Author

Gilbert Perdez

DWIZ 882

NAIA employees isasalang rapid test

Isasalang sa rapid antibody test ang mga manggagawang nakatalaga sa Ninoy Aquino International Airport (NAIA).

Ayon kay Jess Martinez, Manila International Airport Authority (MIAA) Media Affairs Division head, sa ganitong paraan ay matutukoy kung positibo sa coronavirus disease 2019 (Covid-19) ang mga empleyado.

Kabilang aniya sa mga ite-test ang mga kawani ng MIAA, gayundin ang kanilang service provider.

Mula noong Marso, aabot na sa 54 ang mga personnel na dinapuan ng coronavirus.

Dahil dito, muling nagpaalala si MIAA general manager Ed Monreal sa lahat ng airport workers na tumalima sa basic precautionary measures tulad ng pagsusuot ng mask, social distancing, regular na paghuhugas ng kamay at sanitasyon.

July 22, 2020 0 comment

RONDA PROBINSYA

5 LSIs sa GenSan nagpositibo sa COVID-19

written by Gilbert Perdez

Nagpositibo sa coronavirus disease 2019 (COVID-19) ang limang locally-stranded individuals (LSI) na kauuwi lang ng General Santos City mula Cebu at Metro Manila.

Dahil dito, ayon kay Dr. Ryan Aplicador, deputy chief ng local Inter-Agency Task Force (IATF), umakyat na sa 14 ang bilang ng mga tinamaan ng COVID-19 sa lungsod.

Sa kabila nito, nilinaw ni Aplicador na wala pang local transmission sa kanilang lugar at lahat ng mga nagpositibo sa siyudad ay mga nagbabalik na LSIs at Overseas Filipino Workers (OFW)’s.

July 22, 2020 0 comment

RONDA PROBINSYA

Operasyon ng Central Mindanao Airport inaasahang aarangkada sa Setyembre

written by Gilbert Perdez

Kumpiyansa si North Cotabato Governor Nancy Catamco na mabubuksan na sa loob ng dalawang buwan ang Central Mindanao Airport (CMA) sa lalawigan.

Kasabay ng kanyang pagdalaw sa bayan ng M’lang, sinabi ni Catamco na binigyan siya ng update ng mga project engineers ukol sa construction works, kabilang na ang mga bakod at daanan ng mga taxi.

Ipinaliwanag naman ni Engr. Cora Castillo ng Aperon Construction na target sana nilang tapusin ang proyekto ngayong buwan pero dahil sa masamang panahon ay naantala ito.

Inaasahang lalakas ang economic activities sa probinsya sa gitna ng pandemya dahil sa nabanggit na paliparan.

July 22, 2020 0 comment

INTERNATIONAL NEWS

Nawawalang Pakistani journalist nakauwi sa kanyang pamilya

written by Gilbert Perdez

Nakauwi na sa kanyang pamilya ang prominenteng mamamahayag sa Pakistan ilang oras matapos itong i-ulat na nawawala.

Ayon sa report ng Al Jazeera, huling nakita si Matiullah Jan sa isang government school sa Islamabad.

Samantala, kinumpirma ni Pakistani Information Minister Shibli Faraz sa isang press conference na dinukot si Jan pero nakauwi naman agad sa kanyang pamilya ang nasabing journalist.

Mula noong 1992, tinatayang 61 Pakistani journalists na ang napapatay dahil sa kanilang trabaho.

July 22, 2020 0 comment

SPORTS

Wolves planong bilhin ni Kevin Garnett

written by Gilbert Perdez

Balak umanong bilhin ni NBA legend Kevin Garnett ang Minnesota Timberwolves.

Ito ang nabunyag matapos i-anunsiyo ni team owner Glen Taylor na interesado siyang ibenta ang kanilang koponan na pag-aari niya mula pa noong 1994.

Sa isang Instagram post, ibinalita ni Garnett sa kanyang mga tagahanga na kasama siya sa grupo na planong kunin ang prangkisa ng kanyang dating team sa NBA.

Sinasabing ang Wolves ay ibinebenta ni Taylor sa halagang $1.2-billion.

July 22, 2020 0 comment

HEADLINES NATIONAL NEWS

Ika-10 petisyon vs. anti-terror act inihain sa SC

written by Gilbert Perdez

Mahigit 40 lider ng mga progresibong grupo, akademya, at mamamahayag ang naghain ng ika-10 petisyon sa Korte Suprema laban sa Republic Act 11479 o mas kilala bilang Anti-Terrorism Act of 2020.

Sa pangunguna nina Bagong Alyansang Makabayan (BAYAN) Secretary General Renato Reyes, Jr., Movement Against Tyranny convenor Mother Mary John Mananzan at Karapatan Secretary General Cristina Palabay, inihirit ng grupo sa Mataas na Hukuman na ideklarang unconstitutional ang anti-terror law at harangin ang napipintong pagbuo ng anti-terrorism council.

Kasama rin sa mga petitioners sina dating University of the Philippines President Francisco Nemenzo, dating UP Chancellor Michael Tan, dating Social Welfare Secretary Judy Taguiwalo, Vergel Santos at Bishop Deogracias Iñiguez.

Naging sentro ng kanilang mga argumento ang umano’y malabong definition o kahulugan ng terorismo sa ilalim ng Seksiyon 4 ng nabanggit na batas.

July 20, 2020 0 comment

HEADLINES NATIONAL NEWS

98.2% contact tracing capacity ng bansa ipinagmalaki ng DILG

written by Gilbert Perdez

Ipinagmalaki ng Department of the Interior and Local Government (DILG) na nasa 98.2% na ang contact tracing capacity ng Pilipinas.

Ayon kay Interior Secretary Eduardo Año, mayroon nang 5,215 contact tracing teams o katumbas ng 69,000 contact tracers na naka-deploy sa iba’t ibang panig ng bansa.

Sinabi ni Año na sa 48,371 na kumpirmadong kaso, tinatayang 47,474 dito ang natunton ng tracing teams.

July 19, 2020 0 comment

RONDA PROBINSYA

Negosyante patay sa pananambang sa Negros Occidental

written by Gilbert Perdez

Agad na nasawi ang isang negosyante makaraang tambangan sa Sipalay City, Negros Occidental.

Ayon kay Police Lt. Col. Necerato Sabando, hepe ng Sipalay police, pauwi ang hindi pinangalanang biktima sa kanilang bahay at galing sa kanilang piggery sa Sitio Cambogui-ot nang pagbabarilin ng hindi pa nakikilalang salarin.

Kabilang ang love triangle sa mga sinisilip na motibo sa pamamaslang dahil sinasabing may ibang babae ang negosyante kahit na may asawa na ito.

Iniimbestigahan pa rin ng mga awtoridad ang naturang krimen.

July 19, 2020 0 comment

SPORTS

De La Hoya sasampa muli sa ring

written by Gilbert Perdez

Muling sasampa sa ring ang retiradong six-division boxing champion na si Oscar De La Hoya.

Ayon sa 47-anyos na boksingero, kukunin niyang trainer para sa kanyang comeback fight si Floyd Mayweather Sr.

Naniniwala si De La Hoya na kayang ibalik ni Mayweather ang lakas at bilis niya sa ibabaw ng parisukat na lona.

Huling sumampa sa ring si De La Hoya noong 2008 kung saan dinurog siya ni Sen. Manny Pacquiao sa pamamagitan ng eight-round technical knockout na naging dahilan ng kanyang pagreretiro.

July 19, 2020 0 comment

INTERNATIONAL NEWS

COVID-19 cases sa Mexico pumalo na sa mahigit 338,000

written by Gilbert Perdez

Pumalo na sa 338,913 ang bilang ng mga dinapuan ng COVID-19 sa Mexico.

Ito’y makaraang makapagtala ang health ministry ng 7,615 na bagong impeksiyon sa loob lamang ng isang araw.

Samantala, sumampa na sa 38,888 ang mga nasawi sa Mexico dahi sa COVID-19 kasunod ng pagpanaw ng 578 na pasyente.

Nanawagan naman sa publiko si epidemiology head Jose Luis Alomia na protektahan ang kanilang mga sarili at sumunod sa mga ipinatutupad na health protocols ng gobyerno.

July 19, 2020 0 comment

Newer Posts

Older Posts