

Nakapagtala ang Department of Health (DOH) ng 2,241 na bagong kumpirmadong kaso ng COVID-19 sa Pilipinas.

Dahil dito, umakyat na sa 67,456 kabuuang bilang ng mga tinamaan ng coronavirus sa buong bansa.

Sa bilang na ito, ayon sa DOH, 43,160 ang mga itinuturing na active cases.

Iniulat naman ng health department ang 398 na bagong recoveries dahilan upang pumalo na sa 22,465 ang mga nakarekober mula sa sakit.

Samanta, umakyat na sa 1,831 ang bilang ng mga nasawi sa COVID-19 kasunod ng pagpanaw ng 58 pang pasyente.

July 19, 2020 0 comment

INTERNATIONAL NEWS

May-ari ng ospital sa Bangladesh na nag-iisyu ng pekeng COVID-19 certificates arestado

written by Gilbert Perdez

Arestado ang isang negosyante na nagmamay-ari ng dalawang klinika sa Bangladesh.

Ito’y dahil sa umano’y pag-iisyu ng mga pekeng health certificates na nagsasaad na virus-free ang isang pasyente kahit na hindi naman sumalang sa coronavirus disease (COVID-19 test) ang mga ito.

Kinilala ang suspek na si Mohammad Shahed, 42 taong gulang, na nadakip habang nakasuot ng burqa o hijab at pasakay ng isang bangka patungong India.

Lumalabas sa imbestigasyon ng mga awtoridad na pinalabas ni Shahed na nakapagsagawa ng mahigit 10,000 tests ang kanyang mga ospital at klinika kahit na mahigit apat na libo lamang ang totoong naisagawa nito.

Nabunyag din na naniningil si Shahed sa kanilang mga pasyente gayung nakipagkasundo na ito sa gobyerno na libre ang kanilang mga serbisyo dahil sa pandemya.

July 17, 2020 0 comment

ENTERTAINMENT

MMFF tuloy ngayong taon

written by Gilbert Perdez

Tila wala nang atrasan sa Metro Manila Film Festival (MMFF) ngayong taon sa kabila ng COVID-19 pandemic na nakakaapekto sa movie industry.

Ito’y makaraang i-anunsiyo ng MMFF ang unang apat na entries para sa 2020 edition ng film fest.

Sinasabing kasama rito ang isang horror movie na pagbibidahan ni Joshua Garcia; “Praybeyt Benjamin 3” ni Vice Ganda; at “Magikland.”

July 17, 2020 0 comment

SPORTS

Blackwater pinagmulta ng P100K dahil sa maagang team practice

written by Gilbert Perdez

Pinatawan ng P100,000 na multa ang Blackwater Elite matapos magsagawa ng team practice nang walang ‘go-signal’ mula sa Philippine Basketball Association (PBA).

Maliban dito, ayon kay PBA Commissioner Willie Marcial, maglulunsad din ng imbestigasyon ang liga kaugnay ng sinasabing plano ni Elite owner Dioceldo Sy na ibenta ang kanilang prangkisa sa gitna ng kontrobersiya.

Binigyang diin ni Marcial na bukod sa sasalang sa mandatory swab testing ang buong koponan, sasalang din sila sa seven-day quarantine kahit pa magnegatibo sila sa COVID-19 test.

Ayon pa kay Marcial, seryoso at mabigat ang isiniwalat ni Sy tungkol sa balak nito kaya nararapat lamang itong imbestigahan.

July 17, 2020 0 comment

HEADLINES

Pasok sa Korte Suprema suspendido sa Hulyo 20-22

written by Gilbert Perdez

Suspendido ang pasok sa tanggapan ng Korte Suprema mula Hulyo 20 hanggang Hulyo 22 ng taong kasalukuyan.

Sa isang memorandum, ipinaliwanag ni Chief Justice Diosdado Peralta na ito’y upang bigyang daan ang disinfection, paglilinis at sanitation sa mga gusali nito bilang pag-iingat laban sa coronavirus disease (COVID-19).

Magsisimula naman ang disinfection sa mga opisina at gusali ng kataas-taasang hukuman ngayong araw, Hulyo 18 hanggang Hulyo 22.

Ayon kay Peralta, magpapatuloy ang gagawing rapid anti-body testing sa lahat ng mga mahistrado, opisyal at empleyado ng Korte Suprema sa Hulyo 23 habang matutuloy din ang itinakdang ‘signing’ ng Roll of Attorneys ng mga nakapasa sa 2019 bar exams.

Samantala, papayagan namang pumasok mula Hulyo 20 hanggang Hulyo 22 ang mga on-duty personnel ng Office of the Bar Confidant; Cash Collection and Disbursement Division; Medical Services; at Security and Maintenance Divisions.

July 17, 2020 0 comment

HEADLINES HOT STORIES OF THE WEEK NATIONAL NEWS

Anti-Terror Law epektibo na bukas —DOJ chief

written by Gilbert Perdez

Nilinaw ni Justice Secretary Menardo Guevarra na magiging epektibo na ang Republic Act No. 11479 o Anti-Terrorism Act of 2020 bukas, Hulyo 18, at hindi sa Linggo, Hulyo 19.

Ayon kay Guevarra, dahil nailathala na sa pahayagan o Official Gazette ang batas noon pang Hulyo 3, dapat itong ipatupad makalipas ang 15 araw.

Matatandaang binatikos ng ilang sektor ang ginawang paglagda ni Pangulong Rodrigo Duterte sa anti-terror law dahil sa anila’y malabong definition ng salitang “terorismo” na posible umanong gamitin laban sa mga kritiko ng gobyerno.

July 17, 2020 0 comment

HEADLINES

Ospital ng Muntinlupa sagad na rin sa kapasidad — Mayor Fresnedi

written by Gilbert Perdez

Sagad na rin sa kapasidad ang Ospital ng Muntinlupa (OsMun) para sa mga tinamaan ng coronavirus disease (COVID-19).

Bagama’t malabo nang maasikaso ang mga bagong COVID-19 patients, nilinaw ni Mayor Jaime Fresnedi na tatanggap pa rin ang OsMun ng non-coronavirus cases.

Una nang nagdeklara ng full capacity para sa mga dinapuan ng virus ang iba pang mga ospital gaya ng Philippine General Hospital, Lung Center of the Philippines, Makati Medical Center, St. Luke’s Medical Center sa Quezon City at Taguig City.

July 17, 2020 0 comment

ENTERTAINMENT

Pangatlong anak nila ni Geoff Eigenmann ipinagbubuntis ngayon ni Maya Flores

written by Gilbert Perdez

Buntis ngayon si Maya Flores ng kanilang pangatlong anak ni Geoff Eigenmann.

Sa kani-kanilang Instagram accounts, parehong nag-post ang mag-asawa tungkol sa pagdadalantao ni Maya.

Isinilang ni Maya ang kanilang pangalawang anak noong June 2019 habang magtatatlong taong gulang naman ang kanilang panganay na si Arabella Simone sa Setyembre ngayong taon.

July 16, 2020 0 comment

SPORTS

Blackwater balak nang kumalas sa PBA

written by Gilbert Perdez

Balak nang ibenta ni Blackwater owner Dioceldo Sy ang kanilang prangkisa sa Philippine Basketball Association (PBA).

Ayon kay Sy, wala na ang puso niya sa liga kaya’t humihingi siya ng pang-unawa mula sa kanilang mga tagasuporta.

Matatandaang inatasan ni PBA commissioner Willie Marcial ang Elite na magpaliwanag kung bakit nagsagawa ito ng team practice nang walang abiso mula sa liga habang nagbanta rin si Games and Amusement Board chairman Abraham “Baham” Mitra na balak nilang patawan ng parusa ang koponan.

Una nang binigyang diin ni Sy na wala silang nilabag na health protocols at sinusunod nila ang mga patakaran ng PBA.

July 16, 2020 0 comment

INTERNATIONAL NEWS

Brazilian president muling nagpositibo sa COVID-19

written by Gilbert Perdez

Muling nagpositibo sa coronavirus disease 2019 (COVID-19) si Brazilian President Jair Bolsonaro.

Ayon kay Bolsonaro, ito’y nangangahulugan na hindi pa rin siya lubusang magaling mula sa sakit.

Matatandaang lumabas sa test results noong nakaraang linggo na tinamaan ng coronavirus si Bolsonaro pero wala umano itong nararamdamang sintomas.

Balak na sanang magbalik-trabaho ni Bolsonaro ngayong linggo kaya hindi na naman ito matutuloy dahil sa naturang pangyayari.

July 16, 2020 0 comment

Newer Posts

Older Posts